प्रकास 7:10 - Dhimal NT

¹⁰ इम्बालाइ तिराराइका बारका गालाहोइ ह्रिकाइहि, “सिङहासनता बिराजमान हिका केलाइको परमेस्वरहेङ बाखानाइ ज्याको कालाउ थुमाहेङ बाखानाइ ज्याको। नाअ् दोङ इम्बालाइ झाराङहेङ मुक्ति पिखेना।”

प्रकास 7:10 Iomraidhean Croise

लुका 3:6

गोताङ द्‍याङगेलाइ परमेस्वरको मुक्ति निनावा।

युहन्‍ना 1:29

न्हु दिना युहान्‍ना येसुहेङ ताइकोभारि लोका तिङतेङ दोअ्हि, खाङ, या दोङ ताइमिहेङ बलि पितेङ, सुमिङको पाप तोल्हितेङ चुम्पुका परमेस्वरको थुमा हि!

युहन्‍ना 1:36

युहान्‍ना येसुहेङ हानिकाताङ पाका तिङतेङ दोअ्हि, “खाङ, वा दोङ परमेस्वरको थुमा हि!”

युहन्‍ना 4:22

नाअ् सामारिगेलाइ जेदोङ आराधाना पासुखेना इङको मागिसुखेना। केलाइ यहुदि जेदोङ आराधाना पानाखे इङको गिनाखे, हाइपालिपानु मुक्ति चाहि यहुदिगेलाइसो लोखे।

एफिसि 2:8

हाइपालिपानु जेलाउ नेलाइ खाङधुरि पासुन्हा कालाउ परमेस्वर ताइको आनुग्रह पाहासो नेलाइको मुक्ति पाका हि, नेलाइ ताइमिङ दोङ उद्दार निङका माको, भरु इङकोते परमेस्वरको दान हि।

प्रकास 12:10

कालाउ का स्वर्गता एनोङ बारका गालासो एसा दोअ्तेङ हिका हिङघा, “एला केलाइको परमेस्वर ताइको द्‍याङगेलाइहेङ बान्चि पावा! एला वा ताइको सरबुङको प्रयोग पाङ कालाउ राजाको रुपता सासन पाङ! एला वाको ख्रिस्ट सुमिङता ताइको खाबारा दाबि पाङ! हाइपालिपानु साइतान एलासो चुम्तेङ परमेस्वरको आगाता जाअ्तेङ, केलाइ दोफा काम पाका दादा-ओनेगेलाइहेङ न्हिसिन नितिम मादुसियाङ, हाइपालिपानु साइतानहेङ स्वर्गसो बाहार थाइगिल्पिहि।

प्रकास 19:1

बल्लियाका स्वर्गदुत नुइ धुइलि दोतेङ न्हुसो, का स्वर्गता हेन्जा द्‍याङगेलाइ ले लेका गाला भाइका हिङघा: “हाल्लेलुयाह! नाअ् दोङ हिना जाइ झाराङ द्‍याङगेलाहेङ मुक्ति पिखेना। केलाइ परमेस्वरहेङ गोताङ महिमा पिनाखे। एला नाअ् ताइको सरबुङको प्रयोग पाअ्‌ कालाउ राजाको भाइपा सासन पाअ्‌!

प्रकास 21:5

कालाउ सिङहासनता बिराजमान हिका कासेहेङ दोअ्हि, “एला का गोताङ नावा बानाइदोङखा।” वा एसा बुङ कासेहेङ दोअ्हि, “इदोइ काथा लेखे। जेदोङ काथा का नासेहेङ दोअ्दोङखा इङको सत्ये कालाउ भोरोसा पालि योग्य हि।”

प्रकास 22:3

जेदोङ परमेस्वरसो स्राप पिका हिघाहि इङको सहरता माह्याङ। कालाउ परमेस्वर कालाउ थुमाको सिङहासन इङको सहरता ह्यावा, कालाउ परमेस्वरको सेवकगेलाइ वाको आराधाना पावा।

प्रकास 4:6

सिङहासनको आगाता एनोङ हाइ दोङ हिघाहि जेदोङ समुन्द्र भाइकाङ तिङघाहि, जेदोङ सिसा भाइपा जाहाका हिघाहि। कालाउ गोताङ सिङहासनको द्‍यापाहाङ द्‍यालोङ हुसि हिका प्रानिगेलाइ हिघाहि, जाइको जिउगेलाइता मिसियाँहोइ पुराङ ढाकिका हिघाहि।

प्रकास 5:7

थुमा आगाता लोतेङ सिङहासनता बिराजमान हिकाको दाम्पाहा खुरसो इङको किताप ह्रुहि।