प्रकास 5:5 - Dhimal NT

⁵ कालाउ आगुवा मध्ये एमि कासेहेङ दोअ्हि, “माखार! खाङसु, जाइहेङ यहुदाको कुलको खुवाँ दोअ्खे, राजा दाउदको माहान हारागुटिया, वा साइतानहेङ जितिका हि। कालाउ वा कितापको न्हि लोङ मोहोर थुरलि कालाउ खोलिलि योग्यको हि।”

प्रकास 5:5 Iomraidhean Croise

लुका 23:28

कालाउ इम्बालाइ भारि घुरितेङ येसु दोअ्हि, ओइ यरुसेलेम सहरको चामिन्दिगेलाइ, काङको भाअ्सिङ माखारसु, भरु नाअ् दोफा कालाउ नाङको चान-चामिन्दि दोफा जेदोङ जेङलि तोम्तेङ हि, इङको को भाअ्सिङ खारसु।

लुका 7:13

जेलाउ प्रभु येसु उङको के सिका बेबालहेङ तिङहि, येसु दायाहोइ पोङघातेङ कालाउ वासेहेङ दोअ्हि माखार।

लुका 8:52

झाराङ द्‍याङगेलाइ उङको बेजान सिकाता झाराङ खारतेङ हिघाहि कालाउ येसु दोअ्हि, माखारसु, उङको सिका मान्थु, वाते जिम्तेङ हि।

युहन्‍ना 20:13

इम्बालाइ मरियमहेङ दोअ्हि, बेबाल नाअ् हाइ पालि, खारखेना? मरियम इम्बालाइहेङ दोअ्हि, इम्बालाइ काङको प्रभुको सिका जिउहेङ चुम्पुहि, कालाउ वासेहेङ हिसो ताअ्का हि, कासेहेङ थाहा मान्थु।

रोमि 1:3

इदोइ सुसमाचार परमेस्वरको चान, केलाइको प्रभु येसु ख्रिस्टको बिसोइता हि। वा द्‍याङ जेङतेङ राजा दाउदको हारागुटियाता जोलोमहि।

रोमि 15:12

कालाउ आरोङ यासाइया परमेस्वरको बक्ता धर्मसास्तरता एसापा लेखेका हि, “यिसैको हारागुटियासो एमि ल्वाङ, वा गैर-यहुदिगेलाइ ह्रुता सासन पावा, कालाउ वाको ह्रुता गैर-यहुदिगेलाइ ताइको आस ताअ्तावा।”

हिब्रु 7:14

हाइपालिपानु इदोइ झाराङहेङ थाहा हि कि, केलाइको प्रभु येसु यहुदाको हारागुटिया हि, कालाउ मोसा यहुदाको हिदोइ बुङ हारागुटिया पुजारि जेङका काथाको बारेता हाइ दोङ मादोअ्हि कालाउ यहुदाको हिदोइ बुङ हारागुटिया हेलाउ बुङ पुजारि जेङका मान्थु।

प्रकास 1:1

परमेस्वर येसु ख्रिस्टहेङ इङको म्होन्हाका काथा तिङपाहि, जेदोङ धेमाङ जेनाङ, कालाउकि वा ताइको सेवकगेलाइहेङ इदोइ काथागेलाइ देखाल पालि द्वाको। कालाउ न्हुसो येसु ताइको सेवक युहान्नाहेङ इदोइ काथागेलाइ तिङपालिको भाअ्सिङ ताइको स्वर्गदुत दिङगिल्हि।

प्रकास 22:16

“का येसु दोङ हिघा, कालाउ का काङको स्वर्गदुत इदोइ भाअ्सिङ दिङगिल्घा कि वा नेलाइ मन्डलिको झाराङ द्‍याङगेलाइहेङ इदोइ गोताङ काथागेलाइ दोअ्लि द्वाको। का राजा दाउदको हारागुटियासो हिघा, का वाआङ हिघा जाइ फुरु भाइका हि जेदोङ ह्रिमाको सान्हे लोलाउ देखाल जेङखे।”

प्रकास 3:21

जाइ दुस्टको सरबुङहेङ हारिपावा वा का दोफा काङको सिङहासनता योमावा, जेसाङ का जितितेङ काङको आबा दोफा वाको सिङहासनता योम्का हिघा।

प्रकास 4:4

इङको सिङहासनको कोरपाहाङ ए कुरि द्‍या आरु सिङहासनगेलाइ हिघाहि। कालाउ पुरिङता सोनाको मुकुटगेलाइ कालाउ जे:का धाबागेलाइ लागाइतेङ ए कुरि द्‍यामि आगुवागेलाइ इङको सिङहासनगेलाइता योमतेङ हिका का तिङघा।

प्रकास 5:4

इदोइ किताप खाइका माकुनु इङको लिता खाङलि योग्यको मानिङनाङ का ओसारापा खारघा।

प्रकास 6:1

आरोङ का तिङघा कि थुमा न्हि लोङ मोहर मध्ये लाङ मोहर भोइका, कालाउ का द्‍यालोङ हुसि हिका प्रानिगेलाइ मध्ये एनोङहेङ काइतेङ ह्रिकाइतेङ काइतेङ हिका हिङघा। वाको गाला गर्जनको भाइका बारका हिघाहि। वा दोअ्हि, “एला हानाइने, आगा लाङ।”

प्रकास 7:13

कालाउ वाको न्हुसो आगुवा मध्येसो एमि कासेहेङ हि:हि, “इदोइ जे:का धाबा लोखोन होङकालाइ हासु हि? कालाउ इम्बालाइ हिसो-हिसोसो लोका हि?”