प्रकास 6:1 - Dhimal NT

¹ आरोङ का तिङघा कि थुमा न्हि लोङ मोहर मध्ये लाङ मोहर भोइका, कालाउ का द्‍यालोङ हुसि हिका प्रानिगेलाइ मध्ये एनोङहेङ काइतेङ ह्रिकाइतेङ काइतेङ हिका हिङघा। वाको गाला गर्जनको भाइका बारका हिघाहि। वा दोअ्हि, “एला हानाइने, आगा लाङ।”

प्रकास 6:1 Iomraidhean Croise

युहन्‍ना 1:29

न्हु दिना युहान्‍ना येसुहेङ ताइकोभारि लोका तिङतेङ दोअ्हि, खाङ, या दोङ ताइमिहेङ बलि पितेङ, सुमिङको पाप तोल्हितेङ चुम्पुका परमेस्वरको थुमा हि!

साल्न्हाका चात्या 4:20

हाइपालिपानु केलाइते ताइमिङ हिङका कालाउ तिङका काथा मादोअ्सिङ सिकापा हिलि माद्वाङ।”

प्रकास 11:19

कालाउ स्वर्गता परमेस्वरको मुन्दिर हेअ्हि जेदोङ स्वर्गता हि, कालाउ मुन्दिर लिता कारारको सन्दुक तिङचाहि। इङको सोमोइ इन्तासो बिजुलिगेलाइ चिलकातेङ लोघाहि, कालाउ बादेलसो गड्याङ-गुडुङको गालागेलाइ ओल्लेतेङ लोघाहि, कालाउ भुइचाल बुङ लोहि। कालाउ बारका वाइ दोफाङ बारका उन्ठुइ भाइका झोसे बुङ हुल्हि।

प्रकास 13:8

कालाउ प्रिथिबिता हिका गोताङ द्‍याङगेलाइ राक्सेसको आराधाना पाहि। सुमिङहेङ सिरजाइका खान्तेङ लाम्फासोङ जेदोङ द्‍याङगेलाइको मिङ जिबनको कितापता लेखेका हिघाहि, सिरिप उङको द्‍याङगेलाइ राक्सेसको आराधाना मापाहि। जिबनको किताप थुमाको किताप हि जेदोङ बिलिदानको रुपता सेअ्का हिघाहि।

प्रकास 14:2

कालाउ का स्वर्गता हासुको बुङ गाला हिङघा। इङको गाला चिको हेन्जा झारनाको तिराराइका गाला भाइका हिघाखे। माकुनु इङको गर्जनको बार्का गाला भाइका हिघाहि। जेदोङ का गाला हिङघा इङको सङगितकारगेलाइसो उर्नि धुइपाका पोदोको गाला भाइका हिघाहि।

प्रकास 19:6

कालाउ न्हुसो, का हेन्जाङ द्‍याङगेलाइको ह्रिकाइका भाइका बारका गाला हिङघा। इम्बालाइको ह्रिकाइका हेन्जा ओसारापाङ बारका चिको झरना भाइकाङ हिघाहि, कालाउ बादेलसो गद्द्‍याङ-गुद्द्‍याङको गाला भाइका हिघाहि। इम्बालाइ दोअ्हि, “हाल्लेलुया! परमेस्वर केलाइको परमप्रभु, गोताङ सरबुङ हि, कालाउ वा राजा जाइ सासन पाखे।

प्रकास 4:8

इङको द्‍यालोङ दोङ हुसि हिका प्रानिको तुलोङ-तुलोङ पाखेना हिघाहि, कालाउ इम्बालाइको पाखेनागेलाइ लिता कालाउ बाहार न्हे पाहा मिसियाँहोइ ढाकिका हिघाहि। कालाउ झेम्पाङ लिपाङ इम्बालाइ माथामिसिङ एसा दोअ्काताङ लेकाताङ हिघाहि, “पबित्तरो, पबित्तरो, पबित्तरो प्रभु सरबुङसाइका परमप्रभु, वा इसिका परमेस्वर हि, जाइ सुरुको सोमोइसोङ एला थेकापा कालाउ जेलाउलाउको भाअ्सिङ परिबतन माजेनाङ।”

प्रकास 5:1

कालाउ का सिङहासनता बिराजमान हिकाको दाम्पाहा खुरता इङको न्हेपाहाङ लेखेका एनोङ किताप तिङघा, जेदोङ न्हि लोङ मोहोर तुअ्पातेङ ताअ्का हिघाहि।

प्रकास 5:12

इम्बालाइ बारका चेराका गालाहोइ ले लेहि, “सेअ्न्हाका थुमा बाखिनको योग्य हि वाको खाबारा माहान हि, वाको ग्यान वाङखाराका हि, वा हेन्जा सरबुङसाइका हि, वा बास्ताबता धनि हि, लोसु केलाइ वासेहेङ आदर, महिमा कालाउ बाखानाइ पाइने।”

प्रकास 5:8

जेलाउ वा इङको किताप ह्रुहि, कालाउ इङको द्‍यालोङ हुसि हिका प्रानिगेलाइ कालाउ ए कुरि द्‍यामि आगुवागेलाइ थुमाको आगाता तुघुरहि। गोताङ आगुवागेलाइ उर्नि कालाउ सोनाको जाम बात्ति चाहि। जाम बात्ति धुमानाहोइ पोङघाका हिघाहि जाइ जाम बात्ति खुरता चुम्हि इङको चाहि परमेस्वरको सेवा पाका द्‍याङगेलाइको प्रार्थानाहेङ तिङपाखे।

प्रकास 6:3

जेलाउ थुमा न्हेतेङ मोहर खाइहि, कालाउ का न्हेनोङ हुसि हिका प्रानिको एसा दोअ्का हिङघा, “एला हानाइने, आगा लाङ।”

प्रकास 6:5

जेलाउ थुमा सुम्तेङ मोहोर खाइहि, कालाउ सुम्तेङ हुसि हिका प्रानि दोअ्का का हिङघा, “एला हानाइने, आगा लाङ।” कालाउ का खाङघा, एनोङ दा:का ओह्याँ बाहार ओल्लेतेङ लोहि। ओह्याँ सवारको खुरता एनोङ दोङका सेर हिघाहि।

प्रकास 6:7

जेलाउ थुमा द्‍यातेङ मोहर खाइहि, कालाउ का द्‍यातेङ हुसि हिका प्रानिको या दोअ्का हिङघा, “एला हानाइने, आगा लाङ।”

प्रकास 8:1

जेलाउ थुमा बुङ न्हितेङ मोहर भोइहि कालाउ इङको सोमोइ, आधा घान्टा थेकापा स्वर्गता चाका-मान्दा जेङहि।