प्रकास 8:10 - Dhimal NT

¹⁰ सुमतेङ स्वर्गदुत ताइको सानाइ म्होहि, कालाउ आकाससो एनोङ बारका फुरु जाइ रा:को भाइपा जोल्घाहि इङको आकाससो हुल्हि। इङको फुरु चिको कालाउ झारनागेलाइको ए तिहाइ भाग ह्रुता हुल्हि।

प्रकास 8:10 Iomraidhean Croise

मत्‍ति 25:1

आरोङ येसु ताइको चात्यागेलाइहेङ दोअ्हि, जेलाउ का द्‍याङको चान धुरितेङ ल्वाङका, कालाउ परमेस्वरको सासन एसापा जेनावा: तेलोङ धानिगेलाइ जाइ ताइको गेसा चुम्तेङ दाराहेङ कालाउ वाको बिहुको भातियारता भेतिलि हानावा।

लुका 10:18

येसु इम्बालाइहेङ दोअ्हि, का साइतानहेङ आचानाक स्वर्गसो बिजुलि भाइपाङ हुल्का तिङघा।

यहुदा 1:13

जेसाङ समुन्द्रको बल्लियाका उलाउ-उल्लाउका छाल्कागेलाइहोइ नाका चिहोइ थोसिको फिज भाइका चुमाखे, इङको द्‍याङगेलाइ लेदेर लुका कामगेलाइ पाखे। जेसाङ आधे फुरुगेलाइ दामा आवाइगिल्का हिखे कालाउ इङकोगेलाइता भर परिलि मादोखे, एन्साङ दोङ नेलाइ उङको द्‍याङगेलाइहेङ पिताइलि माएल। ओदोङ भाअ्सिङ जेलाउलाउको भाअ्सिङ कितिकितिकाता परमेस्वर इम्बालाइको भाअ्सिङ ए थामे ताअ्का हि, जेता हिदोइ बुङ थाअ्साइका मान्थुखे।

प्रकास 1:20

एला का काङको दाम्पाहा खुरता न्हि लोङ फुरुगेलाइको माने हाइ वाला कालाउ न्हि लोङ सोनाको चेरादानिगेलाइको माने हाइ हि दोअ्ताङका जेदोङ लाम्फा थाहा मान्थुघाहि। याको माने या हि: न्हि लोङ फुरुगेलाइ इङको स्वर्गदुतगेलाइहेङ तिम्पाखे जाइ न्हि लोङ मन्डलिगेलाइहेङ सामाराइखे कालाउ न्हि लोङ चेरादानिको न्हि लोङ मन्डलिगेलाइहेङ तिम्पाखे।”

प्रकास 12:4

इङको को मेथोङहोइ आकासको ए तिहाइ भाग फुरुगेलाइ कोअ्तेङ प्रिथिबि ह्रुता थाइगिल्पिहि। इङको बारका आजिङगर बेबालको आगाता जाअ्हि, कालाउकि जेसाङ वाको जामाल जोलोमनासाङ उङकोहेङ चाअ्लि द्वाको।

प्रकास 14:7

वा ह्रिकाइतेङ दोअ्हि, “परमेस्वरहेङ थिसु कालाउ वासेहेङ महिमा पिसु, हाइपालिपानु एला वाको सोमोइ हि कि वा द्‍याङगेलाइको न्याय पाको। वाको आराधाना पासु हाइपालिपानु वा दोङ स्वर्ग, प्रिथिबि, समुन्द्र कालाउ चिको झारनागेलाइ बानाइहि।”

प्रकास 16:4

सुमतेङ स्वर्गदुत वाको जाम बातिता साजाइ हिघाहि, इङको झोराको झारनागेलाइको समुन्द्र ह्रुता हुपिहि, कालाउ गोताङ चि हिति जेङहि।

प्रकास 6:13

जेसाङ एनोङ सिङको फलगेलाइ भेरमाहोइ हेङगालाइलाउ सिङसो फल हुल्खे, एन्सिकाङ फुरुगेलाइ आकाससो प्रिथिबिता हुल्हि।

प्रकास 8:7

लाङ स्वर्गदुत ताइको सानाइ म्होहि, कालाउ एन्सालाउ दोङ हेन्जा झोसे कालाउ हिति दोफाङ मिसालाइन्हाका मे प्रिथिबि ह्रुता हुल्हि। ओदोङ भाअ्सिङ प्रिथिबिको ए तिहाइ-भाग, कालाउ सिङगेलाइको ए तिहाइ भाग कालाउ गोताङ सिङजाल जाल्का घासिगेलाइ ओहि।

प्रकास 9:1

कालाउ जेलाउ नातेङ स्वर्गदुत ताइको सानाइ म्होहि, का एनोङ फुरु तिङघा जेदोङ स्वर्गसो प्रिथिबि ह्रुता हुल्का हिघाहि। इङको फुरुहेङ खारा खोलेलि ताल्चा पिहि। जेदोङको वाङखाराकाको हिदोइ बुङ आन्ता मान्थु।

प्रकास 9:15

कालाउ इङको जेदोङ द्‍यामि दुतगेलाइहेङ लाअ्पिहि। कालाउ इम्बालाइ लाम्फा दोङ तियार जेङका हिघाहि। इम्बालाइसो दोअ्हि कि इदोइ बेला, इदोइ दिना, इदोइ माइना कालाउ इदोइ बासारको भाअ्सिङ ह्रुम्सु कालाउ एला इङको सोमोइ लोलि दोका हि। इम्बालाइ सुमिङको ए भाग तिहाइ द्‍याङगेलाइहेङ सेअ्लि गोइखे।

प्रकास 9:18

मे, धुवाँ कालाउ गन्धक इदोइ सुमलोङ बिपतिगेलाइ हिघाहि, जेदोङ ओह्याँगेलाइको नुइसो ओल्लेतेङ हिघाहि। इदोइ बिपतिहोइ सुमिङता हिका ए तिहाइ भाग द्‍याङगेलाइहेङ सेअ्हि।