प्रकास 22:6 - Dhimal NT

⁶ इङको न्हुसो, स्वर्गदुत कासेहेङ दोअ्हि, “इदोइ गोताङ काथा जेदोङ नासेहेङ दोअ्का हि या सत्ये हि कालाउ भोरोसा पालि योग्य हि। हाइपालिपानु परमप्रभु परमेस्वर जाइ ताइको आत्मा गोताङ बक्तागेलाइहेङ पिहि, वा दोङ जाइ ताइको स्वर्गदुतहेङ आदेस पिहि कि वा इता लोतेङ कालाउ ताइको सेवाकगेलाइको इङको काथा तिङपाको जेदोङ धेमाङ पुरा जेनाङ।”

प्रकास 22:6 Iomraidhean Croise

मत्‍ति 13:41

इङको दिना का द्‍याङको चान ताइको स्वर्गदुतगेलाइहेङ दिङगिल्लाङका, कालाउ इम्बालाइ वाको सासन भरिको दुस्ट काम पाका कालाउ पाप पालि लागाइका झाराङहेङ लाअ्पावा।

लुका 1:70

हेन्जाङ लाम्फा परमेस्वर ताइको पबित्तरो बक्तागेलाइ पाहासो दोअ्हि,

लुका 16:16

जेलाउ थेकापा बप्तिस्ता पिका युहान्‍ना मालोहि, इङको बेला मोसाको व्यवस्था कालाउ परमेस्वरको बक्तागेलाइको सिक्स्याहोइ नेलाइहेङ आगुवाइ पाघाखे। कालाउ एला परमेस्वरको सासनको खुसिको बानाल प्राचार जेङदोङखे, कालाउ झाराङ द्‍याङगेलाइ लिता हानिलि उत्सुकता हि।

साल्न्हाका चात्या 12:11

जेलाउ पतरुस हाइ जेङका हिघाहि दोअ्का थाहा निङहि, कालाउ वा दोअ्हि, “एला कासेहेङ जातिङकोङ थाहा जेङहि, कि प्रभु ताइको स्वर्गदुत दिङगिल्तेङ राजा हेरोदको खाबारासो, कालाउ यहुदि आगुवागेलाइ जेदोङ पालि चाहिखे इङको गोताङसो कासेहेङ लाअ्पाहि।”

साल्न्हाका चात्या 3:18

कालाउ ख्रिस्ट दुख भोगिलि कालाउ सेअ्न्हालि गोयाङ दोअ्तेङ गोताङ परमेस्वरको बक्तापाहासो हेन्जा लाम्फा दोअ्लि दोअ्का हिघाहि। एसापा परमेस्वर आगमबानि पुरा पाहि।

रोमि 1:2

जेदोङ सुसमाचार परमेस्वर हेन्जाङ लाम्फा ताइको बक्तागेलाइसो पबित्तरो धर्मसास्तरता प्रतिग्या पाका हिघाहि।

1 कोरिन्थि 14:32

परमेस्वरको बक्तागेलाइ जाइ परमेस्वर पाहासो बचन दोअ्खे वा हिदोइ बेला धुइलि गोइखे माकुनु माधुइलि गोइखे दोअ्तेङ ताइमिहेङ काबुता ताअ्लि दोखे।

1 कोरिन्थि 7:29

खान्धुराइ ओनेगेलाइ, काङको दोअ्लि खाङका काथा या दोङ हि, कि इदोइ सुमिङता केलाइ दोफा हेन्जा सोमोइ मान्थु, ओदोङ भाअ्सिङ बे हि या मान्थु दोअ्तेङ चिन्ता मापासु, भरु प्रभुको सेवा हेसा पालि दोअ्खे दोअ्तेङ इङको बिसोइता सोचिसु।

2 थेस्लोनिकि 1:7

कालाउ नेलाइ दुख निङचाकालाइहेङ केलाइ दोफाङ लाअ्पावा। इसिका एन्सालाउ जेनावा जेलाउ प्रभु येसु ताइको सरबुङसाइका स्वर्गदुतगेलाइ दोफा तिका मेहोइ खोराइतेङ स्वर्गसो ल्वावा।

हिब्रु 12:9

कालाउ केलाइको जिउको आबागेलाइ बुङ केलाइहेङ साजाइ पिहि, कालाउ केलाइ वाको आदार पान्हाहि। कालाउ केलाइ केलाइको स्वर्गिय आबाको झन हेथे हेन्जा आदार पालि गोइखे कालाउकि वा दोङ सुधार पाका बेला वासेहेङ हिङतेङ जेलाउलाउ बुङ को भाअ्सिङ सिन्हुतेङ हिलि द्वाइने।

२ पत्‍रुस 1:21

हाइपालिपानु बक्तागेलाइ ताइमिङ हेलाउ बुङ हाइ दोङ माधुइहि, हाइपालिपानु आरु हासु बुङ नेलाइको नुइ धुइका चाहिघाखे। भरु पबित्तरो आत्मा नेलाइको बिचारहेङ काबुता ताअ्हि कालाउ इम्बालाइहेङ वा गोइका परमेस्वरको बचन धुइका बानाइहि।

२ पत्‍रुस 3:2

का एसा पाखा, हाइपालिपानु परमेस्वरको पबित्तरो बक्तागेलाइ हेन्जा सोमोइ लाम्फा धुइका बचन कालाउ केलाइको प्रभु येसु ख्रिस्ट, केलाइको मुक्ति दाताको सिक्स्याहेङ नेलाइ फोम पासुना दोअ्का का चाहिखा, जेदोङ नेलाइकोता लोका साल्न्हाका चात्यागेलाइ नेलाइहेङ धिरपाका हिघाहि।

प्रकास 1:1

परमेस्वर येसु ख्रिस्टहेङ इङको म्होन्हाका काथा तिङपाहि, जेदोङ धेमाङ जेनाङ, कालाउकि वा ताइको सेवकगेलाइहेङ इदोइ काथागेलाइ देखाल पालि द्वाको। कालाउ न्हुसो येसु ताइको सेवक युहान्नाहेङ इदोइ काथागेलाइ तिङपालिको भाअ्सिङ ताइको स्वर्गदुत दिङगिल्हि।

प्रकास 18:20

नेलाइ झाराङ जाइ स्वर्गता हिसुखेना, परमेस्वरको गोताङ द्‍याङगेलाइ, छाल्न्हाका चात्यागेलाइ, कालाउ परमेस्वरको बक्तागेलाइ, नेलाइ बेबिलोन सहरता जेदोङ जेङहि इङको भाअ्सिङ झाराङ हेन्जा खुसि मानाइसु। हाइपालिपानु परमेस्वर बेबिलोन सहरहेङ साजाइ प्याङ जेदोङ दुस्ट काम नेलाइ दोफा पाहि।”

प्रकास 19:9

कालाउ इङको स्वर्गदुत कासेहेङ दोअ्हि, “इदोइ काथाहेङ लेखे: थुमाको बिहुको भातियार मानिलिको भाअ्सिङ, जेदोङ द्‍याङगेलाइ नेउता निङहि इम्बालाइ धन्यको हि।” वा आरोङ कासेहेङ दोअ्हि, “इदोइ सत्ये बचन परमेस्वर दोअ्हि।”

प्रकास 21:5

कालाउ सिङहासनता बिराजमान हिका कासेहेङ दोअ्हि, “एला का गोताङ नावा बानाइदोङखा।” वा एसा बुङ कासेहेङ दोअ्हि, “इदोइ काथा लेखे। जेदोङ काथा का नासेहेङ दोअ्दोङखा इङको सत्ये कालाउ भोरोसा पालि योग्य हि।”

प्रकास 21:9

कालाउ आरोङ न्हि लोङ स्वर्गदुतगेलाइ ताइको न्हि लोङ जाम बात्तिसो पोङघातेङ हिका न्हि लोङ आम्तिम बिपति द्‍याङ जाति ह्रुता हुपिहि, इङको मध्येसो एमि स्वर्गदुत कासेहेङ दोअ्हि, “का दाराहेङ तिङपाङका जाइ धेमाङ थुमा दोफा बिहु पाङ।”

प्रकास 22:1

आरोङ स्वर्गदुत कासेहेङ जिबन पिका चि हिका एनोङ झोरा तिङपाहि। इङको चि झाला-झालाका सिसा भाइका चिल्कातेङ हिघाहि। इङको परमेस्वर कालाउ थुमाको सिङहासनसो झोतेङ हिघाहि।

प्रकास 22:16

“का येसु दोङ हिघा, कालाउ का काङको स्वर्गदुत इदोइ भाअ्सिङ दिङगिल्घा कि वा नेलाइ मन्डलिको झाराङ द्‍याङगेलाइहेङ इदोइ गोताङ काथागेलाइ दोअ्लि द्वाको। का राजा दाउदको हारागुटियासो हिघा, का वाआङ हिघा जाइ फुरु भाइका हि जेदोङ ह्रिमाको सान्हे लोलाउ देखाल जेङखे।”

प्रकास 22:7

येसु दोअ्खे, “हिङसु, का धेमाङ लोदोङखा। इङको द्‍याङगेलाइ धन्य हि जाइ इदोइ कितापता लेखेका आगमबानिको काथाहेङ केम्खे।”

प्रकास 4:1

इदोइ गोताङ घाटानागेलाइ जेङलि दोअ्तेङ न्हुसो, का युहान्‍ना तिङघा कि स्वर्गता एनोङ फिनु हेअ्न्हाका हिघाहि, कालाउ इन्ता का दोफा हासु बुङ नुइ धुइतेङ हिघाहि कालाउ जाइ नुइ धुइघाहि वाको गाला का लाम्फा हिङका हिघाखा, जाइको गाला सानाइको गाला भाइका हिघाहि। कालाउ वा कासेहेङ दोअ्हि: “इता ह्रुता लौउ, कालाउ एला न्हुसो जेदोङ काथागेलाइ जेङलि गोइखे का इङको नासेहेङ तिङपाङका।”