प्रकास 3:5 - Dhimal NT

⁵ जाइ दुस्टको सरबुङहेङ हारिपावा, वासेहेङ जे:का लोखोन धाबा होम्पावा। कालाउ का उङको द्‍याङको मिङ जिबनको कितापसो मामेति प्याङका जेदोङता इम्बालाइको मिङ लेखेका हि जाइ आनान्त जिबन निङका हि। कालाउ का काङको आबा कालाउ वाको सेवा पाका स्वर्गदुतगेलाइको आगाता जाअ्ताङका, कालाउ का घोसाना पाङका कि इम्बालाइ काङको हि।

प्रकास 3:5 Iomraidhean Croise

मत्‍ति 10:32

जाइ कासेहेङ द्‍याङगेलाइको आगाता सुइकार पाखे, वासेहेङ का बुङ स्वर्गता हिका परमेस्वर आबाको आगाता काङको चात्या दोअ्तेङ सुइकार पाङका।

लुका 10:20

कालाउ इङको भुत-आत्मागेलाइ नेलाइको आग्याहेङ किखे दोअ्तेङ नेलाइ माहाउसाइलि, भरु नेलाइको मिङ स्वर्गता लेखेका हि दोअ्तेङ नेलाइ लेङचासु।

लुका 12:8

का नेलाइहेङ दोअ्खा, जाइ दोङ कासेहेङ द्‍याङगेलाइको आगाता का द्‍याङको चानहेङ सुइकार पाखे पानु, का बुङ एन्साङ परमेस्वरको स्वर्गदुतगेलाइको आगाता काङको चात्या दोअ्तेङ सुइकार पाङका।

फिलिप्पि 4:3

काङको खाङधुरि योग्य दोफाङको सानाइति, का नासेहेङ बिन्ति पाखा, कि इदोइ न्हेमि बेबाललाइहेङ मिलि पालि साघाइसु, हाइपालिपानु इम्बालाइ का दोफाङ सुसमाचार पालि क्लेमेस दोफा कालाउ काङको आरु दोफाङको सानाइतिगेकाइ दोफा परिस्रोम पाका हि, जाइको मिङ जिबनको कितापता हि।

यहुदा 1:24

परमेस्वर नेलाइहेङ बान्चिपालि द्वाङ कालाउकि नेलाइ पापता जिबन जियाइलिको भाअ्सिङ धोकाता मापरिसु। वा महिमित परमेस्वर नेलाइहेङ निस्कलङ कालाउ आनान्दहोइ भरिका बानाइलि नेलाइहेङ ताइमिकोता घुरिपातेङ चुमालि द्वाङ।

प्रकास 13:8

कालाउ प्रिथिबिता हिका गोताङ द्‍याङगेलाइ राक्सेसको आराधाना पाहि। सुमिङहेङ सिरजाइका खान्तेङ लाम्फासोङ जेदोङ द्‍याङगेलाइको मिङ जिबनको कितापता लेखेका हिघाहि, सिरिप उङको द्‍याङगेलाइ राक्सेसको आराधाना मापाहि। जिबनको किताप थुमाको किताप हि जेदोङ बिलिदानको रुपता सेअ्का हिघाहि।

प्रकास 17:8

नाअ् भरखङ तिङका इङको राक्सेस ए सोमोइ बान्चिका हिघाहि, कालाउ एला बान्चिका मान्थु; या वाङखाराका खारासो बाहार लोलि तोम्का हि कालाउ परमेस्वर इङकोहेङ पुरा नासा पाङ। प्रिथिबिता हिका द्‍याङगेलाइको मिङ जाइको परमेस्वर सुमिङहेङ सिरजाइका खान्तेङ लाम्फा जिबनको कितापता लेखेका मान्थुघाहि, इदोइ झाराङ द्‍याङ, राक्सेसहेङ तिङतेङ भाङभाङका जेनावा। वा लाम्फा सिन्हुका हिघाहि कालाउ एला सिन्हुका मान्थु, कालाउ वा आरोङ ल्वाङ।

प्रकास 19:8

परमेस्वर वासेहेङ पबित्तरो, सुद्द कालाउ जाहाका धाबा होङलि पिहि, जेदोङ रेस्मिहोइ बानाइका हिघाहि।” रेस्मिको धाबा खान्धुराइ ओनेगेलाइको रेम्का कामगेलाइ तिङपाखे।

प्रकास 2:11

जाइ काङको या काथा हिङदोङखे, वा इङको काथाहेङ ध्यान पितेङ हिनाको, परमेस्वरको आत्मा मन्डलिगेलाइहेङ हाइ दोअ्खे। जाइ दुस्टको सरबुङहेङ हारिपाखे, वा दन्ड मानिनाङ, जेदोङ चाहि न्हेतेङ सिका हि।

प्रकास 2:7

जाइ काङको या काथा हिङदोङखे, वा इङको काथाहेङ ध्यान पितेङ हिनाको, परमेस्वरको आत्मा मन्डलिगेलाइहेङ हाइ दोअ्खे। दुस्टको सरबुङहेङ हारिपाका द्‍याङगेलाइहेङ का इङको सिङसो फल चाअ्का आनुमति प्याङका, जेदोङ सिङ जिबन पिखे, जेदोङ परमेस्वरको स्वर्गको बागाइचाता हि।

प्रकास 20:12

कालाउ का सिङहासनको आगाता सिका द्‍याङगेलाइहेङ तिङघा, जाइ, महत्व पुर्न कालाउ महत्वहिन हि। जाइ समुन्द्रता दुबेतेङ सिका द्‍याङ हिघाहि, तोमगेलाइता हिका झाराङ सिका द्‍याङगेलाइ, जाइ सिकालाइको थामेता हिघाहि, इम्बालाइ झाराङ सिङहासनको आगाता जाअ्हि। कालाउ गोताङ किताप खोलेहि, कालाउ जिबनको किताप बुङ खोलेहि। सिका द्‍याङगेलाइ जेदोङ गोताङ काम पाहि इङको कितापता लेखेका हिघाहि कालाउ इङको कामगेलाइ आन्सार इम्बालाइ झाराङहेङ न्याय पिहि।

प्रकास 21:27

कालाउ हिदोइ बुङ आसुद्द आमेने इङको सहरता माल्वाङ। मारेङका काम पाकालाइ माकुनु धाताइका द्‍याङगेलाइ, इन्ता मादुल्लाङ थुमाको जिबनको कितापता जाइको मिङ लेखेका हि खिनिङ इङको द्‍याङ इङको सहरता दुल्लि द्वावा।

प्रकास 22:19

जेसापा नाअ् इदोइ कितापता लेखेका हिदोइ बुङ आगमबानिको सन्‍देस ओल्ला पानु, परमेस्वर नासेहेङ बुङ इदोइ कितापता लेखेका आसिसगेलाइ माप्याङ। ओदोङ भाअ्सिङ, परमेस्वर नासेहेङ जिबन पिका सिङको फल चाअ्का खाबारा कालाउ पबित्तरो सहरता जियाइका खाबारा माप्याङ।

प्रकास 3:12

जाइ दुस्टको सरबुङहेङ हारिपाखे, इङको द्‍याङगेलाइ परमेस्वरको मुन्दिरको खाम्बा भाइपाङ हिखे, जाइको का सेवा पाङका कालाउ इम्बालाइ बुङ जेलाउलाउको भाअ्सिङ परमेस्वरको मुन्दिरता ह्याङ। का इम्बालाइको जिउता काङको परमेस्वरको मिङ कालाउ काङको परमेस्वरको सहरको मिङ लेख्याङका, जेदोङ चाहि नावा यरुसेलेम हि। इङको सहर काङको परमेस्वरको स्वर्गसो लेता ल्वाङ। कालाउ काङको परमेस्वरसो का इम्बालाइको जिउता काङको नावा मिङ बुङ लेख्याङका।

प्रकास 3:4

कालाउ नेलाइको माझाता सार्दिस सहरता आधिमि द्‍याङगेलाइ हि, जाइ पापगेलाइसो आसुद्द जेङका मान्थु। इम्बालाइ का दोफा जे:का धाबा होङतेङ हिगिल्लावा हाइपालिपानु इम्बालाइ योग्यको हि।

प्रकास 6:11

कालाउ न्हुसो इङको झाराङहेङ जे:का होङका धाबा पिहि। परमेस्वर इम्बालाइहेङ आले सोमोइ आरोङ ह्रुम्लि दोअ्हि। हाइपालिपानु इम्बालाइ भाइपा माकुनु आरोङ बुङ प्रभुको आरु सेवकगेलाइ कालाउ ओनेगेलाइ जाइ येसुको सेवा पाघाखे इम्बालाइ भाइपाङ सेअ्न्हालि गोयाङ। जेलाउ सेअ्न्हाका द्‍याङगेलाइको गान्दिका पुरा माजेङका थेकापा, इम्बालाइको भाअ्सिङ हुम्लि गोइका हि।