प्रकास 6:12 - Dhimal NT

¹² कालाउ का थुमा तुतेङ मोहर खाइका तिङघा। इन्ता एनोङ बारका भुइचाल हानिहि। सान्हे डाहि जेसाङ दा:का रङको धुसा भाइका जेङहि, कालाउ तालि गोताङ हिति भाइपाङ इ:का जेङहि।

प्रकास 6:12 Iomraidhean Croise

मत्‍ति 11:21

हे कोराजिन सहर कालाउ बेथसेदा देराको द्‍याङगेलाइ, नेलाइहेङ परमेस्वर हेन्जा साजाइ प्याङ! नेलाइको माझाता का जेदोङ सरबुङसाइका कामगेलाइ पाका हिघाखा, इङको काम टुरोस कालाउ सिदोन सहरता पाअ्कानु इन्ताको द्‍याङगेलाइ लाम्फा दोङ पाप लाअ्का तिङपालि बोराको लोखोन होङतेङ कालाउ बुसिरि उधावा।

मत्‍ति 24:29

इङको दिनागेलाइता माहा दुखगेलाइको न्हुसो सान्हे कितिकितितावा, कालाउ तालि बुङ ताइको फाइसालामका माप्यावा, फुरुगेलाइ बादेलसो लेता हुलावा, कालाउ आकासता हिका गोताङ सरबुङहोइ आकासको गोताङ आनेमानेगेलाइ हेङगालाइन्हावा।

मत्‍ति 24:7

एनोङ जातिको बिरोधता भेनेङ जातिको द्‍याङगेलाइ बिरोध पावा कालाउ एनोङ सारभि भेनेङ सारभिको बिरोध पावा। जोसो-ओसोङ भुइचाल हानावा कालाउ लालाइगिल्लावा इदोइ ते कस्टको सुरुआत खिनिङ, जेसा कि चानको जोलोम जेङलि खाङलाउ लाम्फा तु निन्चालाउ जिसिका जेङखे इन्सिकाङ जेनावा। कालाउ या खान्तेङ बुङ हेन्जाङ कस्टगेलाइ लोलि बाकि हि।

मत्‍ति 27:45

नितिमाको तेन्हे बजेसो सुम बजे थेकापा गोताङ सारभिता नितिमाङ कितिकितिहि। इन्सिका घाटाना सुमिङ भरि सुम घान्टा थेकापा जेङहि।

मत्‍ति 27:54

सिपालाइको कप्तान कालाउ येसुहेङ ह्रुम्का सिपालाइ भुइचाल लोका, कालाउ इन्ताको जेङका गोताङ घाटानागेलाइ इम्बालाइ तिङहि, कालाउ इम्बालाइ मारेम्फाङ थिहि। कालाउ इम्बालाइ एसा दोअ्हि, “याते जातिङको परमेस्वरको चान कि रो?”

मत्‍ति 28:2

बारका भुइचाल हानेहि, हाइपालिपानु परमप्रभुको एमि स्वर्गदुत स्वर्गसो लेता खुहि, कालाउ लोतेङ तोमको उन्ठुइ लाअ्पातेङ इङको ह्रुता योम्हि।

मर्कुस 15:33

नितिमा तेन्हे बजेसो सुम बजे थेकापा इदोइ प्रिथिबि भरि दोङ कितिकितिहि।

प्रकास 11:13

एन्सालाउ दोङ एनोङ बार्का भुइचाल यरुसेलेम सहरता हानिहि, सहरको साअ् तेतेङ भाग भाअ्पाहि। इदोइ भुइचाल को कारान, न्हि-हाजार द्‍याङगेलाइ सेन्हाहि। बाकि हिका द्‍याङगेलाइ थिहि, ओदोङ भाअ्सिङ इङको स्वर्गता हिका परमेस्वरको महिमा पालि तेङहि।

प्रकास 16:18

इङको सोमोइता बिजुलिगेलाइ चिलकातेङ लोघाहि, कालाउ बादेलसो गड्याङ-गुडुङको गालागेलाइ ओल्लेतेङ लोघाहि, कालाउ बारका भुइचाल बुङ लोहि। इसिका बारका नासा पाका भुइचाल द्‍याङगेलाइ सुमिङको सुरुसोङ एला थेकापा हेलाउ बुङ तिङका मान्थुघाहि।

प्रकास 16:8

द्‍यातेङ स्वर्गदुत वाको जाम बातिता जेदोङ साजाइ हिघाहि वासेहेङ सान्हे ह्रुता हुपिहि, कालाउ सान्हेहेङ सरबुङ पिहि कि ताइको धाङकाहोइ द्‍यायाङगेलाइ ओअ्पाको।

प्रकास 8:12

द्‍यातेङ स्वर्गदुत ताइको सानाइ म्होहि, कालाउ सान्हेको ए तिहाइ भाग कालाउ तालिको ए तिहाइ भाग ह्रुता बिपति लोहि। जाइको कारान दिनाको ए तिहाइ भागता सान्हे मालोहि, कालाउ न्हिसिनको ए तिहाइ भागता फुरु कालाउ तालि बुङ माथासाइहि।

प्रकास 8:5

कालाउ स्वर्गदुत स्वर्गको बेदिको ह्रुतासो तितेङ हिका आङग्रो चेरा दानिता पोङघा पापिहि, कालाउ प्रिथिबि ह्रुता थाइगिल्पिहि। कालाउ इङको सोमोइ बिजुलिगेलाइ चिलकातेङ हिघाहि, कालाउ बादेलसो गड्याङ-गुडुङको गालागेलाइ ओल्लेतेङ लोघाहि, कालाउ भुइचाल बुङ लोहि।