प्रकास 7:9 - Dhimal NT

⁹ कालाउ न्हुसो, का इन्ता वथे बार्का द्‍याङको जेर तिङघा कालाउ हासु बुङ इङको गोताङहेङ गान्दिलि मादोघाहि। इम्बालाइ सुमिङको गोताङ जाति कुल, रास्ट, कालाउ गोताङ भासासो लोका हिघाहि। इम्बालाइ सिङहासन कालाउ थुमाको आगाता जाअ्हि। इम्बालाइ जे:का धाबा लागाइका हिघाहि, कालाउ गोताङ द्‍याङगेलाइ ताइको खुरता लाब्रा सिङको डालेङ चाअ्का हिघाहि, जेदोङ इङको साम्मानको चिन्हाको रुपता हिघाहि।

प्रकास 7:9 Iomraidhean Croise

लुका 12:1

हाजार दोङ हाजार द्‍याङगेलाइ ए दोफाङ जोम्घाहि, इम्बालाइ ओसारा हेन्जा हिघाहि कि इम्बालाइ एमिसो भेनेङहेङ याङघाखे। द्‍याङगेलाइहेङ सेउपालि खान्तेङ लाम्फा येसु वाको चात्यागेलाइहेङ दोअ्हि, नेलाइ फारिसिगेलाइको साउरिसो थिसु। काङको दोअ्लि खाङका माने इम्बालाइको कपटिसो चङख जेङजेङ हिसु।

लुका 21:36

कालाउ चङख हिसु, आइ लागिका इदोइ गोताङ थिलि गोइका काथागेलाइसो बान्चिलि कालाउ का द्‍याङको चानको आगाता न्यायको दिनाता जाअ्लि योग्य जेङलिको भाअ्सिङ दिनाङ प्रार्थाना पातेङ हिसु।

युहन्‍ना 12:13

कालाउ द्‍याङगेलाइ खजुरको दालेङगेलाइ चुमातेङ ह्रिकाइकाताङ दोअ्हि, “जय ज्याको परमप्रभुको मिङता लोका” इस्राएल सारभिको राजा दोअ्काताङ स्‍वागत पाहि।

रोमि 11:25

खान्धुराइ ओनेगेलाइ, का नाअ् गैर-यहुदिगेलाइहेङ घमन्डि जेङका का माचाहिखा। ओदोङ भाअ्सिङ का इस्राएललिगेलाइहेङ हाइ जेङहि दोअ्का रहस्यको ब्याख्या पाङका, कालाउ इङको काथा नेलाइहेङ थाहा जेङहि पानु नेलाइ घमन्ड मापास्वाना। इदोइ रहस्य इसिका हि, गोताङ गैर-यहुदिगेलाइ ख्रिस्टता खाङधुरि मापाका धाउ इस्राएललिगेलाइको ह्रदय राङका जेनावा।

एफिसि 6:13

ओदोङ भाअ्सिङ नेलाइहेङ परमेस्वर पिका गोताङ आमेनेगेलाइ ल्होपासु कालाउकि जेलाउ खाराबको दिना ल्वाङ, कालाउ इङको गोताङ काथाको सामाना पातेङ नेलाइ बल्लियाका जेङतेङ जाअ्लि दोसु।

हिब्रु 11:12

वाराङ जेङतेङ सिलि तोम्का आब्राहामसो बुङ आकासको फुरु कोनिङ हेन्जा कालाउ समुन्द्रको काम्भेको बालासरि गान्दिलि मादोका सान्तानको जोलोम जेङहि।

हिब्रु 12:22

कालाउ नेलाइते सियोन तिकारता लोका हिसुना, जेता स्वर्गिय यरुसेलेम हि, जेदोङ सिन्हुका परमेस्वरको सहर हि, जेता लाख-लाख स्वर्गदुतगेलाइ जोम्तेङ आनान्दहोइ-उत्साह मानाइखे।

प्रकास 11:15

जेलाउ न्हितेङ स्वर्गदुत ताइको सानाइ म्होहि, का स्वर्गता बा-बारका गालाहोइ एसा ह्रिकाइतेङ हिका हिङघा, “सुमिङको सासन पाका एला हासु बुङ मान्थु। खिनिङ केलाइको प्रभु परमेस्वर कालाउ वाको चुनिका ख्रिस्ट। कालाउ परमेस्वर जेलाउलाउ बुङ सासन पावा।”

प्रकास 22:3

जेदोङ परमेस्वरसो स्राप पिका हिघाहि इङको सहरता माह्याङ। कालाउ परमेस्वर कालाउ थुमाको सिङहासन इङको सहरता ह्यावा, कालाउ परमेस्वरको सेवकगेलाइ वाको आराधाना पावा।

प्रकास 3:18

इदोङ कारनहोइ पानाङ, का नासेहेङ साल्लाहा प्याङका कि मेसो सुद्द बानाइका सोना काङकोसो चोल कालाउकि नाअ् जातिङकोङ धनि जेङ। नाअ् ताइमिङ होङलि जे:का लोखोन बुङ चोल्लि गोइयाना जेदोङहोइ द्‍याङगेलाइ नासेहेङ नाङघाङ तिङका इङको लेदेरकासो बान्चिलि दोसु। नाङको मिसियाँता लागाइलिको भाअ्सिङ आधे मलम बुङ चोल्लि गोइखे कालाउकि नाअ् तिङलि द्वाना।

प्रकास 4:4

इङको सिङहासनको कोरपाहाङ ए कुरि द्‍या आरु सिङहासनगेलाइ हिघाहि। कालाउ पुरिङता सोनाको मुकुटगेलाइ कालाउ जे:का धाबागेलाइ लागाइतेङ ए कुरि द्‍यामि आगुवागेलाइ इङको सिङहासनगेलाइता योमतेङ हिका का तिङघा।

प्रकास 5:11

का आरोङ खाङघा, कालाउ सिङहासनको कोरपाहाङ जाअ्कालाइको हेन्जाङ-हेन्जाङ स्वर्गदुतगेलाइको गाला हिङघा, इङको द्‍यामि हुसि हिका प्रानिगेलाइ कालाउ आगुवागेलाइ हि।

प्रकास 5:9

इम्बालाइ एसा दोअ्काताङ एनोङ नावा ले लेहि: “नाअ् मोहोरगेलाइ थुरलि कालाउ किताप खोलेलि योग्य हिना, हाइपालिपानु द्‍याङगेलाइ नासेहेङ सेअ्हि कालाउ नाङको सिकाको हितिहोइ नाअ् परमेस्वरको भाअ्सिङ गोताङ कुल, भासा, रास्ट कालाउ जाति-जातिसो झाराङ द्‍याङगेलाइहेङ चोल्न्हा।

प्रकास 6:11

कालाउ न्हुसो इङको झाराङहेङ जे:का होङका धाबा पिहि। परमेस्वर इम्बालाइहेङ आले सोमोइ आरोङ ह्रुम्लि दोअ्हि। हाइपालिपानु इम्बालाइ भाइपा माकुनु आरोङ बुङ प्रभुको आरु सेवकगेलाइ कालाउ ओनेगेलाइ जाइ येसुको सेवा पाघाखे इम्बालाइ भाइपाङ सेअ्न्हालि गोयाङ। जेलाउ सेअ्न्हाका द्‍याङगेलाइको गान्दिका पुरा माजेङका थेकापा, इम्बालाइको भाअ्सिङ हुम्लि गोइका हि।

प्रकास 7:8

जाबुलुनको कुलसो तेन्हे हाजार द्‍याङगेलाइहेङ, योसेफको कुलसो तेन्हे हाजार द्‍याङगेलाइहेङ, कालाउ बेन्यामिनको कुलसो तेन्हे हाजार द्‍याङगेलाइहेङ।