प्रकास 5:13 - Dhimal NT

¹³ कालाउ स्वर्गता, प्रिथिबिता, प्रिथिबि लिता, समुन्द्र कालाउ इन्ता हिका गोताङ प्रानिगेलाइ एसा दोअ्काताङ पाका का हिङघा, “केलाइ सिङहासनता योम्तेङ हिका द्‍याङको बाखिन पाइने। लोसु, थुमाको बाखानाइ पाइने केलाइ वासेहेङ जेलाउ बुङ आदार तिङपाइने, वासेहेङ जेलाउलाउ बुङ महिमा पि, हाइपालिपानु वा झाराङ खान्तेङ सरबुङसाइका हि।”

प्रकास 5:13 Iomraidhean Croise

मत्‍ति 6:13

केलाइहेङ बार्का जाचिकाता माताअ्पि। कालाउ केलाइहेङ साइतानसो जोगाइ। हाइपालिपानु सासन, पराक्रम कालाउ महिमा जेलाउलाउको भाअ्सिङ नाङको दोङ। आमेन।

लुका 2:14

सर्बच्चा स्वर्गिय परमेस्वरहेङ महिमा, कालाउ प्रिथिबिता जेदोङ द्‍याङगेलाइ दोफा परमेस्वर खुसि हि, नेलाइहेङ सान्ति ज्याको।

युहन्‍ना 1:29

न्हु दिना युहान्‍ना येसुहेङ ताइकोभारि लोका तिङतेङ दोअ्हि, खाङ, या दोङ ताइमिहेङ बलि पितेङ, सुमिङको पाप तोल्हितेङ चुम्पुका परमेस्वरको थुमा हि!

रोमि 11:36

हाइपालिपानु गोताङ आमेने परमेस्वर पाहासो लोखे, कालाउ वा दोङ गोताङ आमेने बानाइका हि, कालाउ गोताङ आमेने वाकोङ भाअ्सिङ दोङ हि। वासेहेङ दोङ जेलाउलाउ बुङ महिमा ह्याको! आमेन।

रोमि 16:27

एमि खिनिङ सर्बग्यानि परमेस्वरहेङ येसु ख्रिस्ट पाहासो जेलाउलाउ बुङ महिमा हितेङ ह्याको। आमेन।

रोमि 9:5

आब्राहाम, इसाहाक कालाउ याकुब इम्बालाइको पुर्खागेलाइ दोङ हि, कालाउ ख्रिस्ट बुङ जिउ आन्सार इम्बालाइकोङ हारागुटिया पाहासो हि। परमेस्वर जाइ झाराङ ह्रुता सासन पाखे, वाको बाखानाइ जेलाउलाउको भाअ्सिङ ज्याको। आमेन।

एफिसि 3:21

केलाइको येसु ख्रिस्ट दोफाको सम्बन्धको कारन मन्डलिता परमेस्वरहेङ पुस्तासो पुस्ताङ थेकापा जेलाउलाउ बुङ महिमा मिलियाको। आमेन।

फिलिप्पि 2:10

कि स्वर्ग, प्रिथिबि ह्रुता कालाउ प्रिथिबि लेता हिका झाराङ येसुको मिङता तिरु थोलि गोयाङ।

कलस्सि 1:23

जेसापा नेलाइ ताइको खाङधुरिता दिगो कालाउ बल्लियाका जेङतेङ कालाउ नेलाइ हिङका सुसमाचारको आस माअ्लासुन्हा पानु, इदोइ दोङ इङको सुसमाचार हि, जाइ सुमिङता गोताङ द्‍याङगेलाइहेङ प्राचार पाका हि। कालाउ जाइको का पावल सुसमाचार प्राचार पालि सेवक जेङघा।

1तिमोथि 4:16

नाअ् हिसिका जिबन जियाइतेङ हिना कालाउ हाइ धिरपातेङ हिना इङको काथागेलाइता चङख हिसु। कालाउ इदोइ काथाता लागितेङ हिसु। एन्सा पाहे पानु परमेस्वर नासेहेङ कालाउ नाङको काथा हिङकागेलाइहेङ न्यायको दन्डसो बान्चि पावा।

1पतरुस 4:11

उधारनको भाअ्सिङ, जेसापा नेलाइ दोफा प्राचार पाका बरदान हि पानु, नेलाइ परमेस्वरको बचन प्राचार पालि गोइखे। जेसापा नेलाइ दोफा आरु द्‍याङगेलाइहेङ साघाइका बरदान हि पानु, इङकोहेङ परमेस्वर नेलाइहेङ पिका तागतहोइ पासु। कालाउ येसु ख्रिस्ट पाहासो नेलाइहेङ परमेस्वर महिमाता चुमावा। गोताङ महिमा कालाउ सरबुङ जेलाउलाउ बुङ वाको दोङ हि! आमेन।

1पतरुस 5:11

वा आदारको योग्य हि, हाइपालिपानु वाको सरबुङको हिदोइ बुङ आन्त माजेनाङ। आमेन।

यहुदा 1:25

वा एमि खिनिङ परमेस्वर हि, कालाउ केलाइको प्रभु येसु ख्रिस्ट केलाइको भाअ्सिङ पाका काम पाहासो दोङ मुक्ति पिका हि। येसु ख्रिस्ट केलाइको प्रभु द्‍याङगेलाइहेङ आदार कालाउ बाखानाइ पिका बानाइयाको। इम्बालाइ या बुझिलि द्वाको कि वाको दोफा लाम्फासोङ नानि कालाउ जेलाउलाउको भाअ्सिङ सरबुङ कालाउ खाबारा हि। आमेन।

प्रकास 13:8

कालाउ प्रिथिबिता हिका गोताङ द्‍याङगेलाइ राक्सेसको आराधाना पाहि। सुमिङहेङ सिरजाइका खान्तेङ लाम्फासोङ जेदोङ द्‍याङगेलाइको मिङ जिबनको कितापता लेखेका हिघाहि, सिरिप उङको द्‍याङगेलाइ राक्सेसको आराधाना मापाहि। जिबनको किताप थुमाको किताप हि जेदोङ बिलिदानको रुपता सेअ्का हिघाहि।

प्रकास 5:1

कालाउ का सिङहासनता बिराजमान हिकाको दाम्पाहा खुरता इङको न्हेपाहाङ लेखेका एनोङ किताप तिङघा, जेदोङ न्हि लोङ मोहोर तुअ्पातेङ ताअ्का हिघाहि।

प्रकास 5:12

इम्बालाइ बारका चेराका गालाहोइ ले लेहि, “सेअ्न्हाका थुमा बाखिनको योग्य हि वाको खाबारा माहान हि, वाको ग्यान वाङखाराका हि, वा हेन्जा सरबुङसाइका हि, वा बास्ताबता धनि हि, लोसु केलाइ वासेहेङ आदर, महिमा कालाउ बाखानाइ पाइने।”

प्रकास 5:3

कालाउ स्वर्गता माकुनु प्रिथिबिता कालाउ प्रिथिबि लिता इदोइ कितापता लेखेका खोलेलि कालाउ खाङलि हासु बुङ योग्यको मान्थुघाहि।

प्रकास 5:6

जेलाउ का सिङहासनको भेर्पा एनोङ थुमाहेङ द्‍यालोङ हुसि हिका प्रानिगेलाइ कालाउ ए कुरि द्‍यामि आगुवागेलाइको माझाता जाअ्तेङ हिका तिङघा। थुमाको जिउता भोगको चिन्हागेलाइ हिघाहि। वाको न्हि लोङ दाङगेलाइ कालाउ न्हि लोङ मिसियाँगेलाइ हिघाहि, जेदोङ परमेस्वरको न्हि लोङ आत्मागेलाइ हि, जाइहेङ गोताङ प्रिथिबिता पिगिल्का हिघाहि।

प्रकास 5:9

इम्बालाइ एसा दोअ्काताङ एनोङ नावा ले लेहि: “नाअ् मोहोरगेलाइ थुरलि कालाउ किताप खोलेलि योग्य हिना, हाइपालिपानु द्‍याङगेलाइ नासेहेङ सेअ्हि कालाउ नाङको सिकाको हितिहोइ नाअ् परमेस्वरको भाअ्सिङ गोताङ कुल, भासा, रास्ट कालाउ जाति-जातिसो झाराङ द्‍याङगेलाइहेङ चोल्न्हा।

प्रकास 6:16

कालाउ इम्बालाइ रा कालाउ आरदाङको उन्ठुइगेलाइसो दोअ्लि तेङहि, “केलाइ ह्रुता हुल, कालाउ सिङहासनको बिराजमानता योम्तेङ हिकासो केलाइहेङ म्होसु। कालाउ थुमाको साजाइसो केलाइहेङ बान्चिपा।”