प्रकास 3:7 - Dhimal NT

⁷ येसु कासेहेङ एसा बुङ दोअ्हि, फिलाडेलफिया सहरको मन्डलिको स्वर्गदुतहेङ या सन्‍देस लेखे: का वाआङ हिघा, जाइ पबित्तरो कालाउ सत्ये हि, जाइ दोफा राजा दाउदको ताल्चा हि, जेलाउ का इङको ताल्चाहोइ फिनु हेअ्खा, हासु बुङ इङकोहेङ गि:लि माद्वाङ, कालाउ जेलाउ का इङको ताल्चाहोइ फिनु गि:ताङका हासु बुङ इङकोहेङ हेअ्लि माद्वाङ। जेदोङ नेलाइहेङ दोअ्खा वासेहेङ हिङसु।

प्रकास 3:7 Iomraidhean Croise

मत्‍ति 16:19

का परमेस्वरको सासनको ताल्चा नेलाइहेङ प्याङका जेलाउ नेलाइ इदोइ प्रिथिबिता न्यायको भाअ्सिङ जिङस्वाना कालाउ इङको न्याय स्वर्गता परमेस्वरको न्याय जेनावा। जेलाउ नाअ् इङको प्रिथिबिता हासुहेङ बुङ माफ प्याना कालाउ इङको माफ परमेस्वरको माफ जेनावा।

मत्‍ति 24:35

आकास कालाउ प्रिथिबि माअ्तेङ हानावा, जेलाउलाउको भाअ्सिङ माह्याङ कालाउ का जेदोङ दोअ्का हिघा इङको जेलाउलाउको भाअ्सिङ ह्यावा।

मर्कुस 1:24

उङको एसा दोअ्काताङ ह्रिकाइघाहि, “हे नासरत देराको येसु, केलाइहेङ नाअ् दोफा हाइ सोरोकार हि? नाअ् हाइ पालि केलाइहेङ नासा पालि लोन्हा? का नासेहेङ नाल्खा, नाअ् परमेस्वरको जन हिना।”

लुका 1:32

वा माहान जेनावा कालाउ सर्बोच्च परमेस्वरको चान दोअ्न्हावा। प्रभु परमेस्वर वासेहेङ वाको पुर्खा राजा दाउद भाइपा राजा बानाइयाङ।

लुका 4:34

ओइ नासरत देराको येसु, केलाइहेङ नाअ् दोफा हाइ सोरोकार हि? नाअ् हाइ पालि केलाइहेङ नासा पालि लोन्हा? का नासेहेङ नाल्खा, नाअ् परमेस्वरको जन हिना।

युहन्‍ना 14:6

येसु थोमाहेङ दोअ्हि, दामा, सत्ये, कालाउ जिबन पिका का दोङ हिघा। का बाहेक हासु बुङ आबाकोता हानिलि माद्वाङ।

साल्न्हाका चात्या 3:14

कालाउ नेलाइ येसुहेङ सुइकार मापासुन्हा, जाइ पबित्तरो कालाउ धर्मि हिघाहि। कालाउ नेलाइ एमि ज्यान माराहेङ नेलाइको भाअ्सिङ लाअ्पिलि माग पासुन्हा।

१ युहन्‍ना 5:20

केलाइ गिनाखे, कि परमेस्वरको चान येसु ख्रिस्ट इदोइ सुमिङता लोका हि, जाइ सत्ये हि वासेहेङ नाल्लि द्वाको दोअ्तेङ परमेस्वर केलाइहेङ समझ पिका हि। जाइ सत्ये हि, केलाइ वा दोफा ए जेङतेङ हिनाहि, माकुनु वाको चान येसु ख्रिस्ट दोफा, वा दोङ सत्ये परमेस्वर कालाउ आनान्त जिबन हि।

प्रकास 1:11

इङको गालाहोइ एसा दोअ्हि, “नाअ् जेदोङ तिङखेना इङको एनोङ कितापता लेखे, कालाउ इङकोहेङ न्हि लोङ दोङ मन्डलिगेलाइहेङ दिङगिल्सु, जेदोङ चाहि एफिसस सहर, स्मुरना सहर, परगाम सहर, थिआटिरा सहर, सार्दिस सहर, फिलाडेलफिया सहर कालाउ लाउडिकिया सहर हि।”

प्रकास 1:18

का जिबनको मुल हिघा, का एखे सिघा। कालाउ एला का सिन्हुका हिघा कालाउ का जेलाउलाउको भाअ्सिङ सिन्हुतेङ ह्याङका, कालाउ का दोफा सिका ह्रुता खाबारा हि, कालाउ पाताल ह्रुता बुङ जेता सिका द्‍याङगेलाइ हिखे।

प्रकास 1:5

कालाउ येसु ख्रिस्टसो, जाइ परमेस्वरको सत्येता खाङधुरि योग्यता देखाल पापियाङ। वा दोङ हि जाइ सिका न्हुसो आरोङ सिन्हु पाहि, कालाउ वा इदोइ सुमिङको गोताङ राजागेलाइको सासक हि। कालाउ येसु ख्रिस्ट केलाइहेङ मायारु पाखे कालाउ वाको हितिहोइ केलाइहेङ केलाइको पापगेलाइसो बान्चिपाखे। वा केलाइहेङ एनोङ जाति बानाइहि जाइ दोफा परमेस्वर ओबालाइको राजाको रुपता हिका हि। कालाउ वा केलाइहेङ वाको आबा परमेस्वरको भाअ्सिङ पुजारिगेलाइ बानाइहि। वा दोङ जेलाउलाउको भाअ्सिङ साम्मान कालाउ खाबारा गोताङ सोमोइ निङलि गोयाङ। आमेन।

प्रकास 15:3

इम्बालाइ ले लेतेङ हिघाहि जेसाङ परमेस्वरको सेवक मोसा हेन्जाङ लाम्फा लेका हिघाहि। इम्बालाइ येसुको बाखानाइको ले लेहि, जाइ थुमा भाइकाङ हि: “हे परमप्रभु परमेस्वर सरबुङसाइका, जेदोङ नाअ् पान्हा इङको माहान कालाउ आचाम्माका हि। नाअ् दोङ गोताङ राइजिको राजा हिना। नाङको गोताङ काम सहि कालाउ धार्मिक हि।”

प्रकास 16:7

आरोङ का हासु बुङ स्वर्गको बेदिसो नुइ धुइका हिङघा, “एइ, परमप्रभु परमेस्वर सरबुङसाइका, द्‍याङ जातिता नाङको साजाइ सत्ये कालाउ न्याय पुर्न हि।”

प्रकास 19:11

आरोङ का स्वर्गहेङ हेअ्नाका तिङघा, इन्ता काङको आगाता एनोङ जे:का ओह्याँ हिघाहि। जाइ वाको ह्रुता दोल्हि, वा इसिका हि वासेहेङ खाङधुरि पालि द्वास्वाना कालाउ वा माधाताइखे। कालाउ वा धार्मिक दोफाङ वा ताइको सतुरुगेलाइको न्याय पाखे कालाउ इम्बालाइको बिरोधता फेसुखे।

प्रकास 19:2

वाको बाखानाइ पासु! हाइपालिपानु वाको गोताङ न्याय सत्ये हि कालाउ ठिक हि। वा इङको बारका सहरहेङ साजाइ पिहि जाइ मिङ चलिका बेस्या भाइका हि। हाइपालिपानु वा सुमिङता हिका द्‍याङगेलाइहेङ पाप पालि उसकाइहि। परमेस्वर वासेहेङ घुरिपातेङ तिरिपिहि हाइपालिपानु वाको बान्धाइतिगेलाइहेङ सेअ्हि।”

प्रकास 2:1

येसु कासेहेङ एसा बुङ दोअ्हि, एफिसस सहरको मन्डलिको स्वर्गदुतहेङ या सन्‍देस लेखे: का वाआङ हिघा जाइ न्हि लोङ फुरुहेङ काङको दाम्पाहा खुरता ताअ्ताङका कालाउ न्हि लोङ सोनाको चेरादानिगेलाइको माझाता ताअ्खे। जेदोङ का नेलाइहेङ दोअ्खा वासेहेङ हिङसु।

प्रकास 21:5

कालाउ सिङहासनता बिराजमान हिका कासेहेङ दोअ्हि, “एला का गोताङ नावा बानाइदोङखा।” वा एसा बुङ कासेहेङ दोअ्हि, “इदोइ काथा लेखे। जेदोङ काथा का नासेहेङ दोअ्दोङखा इङको सत्ये कालाउ भोरोसा पालि योग्य हि।”

प्रकास 3:14

कालाउ येसु कासेहेङ एसा बुङ दोअ्हि, लाउडिकिया सहरको मन्डलिको स्वर्गदुतहेङ या सन्‍देस लेखे: का वाआङ हिघा, जाइहेङ आमेन दोअ्खे, हाइपालिपानु का भोरोसा यग्यो हिघा कालाउ का परमेस्वरको बारेता जेदोङ दोअ्घा गोताङ सत्ये हि। वा सिर्जाइहि गोताङ थोकको का स्रोत हिघा। जेदोङ का नेलाइहेङ दोअ्खा वासेहेङ हिङसु।

प्रकास 4:8

इङको द्‍यालोङ दोङ हुसि हिका प्रानिको तुलोङ-तुलोङ पाखेना हिघाहि, कालाउ इम्बालाइको पाखेनागेलाइ लिता कालाउ बाहार न्हे पाहा मिसियाँहोइ ढाकिका हिघाहि। कालाउ झेम्पाङ लिपाङ इम्बालाइ माथामिसिङ एसा दोअ्काताङ लेकाताङ हिघाहि, “पबित्तरो, पबित्तरो, पबित्तरो प्रभु सरबुङसाइका परमप्रभु, वा इसिका परमेस्वर हि, जाइ सुरुको सोमोइसोङ एला थेकापा कालाउ जेलाउलाउको भाअ्सिङ परिबतन माजेनाङ।”

प्रकास 5:9

इम्बालाइ एसा दोअ्काताङ एनोङ नावा ले लेहि: “नाअ् मोहोरगेलाइ थुरलि कालाउ किताप खोलेलि योग्य हिना, हाइपालिपानु द्‍याङगेलाइ नासेहेङ सेअ्हि कालाउ नाङको सिकाको हितिहोइ नाअ् परमेस्वरको भाअ्सिङ गोताङ कुल, भासा, रास्ट कालाउ जाति-जातिसो झाराङ द्‍याङगेलाइहेङ चोल्न्हा।

प्रकास 6:10

कालाउ इम्बालाइ एसा दोअ्काताङ बारका गालाहोइ परमेस्वरहेङ दोअ्हि, “ओइ पबित्तरो कालाउ सत्ये प्रभु, हाइ पालि नाअ् प्रिथिबिता हिका इङको दुस्ट द्‍याङगेलाइहेङ साजाइ पिलि इदोइ झोको बेलोम्पा थेकापा ह्रुम्खेना? केलाइ नासेहेङ बिन्ति पानाखे कि केलाइहेङ सेअ्का द्‍याङको इसिका ब्यभारको भाअ्सिङ नाअ् वासेहेङ बदला पि।”