प्रकास 4:2 - Dhimal NT

² एन्सालाउ दोङ परमेस्वरको आत्मा काङकोता लोहि, खाङसु, स्वर्गता एनोङ सिङहासन हिघाहि, कालाउ इङको सिङहासनता एमि बिराजमान हिघाहि।

प्रकास 4:2 Iomraidhean Croise

मत्‍ति 22:43

येसु इम्बालाइहेङ दोअ्हि, एन्सा पानु राजा दाउद आत्माता वासेहेङ प्रभु दोअ्तेङ हेसा दोअ्लि द्वावा? राजा दाउद दोअ्हि,

हिब्रु 8:1

एला केलाइ दोअ्लि खाङका काथा चाहि इदोइ दोङ हि: केलाइको बुङ इसिका प्राधान पुजारि हि, जाइ स्वर्गता माहान परमेस्वरको सिङहासनको दाम्पाहा भारि झाउका साम्मानको थामेता बिराजमान हि।

प्रकास 1:10

आइताबारको दिना परमेस्वरको आत्मा काङकोता लोहि, का काङको न्हु पाहा आधिमिहेङ का दोफा नुइ धुइका कोनिङ हिङघा जेदोङ सानाइको भाइका चेराका गाला कालाउ झालाफालापा हिघाहि।

प्रकास 12:5

जेलाउ उङको बेबाल एमि जामालहेङ जोलोम पिहि, कालाउ वासेहेङ बारका आजिङगर माचाहि, हाइपालिपानु ओदोङ घुरि वासेहेङ घिङहि कालाउ परमेस्वर कालाउ वाको सिङहासनता चुमाहि। उङको वाजान गोताङ सुमिङको द्‍याङगेलाइ ह्रुता चिरको डान्ठाहोइ सासन पावा।

प्रकास 17:3

पबित्तरो आत्माको साघाइहोइ, स्वर्गदुत कासेहेङ चाका-मान्दा थामेता चुम्पुहि। का इन्ता एमि बेलाहेङ इ:का रङको राक्सेस ह्रुता योम्तेङ हिका तिङघा। राक्सेसको न्हि लोङ पुरिङ कालाउ तेलोङ दाङ हिघाहि। वाको जिउता परमेस्वर बिरोधको मिङगेलाइहोइ लेखेका हिघाहि।

प्रकास 19:4

कालाउ इङको सोमोइ, ए कुरि द्‍यामि आगुवागेलाइ कालाउ द्‍यालोङ हुसि हिका प्रानिगेलाइ तुघुरहि कालाउ सिङहासनता योम्तेङ परमेस्वरको आराधाना पाहि। इम्बालाइ एसा दोअ्घाहि, “आमेन, हाल्लेलुयाह!”

प्रकास 20:11

आरोङ का एनोङ बारका जे:का सिङहासन तिङघा, जेता परमेस्वर योम्तेङ हिघाहि। जेता वा योम्का हिघाहि इङको थामेसो प्रिथिबि, आकास कालाउ गोताङ माअ्हि, कालाउ हासु बुङ इम्बालाइहेङ आरोङ हेलाउ बुङ मातिङहि।

प्रकास 21:10

पबित्तरो आत्माको सरबुङहोइ कासेहेङ स्वर्गदुत हेन्जा झाउका लाखता चुम्पुहि। पबित्तरो सहर जेदोङ नावा यरुसेलेम हि, जेदोङ स्वर्गसो, परमेस्वरसो खुतेङ लेता लोका हिघाहि।

प्रकास 21:5

कालाउ सिङहासनता बिराजमान हिका कासेहेङ दोअ्हि, “एला का गोताङ नावा बानाइदोङखा।” वा एसा बुङ कासेहेङ दोअ्हि, “इदोइ काथा लेखे। जेदोङ काथा का नासेहेङ दोअ्दोङखा इङको सत्ये कालाउ भोरोसा पालि योग्य हि।”

प्रकास 3:21

जाइ दुस्टको सरबुङहेङ हारिपावा वा का दोफा काङको सिङहासनता योमावा, जेसाङ का जितितेङ काङको आबा दोफा वाको सिङहासनता योम्का हिघा।

प्रकास 4:5

इङको सिङहासनसो बिजुलिगेलाइ चिलकातेङ हिघाहि, कालाउ बादेलसो गड्याङ-गुडुङको गालागेलाइ ओल्लेतेङ लोघाहि। कालाउ इङको सिङहासनको आगाता न्हि लोङ चेरादानिगेलाइ जोल्तेङ हिघाहि, जेदोङ परमेस्वरको न्हि लोङ आत्मागेलाइ हि।

प्रकास 4:9

जाइ सिङहासनता बिराजमान हिका हि वा दोङ हि जाइ जेलाउलाउ बुङ सिन्हुका हितेङ हिखे। जेलाउ बुङ हुसि हिका प्रानिगेलाइ वासेहेङ महिमा, आदार, कालाउ धन्यबाद पिखे, ए कुरि द्‍यामि आगुवागेलाइ वाको आगाता तुघुरतेङ वाको आराधाना पाखे। इम्बालाइ ता-ताइको मुकुट सिङहासनको आगाता ताअ्तेङ या दोअ्ताङ:

प्रकास 5:1

कालाउ का सिङहासनता बिराजमान हिकाको दाम्पाहा खुरता इङको न्हेपाहाङ लेखेका एनोङ किताप तिङघा, जेदोङ न्हि लोङ मोहोर तुअ्पातेङ ताअ्का हिघाहि।

प्रकास 5:13

कालाउ स्वर्गता, प्रिथिबिता, प्रिथिबि लिता, समुन्द्र कालाउ इन्ता हिका गोताङ प्रानिगेलाइ एसा दोअ्काताङ पाका का हिङघा, “केलाइ सिङहासनता योम्तेङ हिका द्‍याङको बाखिन पाइने। लोसु, थुमाको बाखानाइ पाइने केलाइ वासेहेङ जेलाउ बुङ आदार तिङपाइने, वासेहेङ जेलाउलाउ बुङ महिमा पि, हाइपालिपानु वा झाराङ खान्तेङ सरबुङसाइका हि।”

प्रकास 6:16

कालाउ इम्बालाइ रा कालाउ आरदाङको उन्ठुइगेलाइसो दोअ्लि तेङहि, “केलाइ ह्रुता हुल, कालाउ सिङहासनको बिराजमानता योम्तेङ हिकासो केलाइहेङ म्होसु। कालाउ थुमाको साजाइसो केलाइहेङ बान्चिपा।”