प्रकास 6:9 - Dhimal NT

⁹ जेलाउ थुमा नातेङ मोहर खाइहि, कालाउ का स्वर्गको बेदि लिता इङको द्‍याङगेलाइको आत्मागेलाइ तिङघा जाइ सेअ्न्हाका हिघाहि, हाइपालिपानु इम्बालाइ परमेस्वरको बचन कालाउ इम्बालाइको निङका सत्ये सन्‍देस दोफा खाङधुरि योग्य हिघाहि।

प्रकास 6:9 Iomraidhean Croise

युहन्‍ना 16:2

इम्बालाइ नेलाइहेङ यहुदिगेलाइको चाउघारा साअ्सो बाहार ओल्लेपावा। इङको सोमोइ लोदोङखे जेलाउ नेलाइहेङ सेअ्कालाइ परमेस्वरको सेवा पादोङन्हाखे दोअ्का थानेवा।

2 कोरिन्थि 5:8

केलाइता पुर्न भोरोसा हि, कालाउ केलाइ सिकासो इदोइ जिउसो खेङन्हालि भोनाखे कालाउ प्रभु दोफा स्वर्गको साअ्ता हिलि चाहिनाखे।

फिलिप्पि 1:23

का मागियाङका इङको न्हेनोङ मध्ये हिदोइ चाहि साल्लि गोइका हि। भरु सितेङ ख्रिस्ट दोफा हिलि इच्छा हि, हाइपालिपानु या हेन्जाङ दोङ रेम्का हि।

फिलिप्पि 2:17

जेलाउ का नेलाइहेङ सुसमाचार प्राचार पाघा, नेलाइ प्रभु येसुता खाङधुरि पासुन्हा कालाउ ताइको जिबन वाको बलिदानको रुपता वाको सेवाता पिसुन्हा, ओदोङ भाअ्सिङ इङको कासेहेङ सुसमाचार प्राचार पाकानाङ इम्बालाइ कासेहेङ सेअ्न्हालाउ बुङ का नेलाइ झाराङ दोफा खुसि कालाउ आनान्दित जेनाङका।

2 तिमोथि 1:8

ओदोङ भाअ्सिङ केलाइको प्रभु येसु ख्रिस्टको बारेता द्‍याङगेलाइहेङ साक्सि पिलि मालेदेरसु। कालाउ का कैदता हिघा दोअ्तेङ बुङ मालेदेरसु, भरु परमेस्वर नेलाइहेङ पिका सरबुङ प्रयोग पालि गोइखे, कालाउ सुसमाचारको भाअ्सिङ काङको दुखता झ्वाइका जेङसु।

2 तिमोथि 4:6

का नासेहेङ या आदेस पिदोङखा, हाइपालिपानु का ते भोगको रुपता आर्पन जेङलि लागिका हिघा कालाउ काङको जिबन कालाउ परमेस्वरको भाअ्सिङ काङको काम दोलि तोम्का हि, हाइपालिपानु का गिखा कि का धेमाङ सियाङका वाला।

हिब्रु 12:23

नेलाइ परमेस्वरको जेठा चानगेलाइको मन्डलिता लोका हिसुना, जाइको मिङ स्वर्गता लेखेका हि, स्वर्गता हिका इम्बालाइ धर्मि जनको आत्मा दोङ हि, जाइहेङ एला सिद्द बानाइका हि। नेलाइ ताइमिङ परमेस्वरकोता लोका हिसुन्हा, जाइ झाराङ द्‍याङगेलाइको न्याय कर्ता हि।

प्रकास 1:2

युहान्‍ना ताइमिङ तिङका गोताङ काथा लेखेहि, इङको परमेस्वरसो लोका सन्‍देस हि कालाउ गोताङ काथा जेदोङ येसु ख्रिस्ट दोअ्का हि।

प्रकास 1:9

का युहान्‍ना, नाङको दोफाङ खान्धुराइ, नेलाइ येसुता हिकागेलाइ झाराङ परमेस्वरको सासनको सहभागि जेङस्वाना, कालाउ केलाइ झाराङ दुख-कस्ट भोगिन्हाखे कालाउ येसुको भाअ्सिङ धैर्य दोफा सहिलि बुङ गोइखे। परमेस्वरको बचन कालाउ येसु ख्रिस्टको साक्सि दोअ्नाङ का पत्मोस दोअ्का टापुता हिघा।

प्रकास 14:18

ठिक एन्सालाउ दोङ भेनेङ स्वर्गदुत जेदोङ तुतेङ स्वर्गदुत हि, जाइ स्वर्गको बेदि ह्रुता मेहोइ धुमाना जोलाइखे, वा इन्ता बाहार लोहि। वा चु:का धार हिका स्वर्गदुत दोफा आहुतेङ दोअ्हि, “प्रिथिबिता आङगुरको झुप्पा लाम्फाङ मिङलि दोहोइ! ताइको काचियाहोइ चे।”

प्रकास 16:7

आरोङ का हासु बुङ स्वर्गको बेदिसो नुइ धुइका हिङघा, “एइ, परमप्रभु परमेस्वर सरबुङसाइका, द्‍याङ जातिता नाङको साजाइ सत्ये कालाउ न्याय पुर्न हि।”

प्रकास 19:10

जेलाउ का इदोइ हिङघा, काङको दोफा काथा पातेङ हिघाहि का वाको आगाता तुघुरघा, हाइपालिपानु का वाको आराधाना पालि हानिदोङघाखा। कालाउ वा कासेहेङ दोअ्हि, “काङको आराधाना मापासु। नाअ् सिरिप परमेस्वरको आराधाना पालि गोइखे। हाइपालिपानु, का बुङ नाङको कालाउ नाङको दोफा खान्धुराइ पाका सेवक हिघा। नेलाइ झाराङ भाइपा का बुङ इदोइ वा हृुता सुइकार पाका हिघा कि येसु दोङ प्रभु हि। हाइपालिपानु इङको पबित्तरो आत्मा दोङ हि जाइ परमेस्वरको द्‍याङगेलाइ येसुहेङ देखाल पाका सत्ये काथाको घोसाना पालिको भाअ्सिङ साघाइखे।”

प्रकास 2:13

कासेहेङ थाहा हि, नेलाइको सहर साइतानको कब्जाता हि, कालाउ इङको को बाबजुद बुङ नेलाइ काङको ह्रुता नाङको खाङधुरिहेङ रिम्तेङ ताअ्का हिसुना। कालाउ नेलाइ काङको सिक्स्याहेङ लाअ्का मान्थु सुन्हा। इङको बेला बुङ नेलाइ का ह्रुता खाङधुरि पालि मालासुन्हा जेलाउ हेन्जा लाम्फा एन्टिपास सेअ्न्हाहि। वा काङको सन्‍देस प्राचार पालि खाङधुरि योग्य हिघाहि, कालाउ बुङ वा नेलाइको सहरता सेअ्नाहि जेदोङ साइतानको कब्जाता हि।

प्रकास 20:4

कालाउ न्हुसो, का आधे सिङहासनगेलाइ तिङघा, वाको दोफा योम्तेङ हिका द्‍याङगेलाइ दोफा सासन पालि खाबारा पिहि। का इम्बालाइको आत्माहेङ बुङ तिङघा जाइको पुरिङ पाल्पाहि हाइपालिपानु इम्बालाइ येसु दोङ प्रभु दोअ्तेङ सुइकार पाहि कालाउ इम्बालाइ परमेस्वरको बचनहेङ खाङधुरि पाहि। जेदोङ उङको द्‍याङगेलाइ इङको राक्सेसको माकुनु वाको मुर्तिको पुजा मापाहि, कालाउ इम्बालाइ ताइको कापालता माकुनु खुरता राक्सेसको दागाइका चिन्हा मालागाइहि। इदोइ द्‍याङगेलाइ आरोङ सिन्हुहि कालाउ ए-हाजार बासारको भाअ्सिङ ख्रिस्ट दोफा सासन पाहि।

प्रकास 8:3

इन्तासो भेनेङ स्वर्गदुत लोहि कालाउ स्वर्गको बेदिको भेरपा जाअ्हि। उङको स्वर्गदुत दोफा धुमाना जोलाइलि एनोङ सोनाको चेरादानि हिघाहि। वासेहेङ हेन्जा धुमाना पिहि कालाउकि परमेस्वरको गोताङ द्‍याङगेलाइ प्रार्थाना दोफाङ मिसालाइलि द्वावा। वा धुमाना कालाउ प्रार्थानागेलाइहोइ परमेस्वरको सिङहासनको आगाता सोनाको बेदि ह्रुता धोअ्हि।

प्रकास 9:13

कालाउ न्हुसो, तुतेङ स्वर्गदुत ताइको सानाइ म्होहि। जेलाउ वा सानाइ म्होहि, कालाउ का सोनाको स्वर्गको बेदिसो द्‍या कुन्हासो एनोङ गाला हिङघा। इदोइ सोनाको बेदि परमेस्वरको आगाता धुमाना जोलाइलिको भाअ्सिङ प्रयोग पाखे।