प्रकास 6:11 - Dhimal NT

¹¹ कालाउ न्हुसो इङको झाराङहेङ जे:का होङका धाबा पिहि। परमेस्वर इम्बालाइहेङ आले सोमोइ आरोङ ह्रुम्लि दोअ्हि। हाइपालिपानु इम्बालाइ भाइपा माकुनु आरोङ बुङ प्रभुको आरु सेवकगेलाइ कालाउ ओनेगेलाइ जाइ येसुको सेवा पाघाखे इम्बालाइ भाइपाङ सेअ्न्हालि गोयाङ। जेलाउ सेअ्न्हाका द्‍याङगेलाइको गान्दिका पुरा माजेङका थेकापा, इम्बालाइको भाअ्सिङ हुम्लि गोइका हि।

प्रकास 6:11 Iomraidhean Croise

मत्‍ति 10:21

एमि ओने भेनेङ-ओनेहेङ सेअ्लिको भाअ्सिङ रिम्पावा। आमाइ-आबा बुङ ताइको चान चामिन्दिहेङ, चान चामिन्दि ताइकोङ आमाइ-आबाहेङ सेअ्लि लागाइयावा। हाइपालिपानु इम्बालाइ कासेहेङ खाङधुरि पाकानाङ।

लुका 15:22

कालाउ वाको आबा ताइको चाकारियागेलाइहेङ काइतेङ आराइहि, मारफा! यासेहेङ रेम-रेम्का लोखोन धाबा चुमासु कालाउ यासेहेङ होङपासु। आङगुलिता आङखुति बुङ सुम्पासु, कालाउ खोकोइता जुत्ता बुङ सुम्पासु।

युहन्‍ना 16:2

इम्बालाइ नेलाइहेङ यहुदिगेलाइको चाउघारा साअ्सो बाहार ओल्लेपावा। इङको सोमोइ लोदोङखे जेलाउ नेलाइहेङ सेअ्कालाइ परमेस्वरको सेवा पादोङन्हाखे दोअ्का थानेवा।

साल्न्हाका चात्या 20:24

कालाउ का ताइको जिबनहेङ हिदोइ बुङ मोलको कालाउ ताइको भाअ्सिङ पिलि माथानिखा, इदोइ झोको खिनिङ चाहिखा, कि परमेस्वरको आनुग्रहको सुसमाचारको साक्सि पिलि काङको धाअ्का प्रभु येसुसो मिलिका काङको सेवाकाइ का पुरा पालि द्वाको।

2 थेस्लोनिकि 1:7

कालाउ नेलाइ दुख निङचाकालाइहेङ केलाइ दोफाङ लाअ्पावा। इसिका एन्सालाउ जेनावा जेलाउ प्रभु येसु ताइको सरबुङसाइका स्वर्गदुतगेलाइ दोफा तिका मेहोइ खोराइतेङ स्वर्गसो ल्वावा।

2 तिमोथि 4:7

खाङधुरिको रेम्का धुम पासु, जेसाङ एमि आर्मि धुम पालि हार मामानिखे, का बुङ ख्रिस्टको भाअ्सिङ थाङका मेहेनत पाका हिघा। का येसु ख्रिस्टको पिका कामहेङ पुरा पाका हिघा। कालाउ आखिरि दिना थेकापा खाङधुरि योग्य जेङतेङ हिघा।

हिब्रु 11:40

हाइपालिपानु परमेस्वर दोफा इम्बालाइको भाअ्सिङ खिनिङ माको, भरु केलाइको भाअ्सिङ बुङ झन रेम्का योजाना हि, परमेस्वर इम्बालाइहेङ केलाइ दोफा खिनिङ सिद्द बानाइलि चाहिखे।

हिब्रु 12:23

नेलाइ परमेस्वरको जेठा चानगेलाइको मन्डलिता लोका हिसुना, जाइको मिङ स्वर्गता लेखेका हि, स्वर्गता हिका इम्बालाइ धर्मि जनको आत्मा दोङ हि, जाइहेङ एला सिद्द बानाइका हि। नेलाइ ताइमिङ परमेस्वरकोता लोका हिसुन्हा, जाइ झाराङ द्‍याङगेलाइको न्याय कर्ता हि।

हिब्रु 4:10

हाइपालिपानु परमेस्वर ताइको काम पालि दोतेङ न्हुसो माइसा चाहि। कालाउ इङको झाराङ दोफा इन्सिकाङ हिखे, जाइ परमेस्वर दोफा माइसा चाकाता दुल्खे। इम्बालाइ ताइको काम पालि दोतेङ माइसा चाखे।

प्रकास 10:6

स्वर्गदुत इङको मिङको केरा चाहि जाइ जेलाउलाउ बुङ सिन्हुका हितेङ हिखे, वा दोङ स्वर्ग, प्रिथिबि, समुन्द्र कालाउ इन्ता हिका गोताङ आमेनेगेलाइ सिरजाइहि। स्वर्गदुत दोअ्हि, “हिदोइ बुङ काथाको भाअ्सिङ आरु ह्रुम्लि आवास्यक मान्थु। गोताङ आमेने एला पुरा जेनाङ।”

प्रकास 13:15

न्हेतेङ राक्सेसहेङ बुङ परमेस्वर आनुमति पिहि कि वा लाङति राक्सेसको मुर्तिहेङ सिन्हु पाको, कालाउकि राक्सेसको मुर्ति काथा पालि द्वाको कालाउ आरुहेङ आदेस पिलि द्वाको जेदोङ द्‍याङगेलाइ इङको मुर्तिको आराधाना मापाखे इम्बालाइ सेअ्न्हाको।

प्रकास 14:13

आरोङ का हासु बुङ स्वर्गसो काङको दोफा नुइ धुइतेङ हिका हिङघा। वा दोअ्हि, “इदोइ काथागेलाइ इता लेखे। एलासो इङको द्‍याङगेलाइ धन्यको हि जाइ प्रभुता खाङधुरि पातेङसाङ सिखे।” कालाउ पबित्तरो आत्मा बुङ दोअ्हि कि, “इदोइ काथा सत्ये हि। इङको द्‍याङगेलाइ धन्यको हि हाइपालिपानु इम्बालाइ ताइको परिस्रोमसो माइसा चावा कालाउ जेदोङ काम पाहि इङको को भाअ्सिङ इनाम निनावा।”

प्रकास 17:6

कालाउ का तिङघा कि उङको बेबाल परमेस्वरको द्‍याङगेलाइको हितिहोइ म्हाका हिघाहि। इदोइ द्‍याङ येसुहेङ खाङधुरिसोङ पिताइकानाङ सेअ्न्हाका हिघाहि। इङको बेबालहेङ तिङतेङ का ओसारापाङ भाङभाङघा।

प्रकास 7:14

कालाउ का वासेहेङ दोअ्घा, “कासेहेङ थाहा मान्थु भरु नेउ, नासेहेङ दोङ थाहा हि।” वा कासेहेङ दोअ्हि, “इदोइ द्‍याङगेलाइ हि जाइ दुख भोगिका हि। इम्बालाइ ताइको धाबा थुमाको हितिता झाअ्हि कालाउ जे:का जेङहि, याको मतलब हि कि इम्बालाइको पाप लाअ्पाका हि।

प्रकास 7:9

कालाउ न्हुसो, का इन्ता वथे बार्का द्‍याङको जेर तिङघा कालाउ हासु बुङ इङको गोताङहेङ गान्दिलि मादोघाहि। इम्बालाइ सुमिङको गोताङ जाति कुल, रास्ट, कालाउ गोताङ भासासो लोका हिघाहि। इम्बालाइ सिङहासन कालाउ थुमाको आगाता जाअ्हि। इम्बालाइ जे:का धाबा लागाइका हिघाहि, कालाउ गोताङ द्‍याङगेलाइ ताइको खुरता लाब्रा सिङको डालेङ चाअ्का हिघाहि, जेदोङ इङको साम्मानको चिन्हाको रुपता हिघाहि।