प्रकास 7:11 - Dhimal NT

¹¹ गोताङ स्वर्गदुतगेलाइ सिङहासनको द्‍यापाहाङ कालाउ आगुवागेलाइ द्‍यापाहाङ कालाउ द्‍यालोङ हुसि हिका प्रानिगेलाइको द्‍यापाहाङ जाअ्तेङ हिघाहि। इम्बालाइ झाराङ सिङहासनको आगाता तुघुरतेङ कालाउ परमेस्वरको आराधाना पाहि। कालाउ इम्बालाइ दोअ्हि,

प्रकास 7:11 Iomraidhean Croise

मत्‍ति 4:10

जेलाउ येसु साइतानहेङ दोअ्हि, “साइतान, इतासो हाने! हाइपालिपानु धर्मसास्तरता इसिका लेखेका हि।” नाअ् दोङ परमप्रभु ताइको परमेस्वरहेङ खिनिङ तुघुरतेङ आराधाना पालि कालाउ वाको खिनिङ सेवा पालि।

युहन्‍ना 5:23

हाइपालिपानु जेसाङ गोताङ द्‍याङगेलाइ आदार पाखे, एन्साङ दोङ इम्बालाइ का चानको आदार पाको। जेसापा हासु बुङ कासेहेङ आदार मापाखे पानु वा कासेहेङ दिङगिल्का आबा परमेस्वरहेङ बुङ आदार मापाखे।

हिब्रु 1:6

कालाउ ताइको लाङ चानहेङ या सुमिङता दिङगिल्का खान्तेङ लाम्फा परमेस्वर आरोङ दोअ्खे, “काङको गोताङ स्वर्गदुतगेलाइ वासेहेङ दोङ पुजियाको।”

प्रकास 11:16

कालाउ परमेस्वरको आगाता ता-ताइको सिङहासनता हिका उङको ए कुरि द्‍यामि आगुवागेलाइ, तुघुरतेङ परमेस्वरको आराधाना पाहि।

प्रकास 15:4

“हे प्रभु, नासेहेङ झाराङ द्‍याङगेलाइ थिखे, कालाउ झाराङ नाङको मिङको साम्मान पाखे, हाइपालिपानु नाअ् खिनिङ पबित्तरो परमेस्वर हिना। गोताङ सारभिको गोताङ द्‍याङगेलाइ नाङकोता लोखे कालाउ नाङको आराधाना पाखे, हाइपालिपानु नाङको धार्मिक कामगेलाइ झाराङ गिखे।”

प्रकास 22:9

कालाउ वा कासेहेङ दोअ्हि, “कासेहेङ आराधाना मापासु, खिनिङ परमेस्वरको आराधाना पासु! का बुङ नाअ् भाइकाङ कालाउ नाङको सानाइति खान्धुराइ ओनेगेलाइ भाइपाङ परमेस्वरको एमि सेवक हिघा, जाइ आगामबानि पाखे। कालाउ का इम्बालाइ झाराङ भाइपा हिघा जाइ इदोइ कितापता लेखेका आगमबानिको काथागेलाइ किखे।”

प्रकास 4:4

इङको सिङहासनको कोरपाहाङ ए कुरि द्‍या आरु सिङहासनगेलाइ हिघाहि। कालाउ पुरिङता सोनाको मुकुटगेलाइ कालाउ जे:का धाबागेलाइ लागाइतेङ ए कुरि द्‍यामि आगुवागेलाइ इङको सिङहासनगेलाइता योमतेङ हिका का तिङघा।

प्रकास 4:6

सिङहासनको आगाता एनोङ हाइ दोङ हिघाहि जेदोङ समुन्द्र भाइकाङ तिङघाहि, जेदोङ सिसा भाइपा जाहाका हिघाहि। कालाउ गोताङ सिङहासनको द्‍यापाहाङ द्‍यालोङ हुसि हिका प्रानिगेलाइ हिघाहि, जाइको जिउगेलाइता मिसियाँहोइ पुराङ ढाकिका हिघाहि।

प्रकास 4:8

इङको द्‍यालोङ दोङ हुसि हिका प्रानिको तुलोङ-तुलोङ पाखेना हिघाहि, कालाउ इम्बालाइको पाखेनागेलाइ लिता कालाउ बाहार न्हे पाहा मिसियाँहोइ ढाकिका हिघाहि। कालाउ झेम्पाङ लिपाङ इम्बालाइ माथामिसिङ एसा दोअ्काताङ लेकाताङ हिघाहि, “पबित्तरो, पबित्तरो, पबित्तरो प्रभु सरबुङसाइका परमप्रभु, वा इसिका परमेस्वर हि, जाइ सुरुको सोमोइसोङ एला थेकापा कालाउ जेलाउलाउको भाअ्सिङ परिबतन माजेनाङ।”