प्रकास 6:8 - Dhimal NT

⁸ कालाउ का याउका रङगको एनोङ ओह्याँ तिङघा। ओह्याँ सावारहेङ काल दोअ्घाहि। वाको भेरपा पाअ्तेङ न्हु हानिघाहि। वासेहेङ सुमिङको ए चौथाइ द्‍याङगेलाइहेङ सेअ्लि खाबारा निङहि। कालाउ वा ओबालाइहेङ कात्तिहोइ सेअ्हि। वा ओबालाइहेङ म्हितुपाङ सेअ्हि कालाउ मारेम्का मिसाहोइ सेअ्हि कालाउ झारभारिको गुपुसगेलाइसो सेअ्लि लाअ्पिहि।

प्रकास 6:8 Iomraidhean Croise

मत्‍ति 11:23

ए कर्फनहुम सहरको द्‍याङगेलाइ, हाइ नेलाइ सोचिसुखेना स्वर्गता साम्मानित जेङस्वाना माको नेलाइ साम्मानित माजेङस्वाना। नाअ् नरकता हुलाना हाइपालिपानु सोदोम सहरता बुङ नेलाइहेङ भाइपाङ सरबुङसाइका कामगेलाइ तिङपाकानु सोदोम सहर एला थेकापा हिधावा।

मत्‍ति 24:7

एनोङ जातिको बिरोधता भेनेङ जातिको द्‍याङगेलाइ बिरोध पावा कालाउ एनोङ सारभि भेनेङ सारभिको बिरोध पावा। जोसो-ओसोङ भुइचाल हानावा कालाउ लालाइगिल्लावा इदोइ ते कस्टको सुरुआत खिनिङ, जेसा कि चानको जोलोम जेङलि खाङलाउ लाम्फा तु निन्चालाउ जिसिका जेङखे इन्सिकाङ जेनावा। कालाउ या खान्तेङ बुङ हेन्जाङ कस्टगेलाइ लोलि बाकि हि।

1 कोरिन्थि 15:55

एसापा धर्मसास्तरता लेखेका काथा पुरा जेनावा, “ओइ सिका नाङको बिजोइ हिसो हि? ओइ सिका नाङको चोट पुराइ पाका सरबुङ हिसो हि?”

प्रकास 1:18

का जिबनको मुल हिघा, का एखे सिघा। कालाउ एला का सिन्हुका हिघा कालाउ का जेलाउलाउको भाअ्सिङ सिन्हुतेङ ह्याङका, कालाउ का दोफा सिका ह्रुता खाबारा हि, कालाउ पाताल ह्रुता बुङ जेता सिका द्‍याङगेलाइ हिखे।

प्रकास 12:4

इङको को मेथोङहोइ आकासको ए तिहाइ भाग फुरुगेलाइ कोअ्तेङ प्रिथिबि ह्रुता थाइगिल्पिहि। इङको बारका आजिङगर बेबालको आगाता जाअ्हि, कालाउकि जेसाङ वाको जामाल जोलोमनासाङ उङकोहेङ चाअ्लि द्वाको।

प्रकास 9:15

कालाउ इङको जेदोङ द्‍यामि दुतगेलाइहेङ लाअ्पिहि। कालाउ इम्बालाइ लाम्फा दोङ तियार जेङका हिघाहि। इम्बालाइसो दोअ्हि कि इदोइ बेला, इदोइ दिना, इदोइ माइना कालाउ इदोइ बासारको भाअ्सिङ ह्रुम्सु कालाउ एला इङको सोमोइ लोलि दोका हि। इम्बालाइ सुमिङको ए भाग तिहाइ द्‍याङगेलाइहेङ सेअ्लि गोइखे।

प्रकास 9:18

मे, धुवाँ कालाउ गन्धक इदोइ सुमलोङ बिपतिगेलाइ हिघाहि, जेदोङ ओह्याँगेलाइको नुइसो ओल्लेतेङ हिघाहि। इदोइ बिपतिहोइ सुमिङता हिका ए तिहाइ भाग द्‍याङगेलाइहेङ सेअ्हि।