प्रकास 22:2 - Dhimal NT

² इङको झोरा परमेस्वर थुमाको सिङहासनको लितासो बाहार झोघाहि, कालाउ सहरको फाराका सडकको माझासो पातेङ झोघाहि। झोराको न्हेपाहाङ जिबन पिका सिङगेलाइ लागाइका हिघाहि, जेदोङ ए-बासारता तेन्हे खेप फल सेपाखे, कालाउकि गोताङ माइना किपाङ एखे। सुमिङता हिका द्‍याङगेलाइ इङको सिङगेलाइको ल्हाफागेलाइ ताइको मिसागेलाइ एल्पालिको भाअ्सिङ लागाइघाखे।

प्रकास 22:2 Iomraidhean Croise

लुका 4:18

प्रभुको आत्मा काङको ह्रुता हि, हाइपालिपानु गरिबगेलाइहेङ प्राचार पालिको भाअ्सिङ कासेहेङ आबिसेक पाका हि। कैदिगेलाइहेङ लाअ्पालिको भाअ्सिङ, कालाउ कान्हाँगेलाइहेङ तिङपालि दोपालि, हेन्जाङ आत्याचारता परिकालाइहेङ लाअ्पालिको भाअ्सिङ,

1पतरुस 2:24

जेलाउ ख्रिस्ट सिहि, वा क्रुस्टता केलाइको पापको भाअ्सिङ ताइको जिउता दन्ड भोगिहि। वा इसिका पाहि कालाउकि केलाइ पाप पालि लाअ्तेङ धर्मि जेङजेङ जिबन जियाइलि तेङलि द्वाइने। कालाउ वा सहिका चोटगेलाइ पाहासो केलाइ एल्का हिनाहि।

प्रकास 2:7

जाइ काङको या काथा हिङदोङखे, वा इङको काथाहेङ ध्यान पितेङ हिनाको, परमेस्वरको आत्मा मन्डलिगेलाइहेङ हाइ दोअ्खे। दुस्टको सरबुङहेङ हारिपाका द्‍याङगेलाइहेङ का इङको सिङसो फल चाअ्का आनुमति प्याङका, जेदोङ सिङ जिबन पिखे, जेदोङ परमेस्वरको स्वर्गको बागाइचाता हि।

प्रकास 21:21

इङको तेन्हे फिनुगेलाइ बुङ गोताङ एनोङ-एनोङ मोतिहोइ बानाइका हिघाहि। सहरको मिङ चलिका गल्लिगेलाइ निखुर सोनाहोइ बानाइका हिघाहि जेदोङ सिसा भाइपाङ चिल्काका हिघाहि।

प्रकास 21:24

इङको सहरको थाअ्साइकाहोइ प्रिथिबिता हिका गोताङ द्‍याङगेलाइहेङ फाइसालामका पिखे कालाउ सुमिङको गोताङ राजागेलाइ ताइको धन-सम्पति इङको सहरता चुमावा।

प्रकास 22:1

आरोङ स्वर्गदुत कासेहेङ जिबन पिका चि हिका एनोङ झोरा तिङपाहि। इङको चि झाला-झालाका सिसा भाइका चिल्कातेङ हिघाहि। इङको परमेस्वर कालाउ थुमाको सिङहासनसो झोतेङ हिघाहि।

प्रकास 22:14

धन्य हि इम्बालाइ जाइ ताइको धाबा थुमाको हितिहोइ झाहि, हाइपालिपानु इम्बालाइहेङ फिनुगेलाइसो दुल्तेङ सहर हानिलिको भाअ्सिङ कालाउ जिबन पिका सिङको फल चाअ्लि खाबारा प्यावा।

प्रकास 22:19

जेसापा नाअ् इदोइ कितापता लेखेका हिदोइ बुङ आगमबानिको सन्‍देस ओल्ला पानु, परमेस्वर नासेहेङ बुङ इदोइ कितापता लेखेका आसिसगेलाइ माप्याङ। ओदोङ भाअ्सिङ, परमेस्वर नासेहेङ जिबन पिका सिङको फल चाअ्का खाबारा कालाउ पबित्तरो सहरता जियाइका खाबारा माप्याङ।