प्रकास 6:16 - Dhimal NT

¹⁶ कालाउ इम्बालाइ रा कालाउ आरदाङको उन्ठुइगेलाइसो दोअ्लि तेङहि, “केलाइ ह्रुता हुल, कालाउ सिङहासनको बिराजमानता योम्तेङ हिकासो केलाइहेङ म्होसु। कालाउ थुमाको साजाइसो केलाइहेङ बान्चिपा।”

प्रकास 6:16 Iomraidhean Croise

मत्‍ति 26:64

येसु दोअ्हि, एइ का दोङ कालाउ का दोअ्खा न्हुसो भबिस्यता नेलाइ का द्‍याङको चानहेङ परमेस्वरको दाम्पाहा भारि योम्तेङ हिका स्वर्ग कालाउ आकासता सरबुङसाइपा लोकाताङ पाका तिङस्वाना।

मर्कुस 3:5

येसु मेनाङ चेर ताम्पाहि जेलाउ वा द्‍यापाहाङ खाङहि, उङको द्‍याङगेलाइको राङका मनहेङ तिङतेङ वा मेनाङ दुखित जेङहि। कालाउ उङको द्‍याङहेङ दोअ्हि, “नाङको खुर फेनापा।” उङको द्‍याङ खुर फेनापाहि, कालाउ वाको खुर एल्हि।

लुका 23:30

इङको बेला द्‍याङगेलाइ तिकारगेलाइहेङ दोअ्तावा, केलाइ ह्रुता हुल, कालाउ राहेङ दोअ्तावा केलाइहेङ ठुम दोअ्लि तेनावा।

प्रकास 10:6

स्वर्गदुत इङको मिङको केरा चाहि जाइ जेलाउलाउ बुङ सिन्हुका हितेङ हिखे, वा दोङ स्वर्ग, प्रिथिबि, समुन्द्र कालाउ इन्ता हिका गोताङ आमेनेगेलाइ सिरजाइहि। स्वर्गदुत दोअ्हि, “हिदोइ बुङ काथाको भाअ्सिङ आरु ह्रुम्लि आवास्यक मान्थु। गोताङ आमेने एला पुरा जेनाङ।”

प्रकास 19:15

वाको नुइसो एनोङ धार हिका कात्ति लोहि वा गोताङ रास्टगेलाइहेङ हारिपावा। झाराङ द्‍याङ जाइ वाको खाबाराहेङ मामानिखे, वा ओबालाइहेङ थाङका साजाइ प्याङ। वा दाखरस एनोङ खारासो झोतेङ हिका भाइका परमेस्वर, सरबुङसाइकाको थिलि गोइका चेरचुङको क्रोडहोइ लाअ्प्याङ।

प्रकास 20:11

आरोङ का एनोङ बारका जे:का सिङहासन तिङघा, जेता परमेस्वर योम्तेङ हिघाहि। जेता वा योम्का हिघाहि इङको थामेसो प्रिथिबि, आकास कालाउ गोताङ माअ्हि, कालाउ हासु बुङ इम्बालाइहेङ आरोङ हेलाउ बुङ मातिङहि।

प्रकास 4:2

एन्सालाउ दोङ परमेस्वरको आत्मा काङकोता लोहि, खाङसु, स्वर्गता एनोङ सिङहासन हिघाहि, कालाउ इङको सिङहासनता एमि बिराजमान हिघाहि।

प्रकास 4:5

इङको सिङहासनसो बिजुलिगेलाइ चिलकातेङ हिघाहि, कालाउ बादेलसो गड्याङ-गुडुङको गालागेलाइ ओल्लेतेङ लोघाहि। कालाउ इङको सिङहासनको आगाता न्हि लोङ चेरादानिगेलाइ जोल्तेङ हिघाहि, जेदोङ परमेस्वरको न्हि लोङ आत्मागेलाइ हि।

प्रकास 4:9

जाइ सिङहासनता बिराजमान हिका हि वा दोङ हि जाइ जेलाउलाउ बुङ सिन्हुका हितेङ हिखे। जेलाउ बुङ हुसि हिका प्रानिगेलाइ वासेहेङ महिमा, आदार, कालाउ धन्यबाद पिखे, ए कुरि द्‍यामि आगुवागेलाइ वाको आगाता तुघुरतेङ वाको आराधाना पाखे। इम्बालाइ ता-ताइको मुकुट सिङहासनको आगाता ताअ्तेङ या दोअ्ताङ:

प्रकास 5:1

कालाउ का सिङहासनता बिराजमान हिकाको दाम्पाहा खुरता इङको न्हेपाहाङ लेखेका एनोङ किताप तिङघा, जेदोङ न्हि लोङ मोहोर तुअ्पातेङ ताअ्का हिघाहि।

प्रकास 6:10

कालाउ इम्बालाइ एसा दोअ्काताङ बारका गालाहोइ परमेस्वरहेङ दोअ्हि, “ओइ पबित्तरो कालाउ सत्ये प्रभु, हाइ पालि नाअ् प्रिथिबिता हिका इङको दुस्ट द्‍याङगेलाइहेङ साजाइ पिलि इदोइ झोको बेलोम्पा थेकापा ह्रुम्खेना? केलाइ नासेहेङ बिन्ति पानाखे कि केलाइहेङ सेअ्का द्‍याङको इसिका ब्यभारको भाअ्सिङ नाअ् वासेहेङ बदला पि।”

प्रकास 9:6

इङको ना माइनाता द्‍याङगेलाइ सिलिको भाअ्सिङ दामागेलाइ भोगिल्लावा, कालाउ इम्बालाइ सिलि माद्वाङ। इम्बालाइ सिलि भोकावा कालाउ बुङ इम्बालाइ सिलि मानिनावा।