प्रकास 3:21 - Dhimal NT

²¹ जाइ दुस्टको सरबुङहेङ हारिपावा वा का दोफा काङको सिङहासनता योमावा, जेसाङ का जितितेङ काङको आबा दोफा वाको सिङहासनता योम्का हिघा।

प्रकास 3:21 Iomraidhean Croise

मत्‍ति 19:28

येसु ओबालाइहेङ दोअ्हि, जातिङ भारि का नेलाइहेङ दोअ्खा, नेलाइ हासु बुङ काङको दोफा लोका हिसुना पानु, नेलाइ नावा सिरजाइका हिसुन्हा। जेलाउ का द्‍याङको चान ताइको महिमाको सिङहासनता योमाङका, कालाउ नेलाइ बुङ तेन्हे कुल ह्रुता हिस्वाना, कालाउ इस्राएल सारभिको तेन्हे कुलहुता न्याय पास्वाना।

मत्‍ति 25:21

“गिह्रि वासेहेङ दोअ्हि, नाअ् रेम्का पाना नाअ् आसल चाकारिया नासेहेङ खाङधुरि पालि द्वाङ। आतुइसा ताकाता बुङ नाअ् खाङधुरि योग्य हिना। ओदोङ भाअ्सिङ नासेहेङ आरु हेन्जा जिम्माबारि पिलि द्वाङका लौउ का दोफा लेङचा।”

मत्‍ति 28:18

कालाउ येसु इम्बालाइ दोफा लोतेङ दोअ्हि, “स्वर्ग कालाउ प्रिथिबिको गोताङ खाबारा कासेहेङ पिका हि।

लुका 22:30

कालाउकि काङको सासनता नेलाइ काङको दोफा योम्तेङ चास्वाना कालाउ आमस्वाना, कालाउ इस्राएल सारभिको तेन्हे कुलको न्याय पातेङ सिङहासनगेलाइता योमस्वाना।

युहन्‍ना 13:32

परमेस्वर ताइको चानहेङ महिमित पावा, कालाउ वा एन्सालाउ दोङ महिमित पावा।

युहन्‍ना 16:33

का नेलाइहेङ इदोइ काथा इदोइ कारनसो दोअ्का हिघा, कि नेलाइ सान्ति निङलि दोअ्सु, हाइपालिपानु नेलाइ काङको चात्या हिसुना। सुमिङता नेलाइहेङ दुख कस्टते जेनावा, कालाउ साहास पासु हाइपालिपानु का दोङ इदोइ सुमिङको सासक साइतानहेङ हारिपाका हिघा।

2 तिमोथि 2:12

जेसापा केलाइ वाको भाअ्सिङ दुख सहिन्हाखे पानु, केलाइ बुङ वाको दोफाङ राजा भाइपाङ सासन पाङ, कालाउ केलाइ वासेहेङ इन्कार मापानु, वा बुङ केलाइहेङ इन्कार मापावा।

प्रकास 12:11

केलाइको खान्धुराइ ओनेगेलाइ साइतानहेङ जितिका हि। इम्बालाइ थुमाको हितिको सरबुङहोइ साइतानहेङ हारिपाहि। इङको थुमा ओबालाइको पापसो लाअ्पालिको भाअ्सिङ सेअ्का हिघाहि। इम्बालाइ साइतानहेङ हारिपावा हाइपालिपानु ओबालाइ जेलाउ बुङ इदोइ सुइकार पातेङ हि कि थुमा ओलालाइको प्रभु हि। इम्बालाइहेङ साताइन्हातेङ सेन्हाहि, कालाउ बुङ ओबालाइ ताइको सुइकारसो पासा मासाराइहि।

प्रकास 17:14

इम्बालाइ थुमाको बिरोधता धुम पावा, कालाउ थुमा ओबालाइहेङ हारिपावा, हाइपालिपानु थुमा प्रभुगेलाइको प्रभु कालाउ राजागेलाइको राजा हि। ताइको काइका, साल्का, कालाउ खाङधुरि योग्य द्‍याङगेलाइ दोफा इम्बालाइहेङ हारिपावा।”

प्रकास 2:7

जाइ काङको या काथा हिङदोङखे, वा इङको काथाहेङ ध्यान पितेङ हिनाको, परमेस्वरको आत्मा मन्डलिगेलाइहेङ हाइ दोअ्खे। दुस्टको सरबुङहेङ हारिपाका द्‍याङगेलाइहेङ का इङको सिङसो फल चाअ्का आनुमति प्याङका, जेदोङ सिङ जिबन पिखे, जेदोङ परमेस्वरको स्वर्गको बागाइचाता हि।

प्रकास 20:4

कालाउ न्हुसो, का आधे सिङहासनगेलाइ तिङघा, वाको दोफा योम्तेङ हिका द्‍याङगेलाइ दोफा सासन पालि खाबारा पिहि। का इम्बालाइको आत्माहेङ बुङ तिङघा जाइको पुरिङ पाल्पाहि हाइपालिपानु इम्बालाइ येसु दोङ प्रभु दोअ्तेङ सुइकार पाहि कालाउ इम्बालाइ परमेस्वरको बचनहेङ खाङधुरि पाहि। जेदोङ उङको द्‍याङगेलाइ इङको राक्सेसको माकुनु वाको मुर्तिको पुजा मापाहि, कालाउ इम्बालाइ ताइको कापालता माकुनु खुरता राक्सेसको दागाइका चिन्हा मालागाइहि। इदोइ द्‍याङगेलाइ आरोङ सिन्हुहि कालाउ ए-हाजार बासारको भाअ्सिङ ख्रिस्ट दोफा सासन पाहि।

प्रकास 5:10

कालाउ नाअ् ओबालाइहेङ राजागेलाइ कालाउ पुजारिगेलाइ बानाइन्हा, जाइ केलाइको प्रभु परमेस्वरको सेवाको काम पाखे, कालाउ इम्बालाइ प्रिथिबिता राजागेलाइ भाइपा सासन पावा।”

प्रकास 6:2

कालाउ इन्ता कासेहेङ एनोङ जेका रङको ओह्याँ तिङपा पिहि, इङको ह्रुता सावार जेङका दोफा एनोङ धनु हिघाहि, कालाउ उङकोहेङ एनोङ मुकुट पिहि। वा स्वर्गसो ओल्लेतेङ प्रिथिबिता हानिहि, वाको भाइपा जेदोङ लाम्फा बिजोइ जेङका हि कालाउ आरोङ बिजोइ जेनाङ।

प्रकास 7:17

हाइपालिपानु सिङहासनको माझाता हिका थुमा, वा इम्बालाइहेङ सामाराइयाङ, जेसाङ लाखुरिया ताइको भेडाहेङ चापाखे-आम्पाखे। वा इम्बालाइहेङ ताजा चि आम्पालि चुम्पुखे जेदोङहोइ द्‍याङगेलाइहेङ जिबन प्यावा। कालाउ परमेस्वर इम्बालाइको मिसियाँको गोताङ मितिगेलाइ योप्यावा।”