प्रकास 5:8 - Dhimal NT

⁸ जेलाउ वा इङको किताप ह्रुहि, कालाउ इङको द्‍यालोङ हुसि हिका प्रानिगेलाइ कालाउ ए कुरि द्‍यामि आगुवागेलाइ थुमाको आगाता तुघुरहि। गोताङ आगुवागेलाइ उर्नि कालाउ सोनाको जाम बात्ति चाहि। जाम बात्ति धुमानाहोइ पोङघाका हिघाहि जाइ जाम बात्ति खुरता चुम्हि इङको चाहि परमेस्वरको सेवा पाका द्‍याङगेलाइको प्रार्थानाहेङ तिङपाखे।

प्रकास 5:8 Iomraidhean Croise

युहन्‍ना 1:29

न्हु दिना युहान्‍ना येसुहेङ ताइकोभारि लोका तिङतेङ दोअ्हि, खाङ, या दोङ ताइमिहेङ बलि पितेङ, सुमिङको पाप तोल्हितेङ चुम्पुका परमेस्वरको थुमा हि!

युहन्‍ना 5:23

हाइपालिपानु जेसाङ गोताङ द्‍याङगेलाइ आदार पाखे, एन्साङ दोङ इम्बालाइ का चानको आदार पाको। जेसापा हासु बुङ कासेहेङ आदार मापाखे पानु वा कासेहेङ दिङगिल्का आबा परमेस्वरहेङ बुङ आदार मापाखे।

हिब्रु 1:6

कालाउ ताइको लाङ चानहेङ या सुमिङता दिङगिल्का खान्तेङ लाम्फा परमेस्वर आरोङ दोअ्खे, “काङको गोताङ स्वर्गदुतगेलाइ वासेहेङ दोङ पुजियाको।”

प्रकास 13:8

कालाउ प्रिथिबिता हिका गोताङ द्‍याङगेलाइ राक्सेसको आराधाना पाहि। सुमिङहेङ सिरजाइका खान्तेङ लाम्फासोङ जेदोङ द्‍याङगेलाइको मिङ जिबनको कितापता लेखेका हिघाहि, सिरिप उङको द्‍याङगेलाइ राक्सेसको आराधाना मापाहि। जिबनको किताप थुमाको किताप हि जेदोङ बिलिदानको रुपता सेअ्का हिघाहि।

प्रकास 15:2

कालाउ का समुन्द्र भाइका तिङका आमेने तिङघा, जेदोङ काँसा भाइपा चिल्कातेङ हिघाहि कालाउ मे दोफा बुङ मिसालाइका हिघाहि। का उङको द्‍याङगेलाइहेङ बुङ तिङघा जाइहेङ राक्सेस जितिलि मादोहि। इम्बालाइ इङको राक्सेस कालाउ इङको मुर्तिहेङ मापुजिहि, कालाउ वाको सङख्याको छाप मालागाइहि, जेदोङ राक्सेसको मिङको चिन्हा हि। कालाउ इन्ता समुन्द्र भाइका तिङपाका भाइपा काम्भेता जाअ्का हिघाहि, कालाउ झाराङ परमेस्वरको पिका उर्निहेङ इम्बालाइ झाराङ चाअ्का हिघाहि।

प्रकास 19:4

कालाउ इङको सोमोइ, ए कुरि द्‍यामि आगुवागेलाइ कालाउ द्‍यालोङ हुसि हिका प्रानिगेलाइ तुघुरहि कालाउ सिङहासनता योम्तेङ परमेस्वरको आराधाना पाहि। इम्बालाइ एसा दोअ्घाहि, “आमेन, हाल्लेलुयाह!”

प्रकास 4:4

इङको सिङहासनको कोरपाहाङ ए कुरि द्‍या आरु सिङहासनगेलाइ हिघाहि। कालाउ पुरिङता सोनाको मुकुटगेलाइ कालाउ जे:का धाबागेलाइ लागाइतेङ ए कुरि द्‍यामि आगुवागेलाइ इङको सिङहासनगेलाइता योमतेङ हिका का तिङघा।

प्रकास 4:6

सिङहासनको आगाता एनोङ हाइ दोङ हिघाहि जेदोङ समुन्द्र भाइकाङ तिङघाहि, जेदोङ सिसा भाइपा जाहाका हिघाहि। कालाउ गोताङ सिङहासनको द्‍यापाहाङ द्‍यालोङ हुसि हिका प्रानिगेलाइ हिघाहि, जाइको जिउगेलाइता मिसियाँहोइ पुराङ ढाकिका हिघाहि।

प्रकास 4:8

इङको द्‍यालोङ दोङ हुसि हिका प्रानिको तुलोङ-तुलोङ पाखेना हिघाहि, कालाउ इम्बालाइको पाखेनागेलाइ लिता कालाउ बाहार न्हे पाहा मिसियाँहोइ ढाकिका हिघाहि। कालाउ झेम्पाङ लिपाङ इम्बालाइ माथामिसिङ एसा दोअ्काताङ लेकाताङ हिघाहि, “पबित्तरो, पबित्तरो, पबित्तरो प्रभु सरबुङसाइका परमप्रभु, वा इसिका परमेस्वर हि, जाइ सुरुको सोमोइसोङ एला थेकापा कालाउ जेलाउलाउको भाअ्सिङ परिबतन माजेनाङ।”

प्रकास 5:11

का आरोङ खाङघा, कालाउ सिङहासनको कोरपाहाङ जाअ्कालाइको हेन्जाङ-हेन्जाङ स्वर्गदुतगेलाइको गाला हिङघा, इङको द्‍यामि हुसि हिका प्रानिगेलाइ कालाउ आगुवागेलाइ हि।

प्रकास 5:12

इम्बालाइ बारका चेराका गालाहोइ ले लेहि, “सेअ्न्हाका थुमा बाखिनको योग्य हि वाको खाबारा माहान हि, वाको ग्यान वाङखाराका हि, वा हेन्जा सरबुङसाइका हि, वा बास्ताबता धनि हि, लोसु केलाइ वासेहेङ आदर, महिमा कालाउ बाखानाइ पाइने।”

प्रकास 5:14

कालाउ इङको द्‍यालोङ हुसि हिका प्रानिगेलाइ दोअ्हि। “आमेन।” कालाउ उङको आगुवाहगेलाइ तुघुरतेङ कालाउ आराधाना पाहि।

प्रकास 5:6

जेलाउ का सिङहासनको भेर्पा एनोङ थुमाहेङ द्‍यालोङ हुसि हिका प्रानिगेलाइ कालाउ ए कुरि द्‍यामि आगुवागेलाइको माझाता जाअ्तेङ हिका तिङघा। थुमाको जिउता भोगको चिन्हागेलाइ हिघाहि। वाको न्हि लोङ दाङगेलाइ कालाउ न्हि लोङ मिसियाँगेलाइ हिघाहि, जेदोङ परमेस्वरको न्हि लोङ आत्मागेलाइ हि, जाइहेङ गोताङ प्रिथिबिता पिगिल्का हिघाहि।

प्रकास 6:1

आरोङ का तिङघा कि थुमा न्हि लोङ मोहर मध्ये लाङ मोहर भोइका, कालाउ का द्‍यालोङ हुसि हिका प्रानिगेलाइ मध्ये एनोङहेङ काइतेङ ह्रिकाइतेङ काइतेङ हिका हिङघा। वाको गाला गर्जनको भाइका बारका हिघाहि। वा दोअ्हि, “एला हानाइने, आगा लाङ।”