प्रकास 3:1 - Dhimal NT

¹ येसु कासेहेङ एसा बुङ दोअ्हि, सार्दिस सहरको मन्डलिको स्वर्गदुतहेङ या सन्‍देस लेखे: का वाआङ हिघा, जाइ ताइको खुरता न्हि लोङ फुरुगेलाइ चाअ्तेङ ताअ्का हि। कालाउ जाइ परमेस्वरको न्हि लोङ आत्मागेलाइहेङ दिङगिल्पिहि। कासेहेङ नाङको काम थाहा हि कि, नेलाइ का दोफा खाङधुरि योग्य खान्धुराइगेलाइ भाइका तिङसुखेना। कालाउ बास्तबता नेलाइ एला कासेहेङ मापिताइस्वाना।

प्रकास 3:1 Iomraidhean Croise

लुका 15:24

हाइपालिपानु इदोइ काङको चान सिका भाइका हिघाहि, कालाउ एला वा बान्चितेङ घुरितेङ लोका भाइका हि। वा राम्का हिघाहि, कालाउ एला वासेहेङ निङका हि। ओदोङ भाअ्सिङ इम्बालाइ भोजको तियार पालि तेङहि।

लुका 15:32

कालाउ केलाइ झाराङ लेङचाइने कालाउ भोज चाइने हाइपालिपानु नाङको इदोइ ओने सिका भाइका हिघाहि, कालाउ एला वा बान्चितेङ घुरितेङ लोका भाइका हि, वा राम्का हिघाहि, कालाउ एला वासेहेङ निङका हिनाहि।’”

युहन्‍ना 1:16

वाको आनुग्रहको पुर्नतासो केलाइ एनोङ आसिस ह्रुता भेनेङ आसिस निङका हिनाहि।

युहन्‍ना 1:33

का ताइमि दोङ वासेहेङ ख्रिस्ट दोअ्तेङ नाल्का मान्थुघाखा, कालाउ जाइ दोङ कासेहेङ चिता बप्तिस्ता पिलि दोअ्तेङ दिङगिल्हि, वा कासेहेङ दोअ्हि, जेदोङ द्‍याङ ह्रुता नाअ् पबित्तरो आत्मा खुकाताङ पाका कालाउ न्होतेङ हिका तिनाना, वा दोङ पबित्तरो आत्माहोइ बप्तिस्ता प्यावा।

युहन्‍ना 20:22

कालाउ इदोइ दोअ्तेङ येसु इम्बालाइ ह्रुता ताइको हुसि सितेङ दोअ्हि, पबित्तरो आत्मा ह्रुसु।

युहन्‍ना 3:34

हाइपालिपानु जाइहेङ परमेस्वर दिङगिल्हि, वा दोङ परमेस्वरको काथा धुइखे, हाइपालिपानु वासेहेङ परमेस्वर पबित्तरो आत्मा भरि पुर्न पिका हि।

साल्न्हाका चात्या 2:33

ओदोङ भाअ्सिङ वा स्वर्गता परमेस्वरको दाम्पाहा खुरता तोलिन्हाहि। कालाउ परमेस्वर वासेहेङ पबित्तरो आत्मा कालाउ आबासो जेदोङ वा प्याङका दोअ्तेङ बाचा पाका हिघाखे। कालाउ वा इङको पबित्तरो आत्मा हुपिहि, जेदोङ नेलाइ एला तिङस्वाना कालाउ हिङस्वाना।

एफिसि 2:1

नेलाइ येसुता खाङधुरि पालि खान्तेङ लाम्फा आत्माता सिका हिघासुखेना, कालाउ नेलाइ दोफा परमेस्वरसो निङका जिबन मान्थुघाखे, हाइपालिपानु नेलाइ पाप पासुना कालाउ परमेस्वरको आग्या माकिसुन्हा।

एफिसि 2:5

जेलाउ केलाइ आत्माता सिका हिघान्हाहि, केलाइको ख्रिस्टको दोफाको सम्बन्धको कारन वा केलाइहेङ आनान्त जिबन निङलि योग्य बानाइहि, कालाउ परमेस्वरको आनुग्रहसो नेलाइ मुक्ति निङका हिसुन्हा।

कलस्सि 2:13

नेलाइ खाङधुरि पाका खान्तेङ लाम्फा आत्माता सिका हिघासुन्हा, हाइपालिपानु नेलाइ ताइको आपाराध कालाउ ताइको पापमय स्वभाबसो स्वतन्तरो जेङका मान्थु घासुन्हा, कालाउ परमेस्वर केलाइको गोताङ आपाराध स्यामा पापिहि कालाउ ख्रिस्ट दोफाङ सिन्हु पाहि।

1तिमोथि 5:6

कालाउ जेसापा के सिका बेबाल सुख बिलासता हिखे पानुते वा सिन्हु पाङ आत्माता सिका हि।

याकुब 2:26

जेसाङ जिउ आत्मासो खेङन्हाखे वा सिका हिखे, ओसाङ खाङधुरि बुङ आसल काम बिना सिका भाइका हिखे।

1पतरुस 1:11

ख्रिस्टको आत्मा परमेस्वरको बक्तागेलाइ ह्रुता हिघाहि कालाउ इम्बालाहेङ ख्रिस्टको कस्टगेलाइ कालाउ इङको दुखगेलाइ न्हुसो निङका महिमाको बारेता लाम्फाङ दोअ्का हिघाहि। जेदोङ इङको दुख कस्टगेलाइ न्हुसो ल्वाङ, दोअ्काताङ हिघाहि।

यहुदा 1:12

जेसाङ समुन्द्रता म्होन्हाका उन्ठुइ जाहाजको भाअ्सिङ खातारा हिखे, इदोङ द्‍याङगेलाइ प्रेमको भोजता नेलाइको भाअ्सिङ थिलि गोइका हिखे। इम्बालाइ इङको भातियारता लेदेर लुका काम पाहि कालाउ बुङ इम्बालाइ माथिखे माकुनु ताइको लेदेर लुका कामता मालेदेरखे। इम्बालाइ ताइको खिनिङ सामाराइका लाखुरिगेलाइ भाइका हि, इम्बालाइ आरु द्‍याङगेलाहेङ मासाघाइखे। इम्बालाइ सेङका भोनोइ ह्रुता भेरमाहोइ उराइपातेङ हिका चि मापिका बादेल भाइका खिनिङ हि। इम्बालाइ हेन्जा प्रतिग्या पाखे, कालाउ हाइ दोङ मापिखे। इम्बालाइ सेका बेलाको इङको सिङसोङ भाइका हि, जाइता हिदोइ बुङ फल माजेङखे कालाउ जारिसोङ उन्हाका हिखे, इङको दोअ्का इम्बालाइ झाराङ सिलि दोका हि।

प्रकास 1:11

इङको गालाहोइ एसा दोअ्हि, “नाअ् जेदोङ तिङखेना इङको एनोङ कितापता लेखे, कालाउ इङकोहेङ न्हि लोङ दोङ मन्डलिगेलाइहेङ दिङगिल्सु, जेदोङ चाहि एफिसस सहर, स्मुरना सहर, परगाम सहर, थिआटिरा सहर, सार्दिस सहर, फिलाडेलफिया सहर कालाउ लाउडिकिया सहर हि।”

प्रकास 1:16

वाको ताइको दाम्पाहा खुरहोइ न्हि लोङ फुरुगेलाइ रिम्तेङ ताअ्का हिघाहि, कालाउ वाको नुइसो न्हे धार हिका चुका कात्ति ओल्लेका हिघाहि। वाको ह्राइ थाअ्साइतेङ जोल्तेङ हिघाहि जेसाङ आधा दिनाता सोना चिल्कातेङ हिघाहि।

प्रकास 1:20

एला का काङको दाम्पाहा खुरता न्हि लोङ फुरुगेलाइको माने हाइ वाला कालाउ न्हि लोङ सोनाको चेरादानिगेलाइको माने हाइ हि दोअ्ताङका जेदोङ लाम्फा थाहा मान्थुघाहि। याको माने या हि: न्हि लोङ फुरुगेलाइ इङको स्वर्गदुतगेलाइहेङ तिम्पाखे जाइ न्हि लोङ मन्डलिगेलाइहेङ सामाराइखे कालाउ न्हि लोङ चेरादानिको न्हि लोङ मन्डलिगेलाइहेङ तिम्पाखे।”

प्रकास 1:4

इदोइ पात्तारा का युहान्‍ना एसिया प्रदेसको न्हि लोङ मन्डलिको खान्धुराइगेलाइको भाअ्सिङ लेखेदोङखा। का प्रार्थाना पाखा कि परमेस्वर नासेहेङ वाको आनुग्रह कालाउ सान्ति तिङपाको। वा इसिका परमेस्वर हि, जाइ सुरुको सोमोइसोङ एला थेकापा कालाउ जेलाउलाउको भाअ्सिङ परिबतन माजेनाङ, परमेस्वरको सिङहासनको आगाता ह्यावा न्हि लोङ दोङ आत्मासो,

प्रकास 2:13

कासेहेङ थाहा हि, नेलाइको सहर साइतानको कब्जाता हि, कालाउ इङको को बाबजुद बुङ नेलाइ काङको ह्रुता नाङको खाङधुरिहेङ रिम्तेङ ताअ्का हिसुना। कालाउ नेलाइ काङको सिक्स्याहेङ लाअ्का मान्थु सुन्हा। इङको बेला बुङ नेलाइ का ह्रुता खाङधुरि पालि मालासुन्हा जेलाउ हेन्जा लाम्फा एन्टिपास सेअ्न्हाहि। वा काङको सन्‍देस प्राचार पालि खाङधुरि योग्य हिघाहि, कालाउ बुङ वा नेलाइको सहरता सेअ्नाहि जेदोङ साइतानको कब्जाता हि।

प्रकास 2:19

कासेहेङ नेलाइको काम थाहा हि कि, नाअ् एमिसो भेनेङहेङ प्रेम पाखेना, नाअ् काङकोता ओसारापाङ भोरोसा ताअ्खेना। कालाउ कासेहेङ थाहा हि कि, नाअ् एमिसो भेनेङहेङ हेसा साघाइका हिना, कालाउ नाङको धैर्यको स्यमता। कालाउ का गिखा कि, नेलाइ एला बुङ लाम्फाङ खान्तेङ आसल कामगेलाइ पासुखेना, जेलाउ नाअ् का ह्रुता लाम्फा खाङधुरि पाका हिघाखेना।

प्रकास 2:2

कासेहेङ नेलाइको काम थाहा हि कि, हेसा नाअ् कथिन परिस्रोम पाखेना कालाउ हारेस माचाखेना। कालाउ कासेहेङ थाहा हि कि नेलाइ दुस्ट द्‍याङगेलाइहेङ सुइकार मापा सुखेना। नाअ् उङको द्‍याङगेलाइहेङ जाचिन्हा, जाइ छाल्न्हाका चात्या दोङ दोअ्तेङ धाताइका दाबि पाहि, कालाउ बास्तबता माको, कालाउ नाअ् फेला पान्हा कि इम्बालाइ धाताइका हिघाहि।

प्रकास 2:9

कासेहेङ थाहा हि कि, नासेहेङ साताइका हि कालाउ नाअ् गरिब हिना। कालाउ आत्मिक काथाता ना बास्ताबिक धनि हिना। का इम्बालाइको बारेता गिखा जाइ दाबि पाखे कि इम्बालाइ परमेस्वरको चुनिका यहुदिगेलाइ हि। इम्बालाइ नेलाइको बारेता निन्दाको काथागेलाइ दोअ्खे, कालाउ इम्बालाइ बास्ताबता एनोङ समुहको सदस्यगेलाइ दोङ हि, जेदोङ साइतानको हि।

प्रकास 3:15

कासेहेङ नेलाइको कामगेलाइ थाहा हि कि, ना ते नाअ् खाङधुरिहेङ इन्कार पादोङखेना ना ते कासेहेङ गोताङ ह्रदयहोइ प्रेम पाखेना। का भोखा कि, याते नाअ् कासेहेङ इन्कार पाअ्‌ याते गोताङ ह्रदयहोइ कासेहेङ प्रेम पाअ्‌।

प्रकास 3:2

ओदोङ भाअ्सिङ, जागितेङ हिसु। काङकोता नाङको खाङधुरिहेङ बलियो पासु जेलाउ थेकापा नाङको आधे खाङधुरि बाकि हि, कालाउकि या गोताङ पुर्न रुपता मान्हाङ। का गिखा कि नेलाइ सिद्द मान्थु सुन्हा, हाइपालिपानु नाअ् जेदोङ पादोङखेना इङकोसो परमेस्वर खुसि मान्थु।

प्रकास 3:8

कासेहेङ नेलाइको कामगेलाइ थाहा हि। का गिखा कि नेलाइ खाङधुरिता हेन्जा बल्लियाका मान्थु सुन्हा। कालाउ जेदोङ का नेलाइहेङ दोअ्घा नेलाइ इङको केम्सुन्हा। कालाउ नेलाइ काङकोता खाङधुरि पातेङ हिसुना। ओदोङ भाअ्सिङ का नाङको भाअ्सिङ फिनु हेअ्का हिघा जेदोङहेङ हासु बुङ गि:लि माद्वाङ।

प्रकास 4:5

इङको सिङहासनसो बिजुलिगेलाइ चिलकातेङ हिघाहि, कालाउ बादेलसो गड्याङ-गुडुङको गालागेलाइ ओल्लेतेङ लोघाहि। कालाउ इङको सिङहासनको आगाता न्हि लोङ चेरादानिगेलाइ जोल्तेङ हिघाहि, जेदोङ परमेस्वरको न्हि लोङ आत्मागेलाइ हि।

प्रकास 5:6

जेलाउ का सिङहासनको भेर्पा एनोङ थुमाहेङ द्‍यालोङ हुसि हिका प्रानिगेलाइ कालाउ ए कुरि द्‍यामि आगुवागेलाइको माझाता जाअ्तेङ हिका तिङघा। थुमाको जिउता भोगको चिन्हागेलाइ हिघाहि। वाको न्हि लोङ दाङगेलाइ कालाउ न्हि लोङ मिसियाँगेलाइ हिघाहि, जेदोङ परमेस्वरको न्हि लोङ आत्मागेलाइ हि, जाइहेङ गोताङ प्रिथिबिता पिगिल्का हिघाहि।