प्रकास 8:1 - Dhimal NT

¹ जेलाउ थुमा बुङ न्हितेङ मोहर भोइहि कालाउ इङको सोमोइ, आधा घान्टा थेकापा स्वर्गता चाका-मान्दा जेङहि।

प्रकास 8:1 Iomraidhean Croise

मत्‍ति 27:66

जेलाउ इम्बालाइ इन्ता हानिहि, कालाउ इङको तोमको फिनुता बार्का उन्ठुइहोइ थुम्तेङ ताअ्हि कालाउकि हासु बुङ इङकोहेङ ताइको थामेसो मासारियाको। कालाउ सिपालाइ तोम ह्रुम्लि लागाइहि।

प्रकास 5:1

कालाउ का सिङहासनता बिराजमान हिकाको दाम्पाहा खुरता इङको न्हेपाहाङ लेखेका एनोङ किताप तिङघा, जेदोङ न्हि लोङ मोहोर तुअ्पातेङ ताअ्का हिघाहि।

प्रकास 5:9

इम्बालाइ एसा दोअ्काताङ एनोङ नावा ले लेहि: “नाअ् मोहोरगेलाइ थुरलि कालाउ किताप खोलेलि योग्य हिना, हाइपालिपानु द्‍याङगेलाइ नासेहेङ सेअ्हि कालाउ नाङको सिकाको हितिहोइ नाअ् परमेस्वरको भाअ्सिङ गोताङ कुल, भासा, रास्ट कालाउ जाति-जातिसो झाराङ द्‍याङगेलाइहेङ चोल्न्हा।

प्रकास 6:1

आरोङ का तिङघा कि थुमा न्हि लोङ मोहर मध्ये लाङ मोहर भोइका, कालाउ का द्‍यालोङ हुसि हिका प्रानिगेलाइ मध्ये एनोङहेङ काइतेङ ह्रिकाइतेङ काइतेङ हिका हिङघा। वाको गाला गर्जनको भाइका बारका हिघाहि। वा दोअ्हि, “एला हानाइने, आगा लाङ।”

प्रकास 6:12

कालाउ का थुमा तुतेङ मोहर खाइका तिङघा। इन्ता एनोङ बारका भुइचाल हानिहि। सान्हे डाहि जेसाङ दा:का रङको धुसा भाइका जेङहि, कालाउ तालि गोताङ हिति भाइपाङ इ:का जेङहि।

प्रकास 6:3

जेलाउ थुमा न्हेतेङ मोहर खाइहि, कालाउ का न्हेनोङ हुसि हिका प्रानिको एसा दोअ्का हिङघा, “एला हानाइने, आगा लाङ।”

प्रकास 6:5

जेलाउ थुमा सुम्तेङ मोहोर खाइहि, कालाउ सुम्तेङ हुसि हिका प्रानि दोअ्का का हिङघा, “एला हानाइने, आगा लाङ।” कालाउ का खाङघा, एनोङ दा:का ओह्याँ बाहार ओल्लेतेङ लोहि। ओह्याँ सवारको खुरता एनोङ दोङका सेर हिघाहि।

प्रकास 6:7

जेलाउ थुमा द्‍यातेङ मोहर खाइहि, कालाउ का द्‍यातेङ हुसि हिका प्रानिको या दोअ्का हिङघा, “एला हानाइने, आगा लाङ।”

प्रकास 6:9

जेलाउ थुमा नातेङ मोहर खाइहि, कालाउ का स्वर्गको बेदि लिता इङको द्‍याङगेलाइको आत्मागेलाइ तिङघा जाइ सेअ्न्हाका हिघाहि, हाइपालिपानु इम्बालाइ परमेस्वरको बचन कालाउ इम्बालाइको निङका सत्ये सन्‍देस दोफा खाङधुरि योग्य हिघाहि।