प्रकास 3:14 - Dhimal NT

¹⁴ कालाउ येसु कासेहेङ एसा बुङ दोअ्हि, लाउडिकिया सहरको मन्डलिको स्वर्गदुतहेङ या सन्‍देस लेखे: का वाआङ हिघा, जाइहेङ आमेन दोअ्खे, हाइपालिपानु का भोरोसा यग्यो हिघा कालाउ का परमेस्वरको बारेता जेदोङ दोअ्घा गोताङ सत्ये हि। वा सिर्जाइहि गोताङ थोकको का स्रोत हिघा। जेदोङ का नेलाइहेङ दोअ्खा वासेहेङ हिङसु।

प्रकास 3:14 Iomraidhean Croise

युहन्‍ना 1:3

गोताङ आनेमाने वाको पाहासो सिरजाइन्हाका हिदोइ बुङ आनेमाने वा माकोसिङ माजेङघाहि।

युहन्‍ना 8:14

येसु उत्तारा पिहि, का ताइको बिसोइता साक्सि पिलाउ बुङ काङको साक्सि सत्ये हि। हाइपालिपानु, का हितासो लोका हिघा, कालाउ का हिसो हानाङका। कालाउ नेलाइ मागिसुखेना, का हितासो ल्वाङका, कालाउ का हिसो हानाङका।

2 कोरिन्थि 1:20

हाइपालिपानु परमेस्वरको गोताङ प्रतिग्यागेलाइ ख्रिस्टता पुरा जेङखे। ओदोङ भाअ्सिङ परमेस्वरको महिमाको भाअ्सिङ केलाइ ख्रिस्ट पाहासो “आमेन” दोअ्नाखे।

कलस्सि 1:15

परमेस्वरहेङ हासु बुङ तिङलि मादोखे, कालाउ वाको चान द्‍याङ जेङतेङ लोहि वा परमेस्वरहेङ द्‍याङगेलाइको माझाता देखाल पापिहि। कालाउ वाको दोफा परमेस्वर सिरजाइ पाका गोताङ आमेने ह्रुता सर्बच्चा खाबारा हि।

कलस्सि 1:18

येसु ख्रिस्ट मन्डलिको आगुवाइ पाखे जेसाङ द्‍याङको पुरिङहोइ ताइको जिउ काबुता पाखे। कालाउ वाआङ लाम्फाङ हिघाहि जाइ सिकासो सिन्चाल्का मध्ये जेठा हिघाहि, कालाउकि वाआङ दोङ गोताङ काथा ह्रुता सर्बच्चा ह्याको।

कलस्सि 2:1

का नेलाइहेङ साघाइलि दो-मादोपा कोसिस पादोङखा दोअ्का काथा नेलाइ गिसु दोअ्का का खाङखा, कालाउ आरुको भाअ्सिङ बुङ जाइ लाउडिकिया सहरता हि कालाउ जाइ द्‍याङगेलाइहेङ का तिङका मान्थुघा।

कलस्सि 4:16

नेलाइको माझाता इदोइ पात्तारा नेलाइ पढेलि दोतेङ लाउडिकिया सहरको मन्डलिता बुङ या पात्तारा पढेलि लागाइ, कालाउ का लाउडिकियाको खान्धुराइगेलाइको भाअ्सिङ लेखेका पात्तारा बुङ नेलाइ पढेलि गोइस्वाना।

प्रकास 1:11

इङको गालाहोइ एसा दोअ्हि, “नाअ् जेदोङ तिङखेना इङको एनोङ कितापता लेखे, कालाउ इङकोहेङ न्हि लोङ दोङ मन्डलिगेलाइहेङ दिङगिल्सु, जेदोङ चाहि एफिसस सहर, स्मुरना सहर, परगाम सहर, थिआटिरा सहर, सार्दिस सहर, फिलाडेलफिया सहर कालाउ लाउडिकिया सहर हि।”

प्रकास 1:5

कालाउ येसु ख्रिस्टसो, जाइ परमेस्वरको सत्येता खाङधुरि योग्यता देखाल पापियाङ। वा दोङ हि जाइ सिका न्हुसो आरोङ सिन्हु पाहि, कालाउ वा इदोइ सुमिङको गोताङ राजागेलाइको सासक हि। कालाउ येसु ख्रिस्ट केलाइहेङ मायारु पाखे कालाउ वाको हितिहोइ केलाइहेङ केलाइको पापगेलाइसो बान्चिपाखे। वा केलाइहेङ एनोङ जाति बानाइहि जाइ दोफा परमेस्वर ओबालाइको राजाको रुपता हिका हि। कालाउ वा केलाइहेङ वाको आबा परमेस्वरको भाअ्सिङ पुजारिगेलाइ बानाइहि। वा दोङ जेलाउलाउको भाअ्सिङ साम्मान कालाउ खाबारा गोताङ सोमोइ निङलि गोयाङ। आमेन।

प्रकास 19:11

आरोङ का स्वर्गहेङ हेअ्नाका तिङघा, इन्ता काङको आगाता एनोङ जे:का ओह्याँ हिघाहि। जाइ वाको ह्रुता दोल्हि, वा इसिका हि वासेहेङ खाङधुरि पालि द्वास्वाना कालाउ वा माधाताइखे। कालाउ वा धार्मिक दोफाङ वा ताइको सतुरुगेलाइको न्याय पाखे कालाउ इम्बालाइको बिरोधता फेसुखे।

प्रकास 2:1

येसु कासेहेङ एसा बुङ दोअ्हि, एफिसस सहरको मन्डलिको स्वर्गदुतहेङ या सन्‍देस लेखे: का वाआङ हिघा जाइ न्हि लोङ फुरुहेङ काङको दाम्पाहा खुरता ताअ्ताङका कालाउ न्हि लोङ सोनाको चेरादानिगेलाइको माझाता ताअ्खे। जेदोङ का नेलाइहेङ दोअ्खा वासेहेङ हिङसु।

प्रकास 21:6

आरोङ वा कासेहेङ दोअ्हि, “एला गोताङ पुरा जेङहोइ। का दोङ आल्फा कालाउ ओमेगा हिघा। का दोङ सुरु कालाउ आन्त्य हिघा। जाइ चि आम्लि किका हि का इम्बालाइहेङ ताजा चि आम्पालि चुम्पुवाङका जेदोङ ए पाइसा माकोसिङ जिबनको चि आम्लि प्याङका।

प्रकास 22:13

का दोङ आल्फा कालाउ ओमेगा हिघा। का दोङ सुरु कालाउ आन्त्य हिघा।”

प्रकास 22:6

इङको न्हुसो, स्वर्गदुत कासेहेङ दोअ्हि, “इदोइ गोताङ काथा जेदोङ नासेहेङ दोअ्का हि या सत्ये हि कालाउ भोरोसा पालि योग्य हि। हाइपालिपानु परमप्रभु परमेस्वर जाइ ताइको आत्मा गोताङ बक्तागेलाइहेङ पिहि, वा दोङ जाइ ताइको स्वर्गदुतहेङ आदेस पिहि कि वा इता लोतेङ कालाउ ताइको सेवाकगेलाइको इङको काथा तिङपाको जेदोङ धेमाङ पुरा जेनाङ।”

प्रकास 3:7

येसु कासेहेङ एसा बुङ दोअ्हि, फिलाडेलफिया सहरको मन्डलिको स्वर्गदुतहेङ या सन्‍देस लेखे: का वाआङ हिघा, जाइ पबित्तरो कालाउ सत्ये हि, जाइ दोफा राजा दाउदको ताल्चा हि, जेलाउ का इङको ताल्चाहोइ फिनु हेअ्खा, हासु बुङ इङकोहेङ गि:लि माद्वाङ, कालाउ जेलाउ का इङको ताल्चाहोइ फिनु गि:ताङका हासु बुङ इङकोहेङ हेअ्लि माद्वाङ। जेदोङ नेलाइहेङ दोअ्खा वासेहेङ हिङसु।