प्रकास 22:4 - Dhimal NT

⁴ इम्बालाइ परमेस्वरहेङ ताइको आगा-आगाता तिनावा, कालाउ वाको मिङ इम्बालाइको कापालता लेखेका ह्यावा।

प्रकास 22:4 Iomraidhean Croise

मत्‍ति 5:8

धन्य मनता सुद्द हिकालाइ, हाइपालिपानु इम्बालाइ परमेस्वरहेङ तिनावा।

युहन्‍ना 12:26

हासु बुङ काङको सेवा पाखे पानु, का दोफा लोसु कालाउ काङको चात्या जेङसु। कालाउ का जेता ह्याङका, इन्ताङ काङको सेवक ह्यावा। हासु बुङ काङको सेवा पाहे पानु काङको आबा वाको आदार पावा।

युहन्‍ना 17:24

हे आबा का मन पाखा कि नाअ् कासेहेङ पिका द्‍याङगेलाइ का जेता हिघा काङको दोफा ह्याको, कालाउ नाङको पिका महिमा इम्बालाइ तिङलि द्वाको। जेदोङ महिमा नाअ् दोङ सुमिङ सिर्जाइनालि खान्तेङ लाम्फा कासेहेङ प्रेम पाकानाङ नाअ् कासेहेङ पिका हिघाखेना।

1 कोरिन्थि 13:12

केलाइ खाङधुरि पाकालाइ दोफा बुङ इन्सिकाङ जेनाङ, हाइपालिपानु केलाइ नाका आइनाता ताइको ह्राइ खाङका द्‍याङ भाइपा हिनाहि, हाइपालिपानु केलाइ आझाइ गोताङ काथा रेम्फासो मागिनाखे। भबिस्यता खिनिङ गोताङ काथा ग्याङ, हाइपालिपानु केलाइ परमेस्वरहेङ आगा-आगाताङ भेतियाङ। एला काङको ग्यान पुरा मान्थु भबिस्यता खिनिङ का पुर्न रुपता वासेहेङ नालाङका, जेसाङ परमेस्वर कासेहेङ नालावा।

हिब्रु 12:14

झाराङ द्‍याङगेलाइ दोफा सान्तिता हिलि कालाउ पबित्तरो जिबन जियाइतेङ हिका कोसिस पासु, पबित्तरो बिना हिदोइ बुङ द्‍याङगेलाइ प्रभुहेङ तिङलि माद्वावा।

प्रकास 14:1

कालाउ न्हुसो का आरोङ स्वर्गदुतहेङ थुमाको सियोनको तिकारता जाअ्तेङ हिका तिङघा। वाको दोफाङ वाको ए लाख न्हे कुरि द्‍या हाजार द्‍याङगेलाइ हिघाहि। इम्बालाइको कापालता थुमाको कालाउ वाको आबाको मिङ लेखेका हिघाहि।

प्रकास 3:12

जाइ दुस्टको सरबुङहेङ हारिपाखे, इङको द्‍याङगेलाइ परमेस्वरको मुन्दिरको खाम्बा भाइपाङ हिखे, जाइको का सेवा पाङका कालाउ इम्बालाइ बुङ जेलाउलाउको भाअ्सिङ परमेस्वरको मुन्दिरता ह्याङ। का इम्बालाइको जिउता काङको परमेस्वरको मिङ कालाउ काङको परमेस्वरको सहरको मिङ लेख्याङका, जेदोङ चाहि नावा यरुसेलेम हि। इङको सहर काङको परमेस्वरको स्वर्गसो लेता ल्वाङ। कालाउ काङको परमेस्वरसो का इम्बालाइको जिउता काङको नावा मिङ बुङ लेख्याङका।

प्रकास 7:3

“केलाइ केलाइको परमेस्वरको बान्धाइतिगेलाइको कापालता मोहोर मालागाइपा धाउ माहामारि वासेहेङ हान्ति मापाको, इङको सोमोइसो प्रिथिबि, समुन्द्र माकुनु सिङगेलाइहेङ हाइ दोङ मानासापा।”