प्रकास 4:11 - Dhimal NT

¹¹ “हे प्रभु केलाइको परमेस्वर, नाअ् गोताङ थोक सिरजाइना। नाङको इच्छा पाहासो, इङकोगेलाइ सिरजाइनाका हिघाहि, कालाउ इम्बालाइ आस्तित्व्यता हि। ओदोङ भाअ्सिङ नाअ् महिमा, आदर कालाउ सरबुङ निङका योग्यको हिना।”

प्रकास 4:11 Iomraidhean Croise

साल्न्हाका चात्या 14:15

“ओइ द्‍याङगेलाइ, नेलाइ हाइ पालि इसिका कामगेलाइ पासुखेना? केलाइ बुङते नेलाइ भाइकाङ दुख-सुख भोगेका द्‍याङगेलाइ खिनिङ हिनाहि, कालाउ केलाइ नेलाइहेङ प्राचार पालि लोन्हाहि कालाउकि नेलाइ इदोइ ब्यर्थको काथागेलाइ लाअ्तेङ सिन्हुका परमेस्वर भारि जेदोङ परमेस्वर स्वर्ग, प्रिथिबि, समुन्द्र कालाउ इङकोता हिका गोताङ आमेने बानाइहि।

साल्न्हाका चात्या 17:24

वा उङकोङ परमेस्वर हि, जाइ सारा सुमिङ बानाइहि, कालाउ सुमिङको गोताङ आनेमाने बानाइहि। वा स्वर्ग कालाउ प्रिथिबिको प्रभु हिकानाङ वा द्‍याङगेलाइको बानाइका मुन्दिरता माहिखे।

रोमि 11:36

हाइपालिपानु गोताङ आमेने परमेस्वर पाहासो लोखे, कालाउ वा दोङ गोताङ आमेने बानाइका हि, कालाउ गोताङ आमेने वाकोङ भाअ्सिङ दोङ हि। वासेहेङ दोङ जेलाउलाउ बुङ महिमा ह्याको! आमेन।

एफिसि 3:9

कालाउ कासेहेङ इदोइ रहस्यको योजाना गोताङ द्‍याङगेलाइहेङ दोअ्लि माउका पिहि, जाइ गोताङ आमेनेगेलाइ बानाइका परमेस्वर म्होतेङ ताअ्का हिघाहि।

हिब्रु 1:10

धर्मसास्तरता एसापा लेखेका हि, हे प्रभु, लाम्फोरति नाअ् प्रिथिबि सिरजाइन्हा, कालाउ आकासता हिका गोताङ आमेने नाअ् दोङ बानाइना।

हिब्रु 1:2

कालाउ इदोइ आखिरि दिनागेलाइता वा ताइको चान पाहासो केलाइ दोफा नुइ धुइका हि। वा ताइको चान पाहासो दोङ या गोताङ सुमिङ बानाइहि, कालाउ वा ताइको चानहेङ इदोइ गोताङ काथाको उत्तराधिकारि बानाइहि।

प्रकास 10:6

स्वर्गदुत इङको मिङको केरा चाहि जाइ जेलाउलाउ बुङ सिन्हुका हितेङ हिखे, वा दोङ स्वर्ग, प्रिथिबि, समुन्द्र कालाउ इन्ता हिका गोताङ आमेनेगेलाइ सिरजाइहि। स्वर्गदुत दोअ्हि, “हिदोइ बुङ काथाको भाअ्सिङ आरु ह्रुम्लि आवास्यक मान्थु। गोताङ आमेने एला पुरा जेनाङ।”

प्रकास 14:7

वा ह्रिकाइतेङ दोअ्हि, “परमेस्वरहेङ थिसु कालाउ वासेहेङ महिमा पिसु, हाइपालिपानु एला वाको सोमोइ हि कि वा द्‍याङगेलाइको न्याय पाको। वाको आराधाना पासु हाइपालिपानु वा दोङ स्वर्ग, प्रिथिबि, समुन्द्र कालाउ चिको झारनागेलाइ बानाइहि।”

प्रकास 19:1

बल्लियाका स्वर्गदुत नुइ धुइलि दोतेङ न्हुसो, का स्वर्गता हेन्जा द्‍याङगेलाइ ले लेका गाला भाइका हिङघा: “हाल्लेलुयाह! नाअ् दोङ हिना जाइ झाराङ द्‍याङगेलाहेङ मुक्ति पिखेना। केलाइ परमेस्वरहेङ गोताङ महिमा पिनाखे। एला नाअ् ताइको सरबुङको प्रयोग पाअ्‌ कालाउ राजाको भाइपा सासन पाअ्‌!

प्रकास 5:12

इम्बालाइ बारका चेराका गालाहोइ ले लेहि, “सेअ्न्हाका थुमा बाखिनको योग्य हि वाको खाबारा माहान हि, वाको ग्यान वाङखाराका हि, वा हेन्जा सरबुङसाइका हि, वा बास्ताबता धनि हि, लोसु केलाइ वासेहेङ आदर, महिमा कालाउ बाखानाइ पाइने।”

प्रकास 5:2

कालाउ एमि बल्लियाका स्वर्गदुतहेङ बार्का गालाहोइ एसा दोअ्तेङ हिका का तिङघा, “इदोइ मोहोर थुरलि कालाउ किताप खोलेलि खाबारा हासुहेङ हि?”

प्रकास 5:9

इम्बालाइ एसा दोअ्काताङ एनोङ नावा ले लेहि: “नाअ् मोहोरगेलाइ थुरलि कालाउ किताप खोलेलि योग्य हिना, हाइपालिपानु द्‍याङगेलाइ नासेहेङ सेअ्हि कालाउ नाङको सिकाको हितिहोइ नाअ् परमेस्वरको भाअ्सिङ गोताङ कुल, भासा, रास्ट कालाउ जाति-जातिसो झाराङ द्‍याङगेलाइहेङ चोल्न्हा।