प्रकास 22:7 - Dhimal NT

⁷ येसु दोअ्खे, “हिङसु, का धेमाङ लोदोङखा। इङको द्‍याङगेलाइ धन्य हि जाइ इदोइ कितापता लेखेका आगमबानिको काथाहेङ केम्खे।”

प्रकास 22:7 Iomraidhean Croise

प्रकास 1:11

इङको गालाहोइ एसा दोअ्हि, “नाअ् जेदोङ तिङखेना इङको एनोङ कितापता लेखे, कालाउ इङकोहेङ न्हि लोङ दोङ मन्डलिगेलाइहेङ दिङगिल्सु, जेदोङ चाहि एफिसस सहर, स्मुरना सहर, परगाम सहर, थिआटिरा सहर, सार्दिस सहर, फिलाडेलफिया सहर कालाउ लाउडिकिया सहर हि।”

प्रकास 1:3

इदोइ आगमबानि पढेका झाराङहेङ परमेस्वर आसिस पिखे, कालाउ हिङका कालाउ केम्का झाराङहेङ आसिस पिखे। हाइपालिपानु इदोइ आमेनेगेलाइ धेमाङ जेनाङ।

प्रकास 16:15

भुत-आत्मा सासन पाका द्‍याङगेलाहेङ कालाउ इम्बालाइको सेनागेलाइहेङ ए थामेता जोम्पाहि। इङको थामेको मिङ हिब्रु भासाता आरमागाडोन दोअ्खे। ओदोङ भाअ्सिङ, प्रभु येसु दोअ्हि, “इदोइ काथा हिङसु, काङको लोलि खाङका एमि चोर लोका भाइपाङ आचानाक जेनाङ। उङको द्‍याङ धन्य हि जाइ काङको लोका बेलाता नाङघातेङ हिखे, कालाउ वाको धाबा लोखोनगेलाइ तियार पाखे। कालाउ इम्बालाइ नाङघाङ माज्याङ कालाउ जेसापा वाको हेन्जा द्‍याङगेलाइको माझाता बाहार हानिलाउ बुङ, इम्बालाइहेङ लेदेर पाका हिदोइ बुङ दोङ काथा माजेनाङ।”

प्रकास 2:16

ओदोङ भाअ्सिङ पाप पालि लाअ्सु परमेस्वर भारि घुरिसु, जेसापा नेलाइ इङको पालि मालाअ्सुन्हा पानु, का धेमाङ ल्वाङका कालाउ इङको धाताइका सिक्स्या पिकालाइको बिरोधता का काङको नुइसो ओल्लेका कात्तिहोइ जुदियाङका जेदोङ काङको बचन हि।

प्रकास 22:12

आरोङ प्रभु येसु दोअ्हि, “का धेमाङ लोदोङखा। गोताङ द्‍याङगेलाइ जेदोङ पाहि इङको को आन्सार वासेहेङ इनाम माकुनु दन्ड पिलिको भाअ्सिङ, का ल्वाङका।

प्रकास 22:18

का युहान्‍ना, का गोताङ द्‍याङगेलाइहेङ चेताउनि पिदोङखा जाइ एला जेङतेङ हिका काथागेलाइ कालाउ भबिस्यता जेङका काथागेलाइको सन्‍देस हिङखे। या काथगेलाइ का इदोइ कितापता लेखेका हिघा। जेसापा हासु बुङ इदोइ सन्देसता हिदोइ बुङ थपिनु, परमेस्वर नाङको साजाइता थोपिप्याङ। जेदोङ का इदोइ कितापता बिपतिगेलाइको बारेता लेखेका हिघा, वाको दोफा परमेस्वर नेलाइहेङ साजाइ प्याङ।

प्रकास 22:19

जेसापा नाअ् इदोइ कितापता लेखेका हिदोइ बुङ आगमबानिको सन्‍देस ओल्ला पानु, परमेस्वर नासेहेङ बुङ इदोइ कितापता लेखेका आसिसगेलाइ माप्याङ। ओदोङ भाअ्सिङ, परमेस्वर नासेहेङ जिबन पिका सिङको फल चाअ्का खाबारा कालाउ पबित्तरो सहरता जियाइका खाबारा माप्याङ।

प्रकास 22:20

इदोइ कितापता लेखेका काथागेलाइको साक्सि येसु दोङ हि। वा दोअ्हि, “निस्चय, का धेमाङ लोदोङखा।” का, युहान्‍ना वासेहेङ जोबाफ पिघा, “आमेन! प्रभु येसु लौउ।”

प्रकास 22:21

केलाइको प्रभु येसु ख्रिस्टको आनुग्रह परमेस्वरको गोताङ द्‍याङगेलाइ दोफा ह्याको। आमेन!

प्रकास 3:11

का धेमाङ लोदोङखा, कालाउ नाअ् बल्लियाका खाङधुरि ताअ्तेङ ताअ्लि गोइयाना, कालाउकि हासु बुङ नाङको बिजोइको इनाम घिङलि माद्वाको।

प्रकास 3:3

नाअ् लाम्फा हिङका कालाउ खाङधुरि पाका सिक्स्याहेङ फोम पाअ्‌, नाअ् जेदोङ धिरपाका हिघाखेना इङको को आनुसरन पाअ्‌, पाप पालि लाअ् कालाउ परमेस्वर भारि घुरे। जेसापा नेलाइ मारेम्का काम पालि मालाअ्सुन्हा पानु, नाअ् इङको सोमोइ थाहा मानिनाना जेलाउ का नासेहेङ साजाइ पिलि ल्वाङका, हाइपालिपानु का चोर भाइपा आचानाक ल्वाङका।