प्रकास 3:19 - Dhimal NT

¹⁹ जाइहेङ का प्रेम पाखा, का इम्बालाइहेङ धिरपाङका कालाउ साजाइ प्याङका कालाउकि इम्बालाइ आसल जेनाको। कालाउ रेम्का कामगेलाइ पालि उत्सुक जेनाको कालाउ पाप पालि लाअ्ताको कालाउ परमेस्वर भारि घुरियाको।

प्रकास 3:19 Iomraidhean Croise

मत्‍ति 25:7

कालाउ झाराङ धानिगेलाइ नाङघाहि। इम्बालाइता-ताइको गेसा तियार पालि तेङहि।

युहन्‍ना 2:17

वाको चात्यागेलाइ धर्मसास्तरता लेखेका इङको काथा फोम पाहि, “नाङको साअ्को भक्तिहोइ का लिता मे भाइपा जोल्तेङ हि।”

रोमि 12:11

थाङका परिस्रोम पासु कालाउ लेद्रा माजेङसु, कालाउ नाङको गोताङ ह्रदयहोइ प्रभुको सेवा पाअ्‌।

1 कोरिन्थि 11:32

कालाउ प्रभु केलाइहेङ दन्ड कालाउ आनुसासन पिखे, कालाउकि केलाइहेङ परमेस्वर सुमिङको द्‍याङगेलाइ दोफाङ न्याय माप्याको।

2 कोरिन्थि 6:9

हासु बुङ केलाइहेङ नाल्खा दोअ्तेङ मानिलाउ बुङ आधिमि केलाइहेङ मानाल्का द्‍याङ दोअ्तेङ मानिखे, सिकाङ भाइका जेङलाउ बुङ बान्चिका हिनाहि, कालाउ साजाइ निङतेङ हिलाउ बुङ सेअ्न्हाका मान्थुन्हाहि।

2 कोरिन्थि 7:11

खाङसु, इदोइ परमेस्वरको इच्छा आन्सारको दुखहोइ नेलाइता हिसिका-हिसिका बदलाब लोका हि: इसिका हाउसाहोइ पोङघातेङ उसुक्ता, कालाउ ताइमिहेङ निरदुसि बानाइलि इदोइ झोको बार्का इच्छा, आन्याय ह्रुता इसिका चेर, समस्या ह्रुता इसिका चङख, कासेहेङ भेतिलि इसिका बार्का इच्छा, सेवा प्रति इसिका हाउसा, कालाउ मारेम्का काम पाकालाइहेङ दन्ड पिलि। इसिका पातेङ नेलाइ इदोइ साबित पाका हिसुना कि गोताङ काथा रेम्फासो पालि हाइ दोङ कमि लाअ्का मान्थु सुन्हा।

गलाति 4:18

आसल आभिप्रायको भाअ्सिङ हाउसाइलि आसल हि, कालाउ का नेलाइको माझाता हिलाउ खिनिङ हाउसाइलि रेम्का माको।

तितस 2:14

केलाइहेङ पापको सरबुङसो बान्चिपालि कालाउ पबित्तरो बानाइलि येसु ख्रिस्ट ताइमिहेङ बलिदान पिहि, कालाउकि केलाइ वाकोङ द्‍याङ जेङलि द्वाको। कालाउ आसल कामगेलाइ पालि द्वाको।

याकुब 1:12

उङको द्‍याङ धन्यको हि, जाइ जाचता स्थिर हिखे, हाइपालिपानु ताइको खाङधुरि प्रमानित पालि दोतेङ वा आनान्त जिबनको इनाम निनावा, जाइ परमेस्वर वासेहेङ प्रेम पाका झाराङहेङ पिका प्रतिग्या पाका हि।

प्रकास 2:5

फोम पासु लाम्फा नेलाइ हेसा कासेहेङ प्रेम पाघासुखेना, कालाउ एला नेलाइ कासेहेङ इन्सिका प्रेम मापा सुखेना। नेलाइ पाप पालि लाअ्सु कालाउ परमेस्वर भारि घुरिसु कालाउ लाम्फा भाइपाङ कासेहेङ प्रेम पासु। जेसापा नेलाइ पाप पालि मालाअ्सुन्हा कालाउ परमेस्वर भारि मन मापिस्वाना पानु, का नेलाइकोता ल्वाङका कालाउ का नेलाइको चेरादानि जेता हि इन्तासो हातिपातेङ नेलाइहेङ दन्ड प्याङका।