प्रकास 5:9 - Dhimal NT

⁹ इम्बालाइ एसा दोअ्काताङ एनोङ नावा ले लेहि: “नाअ् मोहोरगेलाइ थुरलि कालाउ किताप खोलेलि योग्य हिना, हाइपालिपानु द्‍याङगेलाइ नासेहेङ सेअ्हि कालाउ नाङको सिकाको हितिहोइ नाअ् परमेस्वरको भाअ्सिङ गोताङ कुल, भासा, रास्ट कालाउ जाति-जातिसो झाराङ द्‍याङगेलाइहेङ चोल्न्हा।

प्रकास 5:9 Iomraidhean Croise

मत्‍ति 20:28

जेसाङ का द्‍याङको चान, बोगेलाइको सेवा पालि इदोइ सुमिङता लोघा। कालाउ का एसापा लोका माको कि बोगेलाइ दोङ काङको सेवा पाको। का हेन्जाङ झनाहेङ काङको पापसो लाअ्पालि दोअ्तेङ ताइको जिउ पिलि लोका हिघा।

मत्‍ति 26:28

इदोइ काङको आङगुरको रस काङको हिति, काङको हिति परमेस्वर पाहासो वाको द्‍याङगेलाइको भाअ्सिङ नावा बाचा सुरु जेनावा। इदोइ हिति हेन्जाङ द्‍याङगेलाइ ओबालाइको पाप स्यामाको भाअ्सिङ होपावा।

साल्न्हाका चात्या 20:28

नेलाइ ताइको कालाउ ताइको गोताङ हुलको भाअ्सिङ चङख हिसु, पबित्तरो आत्मा नेलाइहेङ मन्डलिको आगुवा बानाइकानाङ हि। वा ताइकोङ हितिहोइ चोल्का परमेस्वरको मन्डलिहेङ नेलाइ सामाराइसु।

1 कोरिन्थि 6:20

हाइपालिपानु नेलाइहेङ परमेस्वर दाम तिरितेङ चोल्का हि। ओदोङ भाअ्सिङ नेलाइ ताइको जिउसो परमेस्वरको महिमा पासु।

1 कोरिन्थि 7:23

परमेस्वर नेलाइहेङ दाम तिरितेङ चोल्का हि, ओदोङ भाअ्सिङ द्‍याङको बान्धाइति माजेङसु, कालाउ परमेस्वरको बान्धाइति जेङसु।

एफिसि 1:7

ख्रिस्ट केलाइको भाअ्सिङ ताइको हिति होपातेङ सिकानाङ केलाइको पाप स्यामा जेङका हि कालाउ केलाइ स्वतन्तरो जेङका हिनाहि। ओह, परमेस्वरको आनुग्रह हेथे माहान हि, जाइ वा केलाइहेङ प्रसस्त पिका हि।

एफिसि 5:19

कालाउ एमिसो भेनेङ दोफा मिलितेङ भजन कालाउ आत्मिक लेगेलाइ लेसु, कालाउ ताइको ह्रदयको ले को पदोगेलाइहोइ बाखानाइ पासु।

कलस्सि 1:14

वा केलाइहेङ लाअ्पाका हि, कालाउ वा केलाइको पापगेलाइ स्यामा पापिका हि।

कलस्सि 1:23

जेसापा नेलाइ ताइको खाङधुरिता दिगो कालाउ बल्लियाका जेङतेङ कालाउ नेलाइ हिङका सुसमाचारको आस माअ्लासुन्हा पानु, इदोइ दोङ इङको सुसमाचार हि, जाइ सुमिङता गोताङ द्‍याङगेलाइहेङ प्राचार पाका हि। कालाउ जाइको का पावल सुसमाचार प्राचार पालि सेवक जेङघा।

तितस 2:14

केलाइहेङ पापको सरबुङसो बान्चिपालि कालाउ पबित्तरो बानाइलि येसु ख्रिस्ट ताइमिहेङ बलिदान पिहि, कालाउकि केलाइ वाकोङ द्‍याङ जेङलि द्वाको। कालाउ आसल कामगेलाइ पालि द्वाको।

हिब्रु 11:14

इसिकाङ काथा दोअ्का द्‍याङगेलाइ इदोइ झालाफालापा तिङपाखे कि, इम्बालाइ ताइको भाअ्सिङ एनोङ सारभि भोतेङ हि, जेदोङ नेलाइको जेनावा।

२ पत्‍रुस 2:1

हेन्जाङ सोमोइ लाम्फा इस्राएल सारभिको द्‍याङगेलाइको माझाता धातुवा आगमबक्तागेलाइ बुङ हिघाहि, एन्साङ दोङ नेलाइको माझाता बुङ धातुवा सिक्स्कगेलाइ बुङ ह्याङ। इम्बालाइ सिकापा नेलाइको मन्डलिता दुल्लावा कालाउ नेलाइहेङ परमेस्वरको बारेता बिनासकारि धाताइका सिक्स्यागेलाइ दोअ्तावा। इम्बालाइ ख्रिस्टहेङ ताइको प्रभुको रुपता इन्कार पावा, जाइ नेलाइहेङ पापगेलाइसो स्वतन्तर पाहि। हाइपालिपानु इम्बालाइ एन्सा पाखे, इम्बालाइ ताइमिङता नासाका चुमाखे।

१ युहन्‍ना 1:7

कालाउ जेसाङ परमेस्वर ताइको पबित्तरोता आन्सार जेलाउ बुङ आसाल काम पाखे। एन्साङ जेलाउ केलाइ परमेस्वरको फाइसालामकाहोइ तिङपाका आसल काम पाखे कालाउ केलाइको सङगति एमिसो-भेनेङ दोफा हिखे, कालाउ वाको चान येसुको हितिहोइ केलाइ झाराङहेङ पापसो सुद्द पाखे।

१ युहन्‍ना 2:2

कालाउ केलाइको पापको भाअ्सिङ ख्रिस्ट बलि जेङपिहि, कालाउ केलाइको भाअ्सिङ खिनिङ माको, कालाउ सारा सुमिङको द्‍याङगेलाइको पापको भाअ्सिङ बुङ।

प्रकास 10:11

कालाउ कासेहेङ या दोअ्हि, “जेदोङ काथा परमेस्वर नासेहेङ धुइलिको भाअ्सिङ पिहि, इङको काथा आरोङ गोताङ जाति कालाउ गोताङ सारभिको द्‍याङगेलाइहेङ, भेनेङ-भेनेङ भासा धुइका द्‍याङगेलाइहेङ कालाउ गोताङ राजागेलाइहेङ दोअ्सु।”

प्रकास 11:9

सुम दिना आधा-दिना थेकापा उङको न्हेमि साक्सिगेलाइको लासगेलाइहेङ सुमिङको गोताङ कुल, भासा, रास्ट कालाउ जाति-जातिको झाराङ द्‍याङगेलाइ तिनावा। कालाउ इम्बालाइ हासुहेङ बुङ इङको लासगेलाइ लिअ्लि मापियाङ।

प्रकास 13:7

परमेस्वर राक्सेसहेङ आनुमति पिहि कि वा परमेस्वरको द्‍याङगेलाइ दोफा धुम पातेङ हारिपालि। कालाउ गोताङ कुल, भासा, रास्ट कालाउ जाति-जातिको झाराङ द्‍याङगेलाइहेङ सासन पालि राक्सेसहेङ बुङ आनुमति हि।

प्रकास 13:8

कालाउ प्रिथिबिता हिका गोताङ द्‍याङगेलाइ राक्सेसको आराधाना पाहि। सुमिङहेङ सिरजाइका खान्तेङ लाम्फासोङ जेदोङ द्‍याङगेलाइको मिङ जिबनको कितापता लेखेका हिघाहि, सिरिप उङको द्‍याङगेलाइ राक्सेसको आराधाना मापाहि। जिबनको किताप थुमाको किताप हि जेदोङ बिलिदानको रुपता सेअ्का हिघाहि।

प्रकास 14:6

कालाउ का भेनेङ स्वर्गदुतहेङ बुङ आकास ह्रुता उराइतेङ हिका तिङघा। इङको स्वर्गदुत गोताङ कुल, भासा, रास्ट, कालाउ जाति-जातिको गोताङ द्‍याङगेलाइहेङ सुसमाचार चुम्तेङ हिङपालि हानिघाहि। इदोइ सुसमाचार जेलाउलाउको भाअ्सिङ माबदलियाङ।

प्रकास 15:3

इम्बालाइ ले लेतेङ हिघाहि जेसाङ परमेस्वरको सेवक मोसा हेन्जाङ लाम्फा लेका हिघाहि। इम्बालाइ येसुको बाखानाइको ले लेहि, जाइ थुमा भाइकाङ हि: “हे परमप्रभु परमेस्वर सरबुङसाइका, जेदोङ नाअ् पान्हा इङको माहान कालाउ आचाम्माका हि। नाअ् दोङ गोताङ राइजिको राजा हिना। नाङको गोताङ काम सहि कालाउ धार्मिक हि।”

प्रकास 17:15

इङको स्वर्गदुत कासेहेङ एसा बुङ दोअ्हि, “नाअ् लाम्फा तिङका हिना हेन्जा झोरागेलाइ जेदोङ ह्रुता इङको बेबाल योम्तेङ हिघाखे, वा सुमिङको गोताङ द्‍याङगेलाइ, गोताङ कुल, गोताङ रास्ट, कालाउ गोताङ भासाको द्‍याङ हि।

प्रकास 4:11

“हे प्रभु केलाइको परमेस्वर, नाअ् गोताङ थोक सिरजाइना। नाङको इच्छा पाहासो, इङकोगेलाइ सिरजाइनाका हिघाहि, कालाउ इम्बालाइ आस्तित्व्यता हि। ओदोङ भाअ्सिङ नाअ् महिमा, आदर कालाउ सरबुङ निङका योग्यको हिना।”

प्रकास 5:12

इम्बालाइ बारका चेराका गालाहोइ ले लेहि, “सेअ्न्हाका थुमा बाखिनको योग्य हि वाको खाबारा माहान हि, वाको ग्यान वाङखाराका हि, वा हेन्जा सरबुङसाइका हि, वा बास्ताबता धनि हि, लोसु केलाइ वासेहेङ आदर, महिमा कालाउ बाखानाइ पाइने।”

प्रकास 5:6

जेलाउ का सिङहासनको भेर्पा एनोङ थुमाहेङ द्‍यालोङ हुसि हिका प्रानिगेलाइ कालाउ ए कुरि द्‍यामि आगुवागेलाइको माझाता जाअ्तेङ हिका तिङघा। थुमाको जिउता भोगको चिन्हागेलाइ हिघाहि। वाको न्हि लोङ दाङगेलाइ कालाउ न्हि लोङ मिसियाँगेलाइ हिघाहि, जेदोङ परमेस्वरको न्हि लोङ आत्मागेलाइ हि, जाइहेङ गोताङ प्रिथिबिता पिगिल्का हिघाहि।