प्रकास 7:13 - Dhimal NT

¹³ कालाउ वाको न्हुसो आगुवा मध्येसो एमि कासेहेङ हि:हि, “इदोइ जे:का धाबा लोखोन होङकालाइ हासु हि? कालाउ इम्बालाइ हिसो-हिसोसो लोका हि?”

प्रकास 7:13 Iomraidhean Croise

युहन्‍ना 7:28

कालाउ येसु मुन्दिरता धिर्पालाउ, वा बार्का गालाहोइ दोअ्हि, “नेलाइ कासेहेङ नाल्सुखेना, कालाउ का हितासो लोका हिघा, उङको बुङ गिसुखेना। का ताइको इच्छासो लोका माको, कालाउ जाइ कासेहेङ दिङगिल्हि वा खाङधुरि योग्य हि। कालाउ नेलाइ वासेहेङ मानाल्सुखेना।

साल्न्हाका चात्या 3:12

इङको तिङतेङ पतरुस द्‍याङगेलाइहेङ दोअ्हि, ओइ इस्राएलको द्‍याङगेलाइ इदोइ काथाता हाइ पालि नेलाइ आचाम्मा जेङसुखेना हाइ केलाइ वासेहेङ ताइको सरबुङ कालाउ भक्तिसो दोङ तेअ्लि दोपाका दोअ्का सम्झिसुखेना?

प्रकास 3:4

कालाउ नेलाइको माझाता सार्दिस सहरता आधिमि द्‍याङगेलाइ हि, जाइ पापगेलाइसो आसुद्द जेङका मान्थु। इम्बालाइ का दोफा जे:का धाबा होङतेङ हिगिल्लावा हाइपालिपानु इम्बालाइ योग्यको हि।

प्रकास 4:4

इङको सिङहासनको कोरपाहाङ ए कुरि द्‍या आरु सिङहासनगेलाइ हिघाहि। कालाउ पुरिङता सोनाको मुकुटगेलाइ कालाउ जे:का धाबागेलाइ लागाइतेङ ए कुरि द्‍यामि आगुवागेलाइ इङको सिङहासनगेलाइता योमतेङ हिका का तिङघा।

प्रकास 5:11

का आरोङ खाङघा, कालाउ सिङहासनको कोरपाहाङ जाअ्कालाइको हेन्जाङ-हेन्जाङ स्वर्गदुतगेलाइको गाला हिङघा, इङको द्‍यामि हुसि हिका प्रानिगेलाइ कालाउ आगुवागेलाइ हि।

प्रकास 5:5

कालाउ आगुवा मध्ये एमि कासेहेङ दोअ्हि, “माखार! खाङसु, जाइहेङ यहुदाको कुलको खुवाँ दोअ्खे, राजा दाउदको माहान हारागुटिया, वा साइतानहेङ जितिका हि। कालाउ वा कितापको न्हि लोङ मोहोर थुरलि कालाउ खोलिलि योग्यको हि।”

प्रकास 7:9

कालाउ न्हुसो, का इन्ता वथे बार्का द्‍याङको जेर तिङघा कालाउ हासु बुङ इङको गोताङहेङ गान्दिलि मादोघाहि। इम्बालाइ सुमिङको गोताङ जाति कुल, रास्ट, कालाउ गोताङ भासासो लोका हिघाहि। इम्बालाइ सिङहासन कालाउ थुमाको आगाता जाअ्हि। इम्बालाइ जे:का धाबा लागाइका हिघाहि, कालाउ गोताङ द्‍याङगेलाइ ताइको खुरता लाब्रा सिङको डालेङ चाअ्का हिघाहि, जेदोङ इङको साम्मानको चिन्हाको रुपता हिघाहि।