प्रकास 6:10 - Dhimal NT

¹⁰ कालाउ इम्बालाइ एसा दोअ्काताङ बारका गालाहोइ परमेस्वरहेङ दोअ्हि, “ओइ पबित्तरो कालाउ सत्ये प्रभु, हाइ पालि नाअ् प्रिथिबिता हिका इङको दुस्ट द्‍याङगेलाइहेङ साजाइ पिलि इदोइ झोको बेलोम्पा थेकापा ह्रुम्खेना? केलाइ नासेहेङ बिन्ति पानाखे कि केलाइहेङ सेअ्का द्‍याङको इसिका ब्यभारको भाअ्सिङ नाअ् वासेहेङ बदला पि।”

प्रकास 6:10 Iomraidhean Croise

लुका 2:29

एला हे प्रभु, नाङको बाचा आन्सार का नाङको बान्धाइतिहेङ सान्ति दोफा सिलि पि।

लुका 21:22

हाइपालिपानु इङको दिनागेलाइ जेलाउ परमेस्वर ताइको द्‍याङगेलाइहेङ साजाइ पियाङ केलाइको धर्मसास्तरता लेखेका गोताङ काथागेलाइ पुरा जेनावा।

रोमि 12:19

ओइ काङको आनाउगेलाइ, ताइमि दोङ हेलाउ बुङ बदला माह्रुसु, भरु परमेस्वर दोङ वासेहेङ साजाइ प्याको। हाइपालिपानु धर्मसास्तरता लेखेका हि, “बदला ह्रुका काम काङको दोङ हि, का दोङ बदला ह्रुकाङका” प्रभु दोअ्खे।

हिब्रु 12:24

नेलाइ परमेस्वर कालाउ द्‍याङगेलाइको मध्यस्ताता नावा कारारता धेउपिका येसु कालाउ सिरकाइका हितिता लोका हिसुन्हा, जाइ हाबिलको हिति खान्तेङ आझाइ आसल बचन धुइखे दोअ्खे।

२ पत्‍रुस 2:1

हेन्जाङ सोमोइ लाम्फा इस्राएल सारभिको द्‍याङगेलाइको माझाता धातुवा आगमबक्तागेलाइ बुङ हिघाहि, एन्साङ दोङ नेलाइको माझाता बुङ धातुवा सिक्स्कगेलाइ बुङ ह्याङ। इम्बालाइ सिकापा नेलाइको मन्डलिता दुल्लावा कालाउ नेलाइहेङ परमेस्वरको बारेता बिनासकारि धाताइका सिक्स्यागेलाइ दोअ्तावा। इम्बालाइ ख्रिस्टहेङ ताइको प्रभुको रुपता इन्कार पावा, जाइ नेलाइहेङ पापगेलाइसो स्वतन्तर पाहि। हाइपालिपानु इम्बालाइ एन्सा पाखे, इम्बालाइ ताइमिङता नासाका चुमाखे।

प्रकास 11:18

जेदोङ द्‍यायाङगेलाइ नासेहेङ खाङधुरि मापाखे, इम्बालाइ हेन्जा चेर ताम्पाका हि, हाइपालिपानु एला नाङको चेर इम्बालाइता ह्रुता लोका सोमोइ लोका हि, कालाउ नाअ् सिका द्‍यायाङगेलाइको न्याय पाका सोमोइ लोलि दोका हि। एला या सोमोइ बुङ हि जेलाउ नाअ् परमेस्वरको बक्तागेलाइहेङ जाइ नाङको सेवा पाखे नाअ् वासेहेङ पुरुस्कार प्याना, कालाउ नाङको झाराङ द्‍याङगेलाइहेङ जाइ नासेहेङ थिखे। कालाउ जेदोङ द्‍याङगेलाइ जाइ हुइका हि कालाउ जाइ बल्लियाका हि। ओदोङ सोमोइ नाअ् झाराङहेङ नासापाना जाइ सुमिङहेङ हान्ति चुमाखे।”

प्रकास 18:20

नेलाइ झाराङ जाइ स्वर्गता हिसुखेना, परमेस्वरको गोताङ द्‍याङगेलाइ, छाल्न्हाका चात्यागेलाइ, कालाउ परमेस्वरको बक्तागेलाइ, नेलाइ बेबिलोन सहरता जेदोङ जेङहि इङको भाअ्सिङ झाराङ हेन्जा खुसि मानाइसु। हाइपालिपानु परमेस्वर बेबिलोन सहरहेङ साजाइ प्याङ जेदोङ दुस्ट काम नेलाइ दोफा पाहि।”

प्रकास 18:24

परमेस्वर बेबिलोन सहरहेङ साजाइ पिहि हाइपालिपानु वासेहेङ परमेस्वरको बक्तागेलाइहेङ, कालाउ परमेस्वरको गोताङ द्‍याङगेलाइहेङ कालाउ गोताङ सुमिङको द्‍याङगेलाइहेङ सेअ्का दुसिका हिघाहि।”

प्रकास 19:2

वाको बाखानाइ पासु! हाइपालिपानु वाको गोताङ न्याय सत्ये हि कालाउ ठिक हि। वा इङको बारका सहरहेङ साजाइ पिहि जाइ मिङ चलिका बेस्या भाइका हि। हाइपालिपानु वा सुमिङता हिका द्‍याङगेलाइहेङ पाप पालि उसकाइहि। परमेस्वर वासेहेङ घुरिपातेङ तिरिपिहि हाइपालिपानु वाको बान्धाइतिगेलाइहेङ सेअ्हि।”

प्रकास 3:10

कस्ट भोगिलाउ नाअ् धर्य ताअ्तेङ काङको सन्देसहेङ आनुसरन पाअ्‌, ओदोङ भाअ्सिङ का नासेहेङ जाचिकाको सोमोइसोङ नासेहेङ बान्चि पाङका। इदोइ जाचिकाको सोमोइ इदोइ सुमिङको गोताङ द्‍याङगेलाइता ल्वाङ।

प्रकास 3:7

येसु कासेहेङ एसा बुङ दोअ्हि, फिलाडेलफिया सहरको मन्डलिको स्वर्गदुतहेङ या सन्‍देस लेखे: का वाआङ हिघा, जाइ पबित्तरो कालाउ सत्ये हि, जाइ दोफा राजा दाउदको ताल्चा हि, जेलाउ का इङको ताल्चाहोइ फिनु हेअ्खा, हासु बुङ इङकोहेङ गि:लि माद्वाङ, कालाउ जेलाउ का इङको ताल्चाहोइ फिनु गि:ताङका हासु बुङ इङकोहेङ हेअ्लि माद्वाङ। जेदोङ नेलाइहेङ दोअ्खा वासेहेङ हिङसु।