प्रकास 5:12 - Dhimal NT

¹² इम्बालाइ बारका चेराका गालाहोइ ले लेहि, “सेअ्न्हाका थुमा बाखिनको योग्य हि वाको खाबारा माहान हि, वाको ग्यान वाङखाराका हि, वा हेन्जा सरबुङसाइका हि, वा बास्ताबता धनि हि, लोसु केलाइ वासेहेङ आदर, महिमा कालाउ बाखानाइ पाइने।”

प्रकास 5:12 Iomraidhean Croise

मत्‍ति 28:18

कालाउ येसु इम्बालाइ दोफा लोतेङ दोअ्हि, “स्वर्ग कालाउ प्रिथिबिको गोताङ खाबारा कासेहेङ पिका हि।

युहन्‍ना 1:29

न्हु दिना युहान्‍ना येसुहेङ ताइकोभारि लोका तिङतेङ दोअ्हि, खाङ, या दोङ ताइमिहेङ बलि पितेङ, सुमिङको पाप तोल्हितेङ चुम्पुका परमेस्वरको थुमा हि!

युहन्‍ना 17:2

हाइपालिपानु नाअ् कासेहेङ गोताङ द्‍याङगेलाइ ह्रुता खाबारा पिका हिना, कालाउकि नाङको पिका गोताङ द्‍याङगेलाइहेङ का आनान्त जिबन प्याङका।

2 कोरिन्थि 8:9

हाइपालिपानु केलाइको प्रभु येसु ख्रिस्टको आनुग्रह नेलाइहेङ थाहा हि, वा धनि हिघाहि, कालाउ बुङ नेलाइको भाअ्सिङ वा गरिब जेङपिहि। कालाउकि वाको गरिबसो नेलाइ धनि जेङलि दोसु।

1तिमोथि 1:17

एला आनान्त काल थेकापा सासन पाका राजा, जेलाउ बुङ बान्चितेङ हिका कालाउ तिङलि बुङ मादोका एमि खिनिङ परमेस्वरहेङ आदार कालाउ महिमा जेलाउलाउ बुङ ज्याको। आमेन।

प्रकास 13:8

कालाउ प्रिथिबिता हिका गोताङ द्‍याङगेलाइ राक्सेसको आराधाना पाहि। सुमिङहेङ सिरजाइका खान्तेङ लाम्फासोङ जेदोङ द्‍याङगेलाइको मिङ जिबनको कितापता लेखेका हिघाहि, सिरिप उङको द्‍याङगेलाइ राक्सेसको आराधाना मापाहि। जिबनको किताप थुमाको किताप हि जेदोङ बिलिदानको रुपता सेअ्का हिघाहि।

प्रकास 15:3

इम्बालाइ ले लेतेङ हिघाहि जेसाङ परमेस्वरको सेवक मोसा हेन्जाङ लाम्फा लेका हिघाहि। इम्बालाइ येसुको बाखानाइको ले लेहि, जाइ थुमा भाइकाङ हि: “हे परमप्रभु परमेस्वर सरबुङसाइका, जेदोङ नाअ् पान्हा इङको माहान कालाउ आचाम्माका हि। नाअ् दोङ गोताङ राइजिको राजा हिना। नाङको गोताङ काम सहि कालाउ धार्मिक हि।”

प्रकास 19:1

बल्लियाका स्वर्गदुत नुइ धुइलि दोतेङ न्हुसो, का स्वर्गता हेन्जा द्‍याङगेलाइ ले लेका गाला भाइका हिङघा: “हाल्लेलुयाह! नाअ् दोङ हिना जाइ झाराङ द्‍याङगेलाहेङ मुक्ति पिखेना। केलाइ परमेस्वरहेङ गोताङ महिमा पिनाखे। एला नाअ् ताइको सरबुङको प्रयोग पाअ्‌ कालाउ राजाको भाइपा सासन पाअ्‌!

प्रकास 4:11

“हे प्रभु केलाइको परमेस्वर, नाअ् गोताङ थोक सिरजाइना। नाङको इच्छा पाहासो, इङकोगेलाइ सिरजाइनाका हिघाहि, कालाउ इम्बालाइ आस्तित्व्यता हि। ओदोङ भाअ्सिङ नाअ् महिमा, आदर कालाउ सरबुङ निङका योग्यको हिना।”

प्रकास 5:13

कालाउ स्वर्गता, प्रिथिबिता, प्रिथिबि लिता, समुन्द्र कालाउ इन्ता हिका गोताङ प्रानिगेलाइ एसा दोअ्काताङ पाका का हिङघा, “केलाइ सिङहासनता योम्तेङ हिका द्‍याङको बाखिन पाइने। लोसु, थुमाको बाखानाइ पाइने केलाइ वासेहेङ जेलाउ बुङ आदार तिङपाइने, वासेहेङ जेलाउलाउ बुङ महिमा पि, हाइपालिपानु वा झाराङ खान्तेङ सरबुङसाइका हि।”

प्रकास 5:6

जेलाउ का सिङहासनको भेर्पा एनोङ थुमाहेङ द्‍यालोङ हुसि हिका प्रानिगेलाइ कालाउ ए कुरि द्‍यामि आगुवागेलाइको माझाता जाअ्तेङ हिका तिङघा। थुमाको जिउता भोगको चिन्हागेलाइ हिघाहि। वाको न्हि लोङ दाङगेलाइ कालाउ न्हि लोङ मिसियाँगेलाइ हिघाहि, जेदोङ परमेस्वरको न्हि लोङ आत्मागेलाइ हि, जाइहेङ गोताङ प्रिथिबिता पिगिल्का हिघाहि।

प्रकास 5:8

जेलाउ वा इङको किताप ह्रुहि, कालाउ इङको द्‍यालोङ हुसि हिका प्रानिगेलाइ कालाउ ए कुरि द्‍यामि आगुवागेलाइ थुमाको आगाता तुघुरहि। गोताङ आगुवागेलाइ उर्नि कालाउ सोनाको जाम बात्ति चाहि। जाम बात्ति धुमानाहोइ पोङघाका हिघाहि जाइ जाम बात्ति खुरता चुम्हि इङको चाहि परमेस्वरको सेवा पाका द्‍याङगेलाइको प्रार्थानाहेङ तिङपाखे।

प्रकास 5:9

इम्बालाइ एसा दोअ्काताङ एनोङ नावा ले लेहि: “नाअ् मोहोरगेलाइ थुरलि कालाउ किताप खोलेलि योग्य हिना, हाइपालिपानु द्‍याङगेलाइ नासेहेङ सेअ्हि कालाउ नाङको सिकाको हितिहोइ नाअ् परमेस्वरको भाअ्सिङ गोताङ कुल, भासा, रास्ट कालाउ जाति-जातिसो झाराङ द्‍याङगेलाइहेङ चोल्न्हा।

प्रकास 6:1

आरोङ का तिङघा कि थुमा न्हि लोङ मोहर मध्ये लाङ मोहर भोइका, कालाउ का द्‍यालोङ हुसि हिका प्रानिगेलाइ मध्ये एनोङहेङ काइतेङ ह्रिकाइतेङ काइतेङ हिका हिङघा। वाको गाला गर्जनको भाइका बारका हिघाहि। वा दोअ्हि, “एला हानाइने, आगा लाङ।”

प्रकास 7:12

“आमेन! केलाइ घोसाना पाङ कि केलाइको परमेस्वर माहान, सरबुङसाइका, महिमित, कालाउ ग्यानि हि केलाइ वाको बाखिन पाइने कालाउ वासेहेङ जेलाउलाउ बुङ को भाअ्सिङ धन्यबाद चढाइन्हाखे। आमेन!”