प्रकास 3:4 - Dhimal NT

⁴ कालाउ नेलाइको माझाता सार्दिस सहरता आधिमि द्‍याङगेलाइ हि, जाइ पापगेलाइसो आसुद्द जेङका मान्थु। इम्बालाइ का दोफा जे:का धाबा होङतेङ हिगिल्लावा हाइपालिपानु इम्बालाइ योग्यको हि।

प्रकास 3:4 Iomraidhean Croise

मत्‍ति 10:11

जेलाउ नेलाइ हिदोइ बुङ देरा कालाउ सहर भारि हानिस्वाना इन्ता एनोङ ना एनोङ सोबाइका द्‍याङहेङ भोसु, कालाउ इन्तासो माघुरिपा भरि इङको थामे मालासु, कालाउ वाकोङ साअ्ता हिसु।

मर्कुस 16:5

जेलाउ तोम लिता जेका धाबा होङतेङ हिका एमि वाजान द्‍याङहेङ वाको दाम्पाहा योम्तेङ हिका तिङहि। कालाउ इम्बालाइ झाराङ आवाइतुहि।

लुका 20:35

कालाउ इङको युग थेकापा थुकालि योग्य जेङकालाइ, कालाउ सिकासो सिन्चाल्कालाइ बान्चितेङ ल्होतेङ योग्य जेङकालाइ ना ते बिहु पाखे ना ते बिहु दोङ पापिखे।

लुका 21:36

कालाउ चङख हिसु, आइ लागिका इदोइ गोताङ थिलि गोइका काथागेलाइसो बान्चिलि कालाउ का द्‍याङको चानको आगाता न्यायको दिनाता जाअ्लि योग्य जेङलिको भाअ्सिङ दिनाङ प्रार्थाना पातेङ हिसु।

साल्न्हाका चात्या 1:15

इङको दिनागेलाइता खान्धुराइ ओनेगेलाइ मध्येसो पतरुस जाअ्हि (उङको द्‍याङगेलाइको सङख्या माकुलाउ बुङ: एसाइ ए कुरि हिघाहि)।

2 थेस्लोनिकि 1:5

कालाउ परमेस्वर इदोइ सान्ताइन्हाका को प्रयोग ताइको न्याय तिङपालि कालाउ नेलाइहेङ परमेस्वरको सासनको भाअ्सिङ योग्य बानाइलि प्रयोग पावा, जाइको भाअ्सिङ नेलाइ दुख भोगितेङ हिसुना।

यहुदा 1:23

आधिमि द्‍याङगेलाइ, जाइ नरक हानाङ दोअ्तेङ नेलाइहेङ थाहा दोङ हि। इम्बालाइहेङ आनान्तको मेसो मार्फा हाइतेङ बान्चिपासु। कालाउ आरु द्‍याङगेलाइहेङ दाया तिङपासु। कालाउ इन्सिकाङ खाल्को पापसो बान्चेसु। नेलाइ ताइको पापमय दाग लागिका धाबा सुधाङ सिकासु।

प्रकास 1:11

इङको गालाहोइ एसा दोअ्हि, “नाअ् जेदोङ तिङखेना इङको एनोङ कितापता लेखे, कालाउ इङकोहेङ न्हि लोङ दोङ मन्डलिगेलाइहेङ दिङगिल्सु, जेदोङ चाहि एफिसस सहर, स्मुरना सहर, परगाम सहर, थिआटिरा सहर, सार्दिस सहर, फिलाडेलफिया सहर कालाउ लाउडिकिया सहर हि।”

प्रकास 11:13

एन्सालाउ दोङ एनोङ बार्का भुइचाल यरुसेलेम सहरता हानिहि, सहरको साअ् तेतेङ भाग भाअ्पाहि। इदोइ भुइचाल को कारान, न्हि-हाजार द्‍याङगेलाइ सेन्हाहि। बाकि हिका द्‍याङगेलाइ थिहि, ओदोङ भाअ्सिङ इङको स्वर्गता हिका परमेस्वरको महिमा पालि तेङहि।

प्रकास 14:4

इम्बालाइको जिबन पबित्तरो हि। वा वाबालाइ भाइपा जाइ हेलाउ बुङ कासिबिरि पाका मान्थु, एन्साङ दोङ ओबालाइ हासुको बुङ हेलाउ बुङ आराधाना मापाहि, इम्बालाइ थुमाको खिनिङ आराधाना पाखे। जेता थुमा हानिखे, इम्बालाइ बुङ वाको दोफा हानिखे। इम्बालाइ एबालाइ दोङ हि जाइहेङ प्रिथिबिको गोताङ द्‍याङगेलाइको माझासो लाअ्पाहि। जेसाङ द्‍याङगेलाइ ताइको मिलिङसो लाङ फल परमेस्वरता पिखे, एन्साङ दोङ एबालाइ बुङ परमेस्वरको कालाउ थुमाहेङ लाङ भेतिको रुपता चाढाइका हि।

प्रकास 19:14

स्वर्गसो लोका सिपालाइको बारका जेर वाको न्हु-न्हु हानिदोङघाहि। इङको सिपाइगेलाइ जे:का ओह्याँगेलाइता धोल्का हिघाहि, कालाउ इम्बालाइ जाहाँका जे:का रेस्मिको धाबागेलाइ बोअ्का हिघाहि।

प्रकास 19:8

परमेस्वर वासेहेङ पबित्तरो, सुद्द कालाउ जाहाका धाबा होङलि पिहि, जेदोङ रेस्मिहोइ बानाइका हिघाहि।” रेस्मिको धाबा खान्धुराइ ओनेगेलाइको रेम्का कामगेलाइ तिङपाखे।

प्रकास 3:18

इदोङ कारनहोइ पानाङ, का नासेहेङ साल्लाहा प्याङका कि मेसो सुद्द बानाइका सोना काङकोसो चोल कालाउकि नाअ् जातिङकोङ धनि जेङ। नाअ् ताइमिङ होङलि जे:का लोखोन बुङ चोल्लि गोइयाना जेदोङहोइ द्‍याङगेलाइ नासेहेङ नाङघाङ तिङका इङको लेदेरकासो बान्चिलि दोसु। नाङको मिसियाँता लागाइलिको भाअ्सिङ आधे मलम बुङ चोल्लि गोइखे कालाउकि नाअ् तिङलि द्वाना।

प्रकास 3:5

जाइ दुस्टको सरबुङहेङ हारिपावा, वासेहेङ जे:का लोखोन धाबा होम्पावा। कालाउ का उङको द्‍याङको मिङ जिबनको कितापसो मामेति प्याङका जेदोङता इम्बालाइको मिङ लेखेका हि जाइ आनान्त जिबन निङका हि। कालाउ का काङको आबा कालाउ वाको सेवा पाका स्वर्गदुतगेलाइको आगाता जाअ्ताङका, कालाउ का घोसाना पाङका कि इम्बालाइ काङको हि।

प्रकास 4:4

इङको सिङहासनको कोरपाहाङ ए कुरि द्‍या आरु सिङहासनगेलाइ हिघाहि। कालाउ पुरिङता सोनाको मुकुटगेलाइ कालाउ जे:का धाबागेलाइ लागाइतेङ ए कुरि द्‍यामि आगुवागेलाइ इङको सिङहासनगेलाइता योमतेङ हिका का तिङघा।

प्रकास 6:11

कालाउ न्हुसो इङको झाराङहेङ जे:का होङका धाबा पिहि। परमेस्वर इम्बालाइहेङ आले सोमोइ आरोङ ह्रुम्लि दोअ्हि। हाइपालिपानु इम्बालाइ भाइपा माकुनु आरोङ बुङ प्रभुको आरु सेवकगेलाइ कालाउ ओनेगेलाइ जाइ येसुको सेवा पाघाखे इम्बालाइ भाइपाङ सेअ्न्हालि गोयाङ। जेलाउ सेअ्न्हाका द्‍याङगेलाइको गान्दिका पुरा माजेङका थेकापा, इम्बालाइको भाअ्सिङ हुम्लि गोइका हि।

प्रकास 7:9

कालाउ न्हुसो, का इन्ता वथे बार्का द्‍याङको जेर तिङघा कालाउ हासु बुङ इङको गोताङहेङ गान्दिलि मादोघाहि। इम्बालाइ सुमिङको गोताङ जाति कुल, रास्ट, कालाउ गोताङ भासासो लोका हिघाहि। इम्बालाइ सिङहासन कालाउ थुमाको आगाता जाअ्हि। इम्बालाइ जे:का धाबा लागाइका हिघाहि, कालाउ गोताङ द्‍याङगेलाइ ताइको खुरता लाब्रा सिङको डालेङ चाअ्का हिघाहि, जेदोङ इङको साम्मानको चिन्हाको रुपता हिघाहि।