प्रकास 6:4 - Dhimal NT

⁴ एन्सालाउ दोङ जेता सिङहासन हिघाहि, इन्तासोङ हेन्जा इ:का ओह्याँ बाहार लोहि। इङको इ:का ओह्याँ सवारिहेङ एनोङ कात्ति पिहि। परमेस्वर वासेहेङ सुमिङसो सान्ति नासा पालिको भाअ्सिङ कालाउ दुख पिलिको भाअ्सिङ खाबारा पिहि, कालाउकि इम्बालाइ एमिसो भेनेङहेङ सेअ्ताको।

प्रकास 6:4 Iomraidhean Croise

मत्‍ति 10:34

का प्रिथिबिता द्‍याङगेलाइको माझाता सान्ति चुमालि ल्होघा दोअ्तेङ मासम्झे। भरु सान्ति चुमालि माको, कालाउ का ते फेअ्सुपालि लोका हिघा।

मत्‍ति 24:6

जेलाउ नेलाइ धुम कालाउ धुमगेलाइको जोग्रेकालाइ हिङस्वाना कालाउ इङको बेला माअ्थिसु, इङको गोताङ घाटानागेलाइ जेङलि आवस्यक दोङ हि कालाउ सुमिङको आन्त चाहि एन्सालाउ दोङ माजेनाङ।

युहन्‍ना 19:11

येसु उतारा पिहि, नासेहेङ परमेस्वरसो खाबारा मापिकानु काङको ह्रुता नाङको हाइ दोङ खाबारा माजेङधाङ। ओदोङ भाअ्सिङ जाइ कासेहेङ नाङकोता सुम्पिका हि, झन हेन्जा पापको दुसिका हि।

प्रकास 12:3

कालाउ आकासता आरोङ चिन्हा तिङपाहि: कालाउ इन्ता एनोङ इ:का रङको बारका आजिङगर जेदोङ साइतान दोङ हि। वाको दोफा न्हि लोङ पुरिङ कालाउ तेलोङ दाङगेलाइ हिघाहि। कालाउ गोताङ पुरिङता एनोङ-एनोङ मुकुट हिघाहि।

प्रकास 13:10

जेदोङ द्‍याङ झ्यालखानाता परिलि गोइका हि, वा जातिङकोङ झ्यालखानाता परियाङ, कालाउ जाइ तरवारहोइ सेअ्न्हालि गोयाङ, वा जातिङकोङ तरवारहोइ सेअ्न्हाङ। ओदोङ भाअ्सिङ परमेस्वरको द्‍याङगेलाइ कस्टगेलाइको सोमोइता धैर्यता ताअ्लि गोइखे कालाउ परमेस्वरता जेलाउ बुङ भोरोसा पातेङ हिलि गोइखे।

प्रकास 17:3

पबित्तरो आत्माको साघाइहोइ, स्वर्गदुत कासेहेङ चाका-मान्दा थामेता चुम्पुहि। का इन्ता एमि बेलाहेङ इ:का रङको राक्सेस ह्रुता योम्तेङ हिका तिङघा। राक्सेसको न्हि लोङ पुरिङ कालाउ तेलोङ दाङ हिघाहि। वाको जिउता परमेस्वर बिरोधको मिङगेलाइहोइ लेखेका हिघाहि।

प्रकास 17:6

कालाउ का तिङघा कि उङको बेबाल परमेस्वरको द्‍याङगेलाइको हितिहोइ म्हाका हिघाहि। इदोइ द्‍याङ येसुहेङ खाङधुरिसोङ पिताइकानाङ सेअ्न्हाका हिघाहि। इङको बेबालहेङ तिङतेङ का ओसारापाङ भाङभाङघा।