प्रकास 3:11 - Dhimal NT

¹¹ का धेमाङ लोदोङखा, कालाउ नाअ् बल्लियाका खाङधुरि ताअ्तेङ ताअ्लि गोइयाना, कालाउकि हासु बुङ नाङको बिजोइको इनाम घिङलि माद्वाको।

प्रकास 3:11 Iomraidhean Croise

1 कोरिन्थि 9:25

धाअ्काता भाग ह्रुलि गोइका खेलाडिगेलाइ जिउहेङ काबुता पालि आभ्यास पाखे। इम्बालाइते जितिलि कालाउ साम्मान निङलि एन्सा पाखे, इम्बालाइते चुतेङ हानिका ल्हाफाको माला निङखे जेदोङ हेन्जा सोमोइ थेकापा माहिखे। कालाउ केलाइ चाहि साम्मान कालाउ जेलाउ बुङ हिका आसिसको भाअ्सिङ इसिका पानाखे।

फिलिप्पि 4:5

नेलाइको सभ्य स्वभाव गोताङ द्‍याङगेलाइहेङ थाहा ज्याको, प्रभु धेमाङ लोदोङखे।

2 तिमोथि 2:5

एन्साङ दोङ हिदोइ बुङ खेलाडि खेलता भाग ह्रुखे पानु, वा खेलको नियम आन्सार माघापा धाउ इनाम निङलि मादोखे।

2 तिमोथि 4:8

एला प्रभु कासेहेङ एनोङ इनाम प्याङ, जेदोङ चाहि काङको आसल पाका कामको इनाम हि। ठिकसो न्याय पाका प्रभु दोङ कासेहेङ इङको इनाम प्याङ जेलाउ वा आरोङ ल्वाङ। कालाउ का खिनिङ माको, कालाउ वाको लोका दामा खाङका झाराङहेङ इङको इनाम प्याङ।

याकुब 1:12

उङको द्‍याङ धन्यको हि, जाइ जाचता स्थिर हिखे, हाइपालिपानु ताइको खाङधुरि प्रमानित पालि दोतेङ वा आनान्त जिबनको इनाम निनावा, जाइ परमेस्वर वासेहेङ प्रेम पाका झाराङहेङ पिका प्रतिग्या पाका हि।

याकुब 5:9

ओइ खान्धुराइ ओनेगेलाइ, एमिसो-भेनेङहेङ मादुसिसु, माकुनुते नेलाइ दुसिका जेङस्वाना, खाङसु, प्रभु झाराङको न्याय पालि लोलिको भाअ्सिङ तियार हि।

प्रकास 1:3

इदोइ आगमबानि पढेका झाराङहेङ परमेस्वर आसिस पिखे, कालाउ हिङका कालाउ केम्का झाराङहेङ आसिस पिखे। हाइपालिपानु इदोइ आमेनेगेलाइ धेमाङ जेनाङ।

प्रकास 16:15

भुत-आत्मा सासन पाका द्‍याङगेलाहेङ कालाउ इम्बालाइको सेनागेलाइहेङ ए थामेता जोम्पाहि। इङको थामेको मिङ हिब्रु भासाता आरमागाडोन दोअ्खे। ओदोङ भाअ्सिङ, प्रभु येसु दोअ्हि, “इदोइ काथा हिङसु, काङको लोलि खाङका एमि चोर लोका भाइपाङ आचानाक जेनाङ। उङको द्‍याङ धन्य हि जाइ काङको लोका बेलाता नाङघातेङ हिखे, कालाउ वाको धाबा लोखोनगेलाइ तियार पाखे। कालाउ इम्बालाइ नाङघाङ माज्याङ कालाउ जेसापा वाको हेन्जा द्‍याङगेलाइको माझाता बाहार हानिलाउ बुङ, इम्बालाइहेङ लेदेर पाका हिदोइ बुङ दोङ काथा माजेनाङ।”

प्रकास 2:10

नाअ् भोगिलि तोम्का कस्टसो माअ्थि। साइतान नेलाइ मध्ये हेथेहेङ द्‍याङगेलाइसो रिम्पाखे कालाउ नेलाइहेङ जाचिलिको भाअ्सिङ झ्यालखानाता पिगिल्खे। नाअ् ते दिनाको भाअ्सिङ बार्का समस्याको आनुभब पान्हा। कालाउ नेलाइहेङ सेअ्लाउ बुङ नेलाइ हेलाउ बुङ हारेस माचासु काङकोता खाङधुरि पासु, हाइपालिपानु का नेलाइहेङ आनान्त जिबन प्याङका, इङको चाहि नाङको जिति का को इनाम जेनाङ।

प्रकास 2:13

कासेहेङ थाहा हि, नेलाइको सहर साइतानको कब्जाता हि, कालाउ इङको को बाबजुद बुङ नेलाइ काङको ह्रुता नाङको खाङधुरिहेङ रिम्तेङ ताअ्का हिसुना। कालाउ नेलाइ काङको सिक्स्याहेङ लाअ्का मान्थु सुन्हा। इङको बेला बुङ नेलाइ का ह्रुता खाङधुरि पालि मालासुन्हा जेलाउ हेन्जा लाम्फा एन्टिपास सेअ्न्हाहि। वा काङको सन्‍देस प्राचार पालि खाङधुरि योग्य हिघाहि, कालाउ बुङ वा नेलाइको सहरता सेअ्नाहि जेदोङ साइतानको कब्जाता हि।

प्रकास 22:12

आरोङ प्रभु येसु दोअ्हि, “का धेमाङ लोदोङखा। गोताङ द्‍याङगेलाइ जेदोङ पाहि इङको को आन्सार वासेहेङ इनाम माकुनु दन्ड पिलिको भाअ्सिङ, का ल्वाङका।

प्रकास 22:20

इदोइ कितापता लेखेका काथागेलाइको साक्सि येसु दोङ हि। वा दोअ्हि, “निस्चय, का धेमाङ लोदोङखा।” का, युहान्‍ना वासेहेङ जोबाफ पिघा, “आमेन! प्रभु येसु लौउ।”

प्रकास 22:7

येसु दोअ्खे, “हिङसु, का धेमाङ लोदोङखा। इङको द्‍याङगेलाइ धन्य हि जाइ इदोइ कितापता लेखेका आगमबानिको काथाहेङ केम्खे।”

प्रकास 3:3

नाअ् लाम्फा हिङका कालाउ खाङधुरि पाका सिक्स्याहेङ फोम पाअ्‌, नाअ् जेदोङ धिरपाका हिघाखेना इङको को आनुसरन पाअ्‌, पाप पालि लाअ् कालाउ परमेस्वर भारि घुरे। जेसापा नेलाइ मारेम्का काम पालि मालाअ्सुन्हा पानु, नाअ् इङको सोमोइ थाहा मानिनाना जेलाउ का नासेहेङ साजाइ पिलि ल्वाङका, हाइपालिपानु का चोर भाइपा आचानाक ल्वाङका।

प्रकास 4:4

इङको सिङहासनको कोरपाहाङ ए कुरि द्‍या आरु सिङहासनगेलाइ हिघाहि। कालाउ पुरिङता सोनाको मुकुटगेलाइ कालाउ जे:का धाबागेलाइ लागाइतेङ ए कुरि द्‍यामि आगुवागेलाइ इङको सिङहासनगेलाइता योमतेङ हिका का तिङघा।