प्रकास 3:12 - Dhimal NT

¹² जाइ दुस्टको सरबुङहेङ हारिपाखे, इङको द्‍याङगेलाइ परमेस्वरको मुन्दिरको खाम्बा भाइपाङ हिखे, जाइको का सेवा पाङका कालाउ इम्बालाइ बुङ जेलाउलाउको भाअ्सिङ परमेस्वरको मुन्दिरता ह्याङ। का इम्बालाइको जिउता काङको परमेस्वरको मिङ कालाउ काङको परमेस्वरको सहरको मिङ लेख्याङका, जेदोङ चाहि नावा यरुसेलेम हि। इङको सहर काङको परमेस्वरको स्वर्गसो लेता ल्वाङ। कालाउ काङको परमेस्वरसो का इम्बालाइको जिउता काङको नावा मिङ बुङ लेख्याङका।

प्रकास 3:12 Iomraidhean Croise

मर्कुस 12:16

इम्बालाइ वासेहेङ एनोङ चान्दिको थुरि चुमातेङ पिहि। कालाउ वा इम्बालाइहेङ दोअ्हि, “कासेहेङ दोअ्सु कि इदोइ चान्दिको थुरिता हासुको चित्तरो कालाउ हासुको मिङ हि।” इम्बालाइ दोअ्हि, “रोमि साम्रातको।”

गलाति 2:9

याकुब, पतरुस, कालाउ युहान्‍ना जाइ मन्डलिको आगुवागेलाइ भाइपा मानिका हि, इम्बालाइ बुझिहि, कि परमेस्वर कासेहेङ बिसेस बरदान पिका हि। ओदोङ भाअ्सिङ इम्बालाइ बार्नाबास कालाउ कासेहेङ सुइकार पाहि। इम्बालाइ दोअ्हि, केलाइ गैर-यहुदिगेलाइकोता सुसमाचार प्राचार पासु, कालाउ केलाइ चाहि यहुदिगेलाइकोता दोङ प्राचार पाङ।

एफिसि 3:15

वा दोङ गोताङ खान्धुराइगेलाइको आबा हि जाइ स्वर्ग कालाउ प्रिथिबिता हि।

हिब्रु 12:22

कालाउ नेलाइते सियोन तिकारता लोका हिसुना, जेता स्वर्गिय यरुसेलेम हि, जेदोङ सिन्हुका परमेस्वरको सहर हि, जेता लाख-लाख स्वर्गदुतगेलाइ जोम्तेङ आनान्दहोइ-उत्साह मानाइखे।

हिब्रु 13:14

हाइपालिपानु इदोइ प्रिथिबिता, केलाइ दोफा हिदोइ बुङ सहर मान्थु, जेदोङ जेलाउको भाअ्सिङ ह्याको। कालाउ लोका सहरको चाहि केलाइ आस पातेङ हिनाखे।

१ युहन्‍ना 4:4

नाअ् जाइ काङको आनाउ जामाललाइ भाइकाङ हिसुना, नेलाइ चाहि परमेस्वरको द्‍याङगेलाइ हिसुना, कालाउ नेलाइ धाताइका आगमबक्तागेलाइ ह्रुता बिजोइ जेङका हिसुना। हाइपालिपानु जेदोङ पबित्तरो आत्मा नेलाइ दोफा हि, वा सुमिङता हिका साइतान जाइ इदोइ सुमिङको द्‍याङगेलाइ जाइ परमेस्वरहेङ मानाल्खे, इम्बालाइ ह्रुता खाबारा पाखे, वा इङको खान्तेङ माहान हि।

प्रकास 14:1

कालाउ न्हुसो का आरोङ स्वर्गदुतहेङ थुमाको सियोनको तिकारता जाअ्तेङ हिका तिङघा। वाको दोफाङ वाको ए लाख न्हे कुरि द्‍या हाजार द्‍याङगेलाइ हिघाहि। इम्बालाइको कापालता थुमाको कालाउ वाको आबाको मिङ लेखेका हिघाहि।

प्रकास 17:14

इम्बालाइ थुमाको बिरोधता धुम पावा, कालाउ थुमा ओबालाइहेङ हारिपावा, हाइपालिपानु थुमा प्रभुगेलाइको प्रभु कालाउ राजागेलाइको राजा हि। ताइको काइका, साल्का, कालाउ खाङधुरि योग्य द्‍याङगेलाइ दोफा इम्बालाइहेङ हारिपावा।”

प्रकास 2:11

जाइ काङको या काथा हिङदोङखे, वा इङको काथाहेङ ध्यान पितेङ हिनाको, परमेस्वरको आत्मा मन्डलिगेलाइहेङ हाइ दोअ्खे। जाइ दुस्टको सरबुङहेङ हारिपाखे, वा दन्ड मानिनाङ, जेदोङ चाहि न्हेतेङ सिका हि।

प्रकास 2:17

जाइ काङको या काथा हिङदोङखे, वा इङको काथाहेङ ध्यान पितेङ हिनाको, परमेस्वरको आत्मा मन्डलिगेलाइहेङ हाइ दोअ्खे। उङको द्‍याङगेलाइहेङ जाइ दुस्टको सरबुङहेङ हारिपावा, का आधे मन्न प्याङका जेदोङ म्होका हिघाहि। का झाराङहेङ एनोङ जे:का उन्ठुइ प्याङका, जेदोङता नावा मिङ लेखेयाङ। इङको मिङ हासुहेङ बुङ थाहा माज्याङ इङको मिङ ह्रुका द्‍याङ बाहेक।

प्रकास 2:7

जाइ काङको या काथा हिङदोङखे, वा इङको काथाहेङ ध्यान पितेङ हिनाको, परमेस्वरको आत्मा मन्डलिगेलाइहेङ हाइ दोअ्खे। दुस्टको सरबुङहेङ हारिपाका द्‍याङगेलाइहेङ का इङको सिङसो फल चाअ्का आनुमति प्याङका, जेदोङ सिङ जिबन पिखे, जेदोङ परमेस्वरको स्वर्गको बागाइचाता हि।

प्रकास 21:2

का पबित्तरो सहरहेङ बुङ तिङघा जेदोङ नावा यरुसेलेम हि। इदोइ परमेस्वरसो स्वर्ग लेता खुतेङ लोखे। इङको सहरहेङ दारवाइनि भाइपा तियार पाका हिघाहि, कालाउ वासेहेङ बोन्हा बोअ्पातेङ साजाइतेङ ताअ्हि कालाउ दारा दोफा बिहु पालि तियार हि।

प्रकास 22:4

इम्बालाइ परमेस्वरहेङ ताइको आगा-आगाता तिनावा, कालाउ वाको मिङ इम्बालाइको कापालता लेखेका ह्यावा।

प्रकास 3:5

जाइ दुस्टको सरबुङहेङ हारिपावा, वासेहेङ जे:का लोखोन धाबा होम्पावा। कालाउ का उङको द्‍याङको मिङ जिबनको कितापसो मामेति प्याङका जेदोङता इम्बालाइको मिङ लेखेका हि जाइ आनान्त जिबन निङका हि। कालाउ का काङको आबा कालाउ वाको सेवा पाका स्वर्गदुतगेलाइको आगाता जाअ्ताङका, कालाउ का घोसाना पाङका कि इम्बालाइ काङको हि।