प्रकास 22:16 - Dhimal NT

¹⁶ “का येसु दोङ हिघा, कालाउ का काङको स्वर्गदुत इदोइ भाअ्सिङ दिङगिल्घा कि वा नेलाइ मन्डलिको झाराङ द्‍याङगेलाइहेङ इदोइ गोताङ काथागेलाइ दोअ्लि द्वाको। का राजा दाउदको हारागुटियासो हिघा, का वाआङ हिघा जाइ फुरु भाइका हि जेदोङ ह्रिमाको सान्हे लोलाउ देखाल जेङखे।”

प्रकास 22:16 Iomraidhean Croise

मत्‍ति 1:1

येसु ख्रिस्ट आब्राहाम कालाउ राजा दाउदको हारागुटियासो हिघाहि। इता येसु ख्रिस्टको पुर्खागेलाइको मिङको सुचि पिका हि:

मत्‍ति 2:2

“उङको जामाल हिसो हि, जेदोङ यहुदिगेलाइको राजा जेङलिको भाअ्सिङ जोलोम जेङका हि? हाइपालिपानु केलाइ वाको जोलोमको बिसोइता थाहा गिपाका फुरुहेङ नुहे भारि तिङन्हाहि कालाउ केलाइ वासेहेङ तुघुरतेङ आराधाना पालि लोका हिन्हाहि।

मत्‍ति 22:42

ख्रिस्टको बिसोइता नेलाइको हाइ बिचार हि कुनु? वा हासुको चान कुनु? कालाउ फारिसिगेलाइ दोअ्हि, ख्रिस्ट राजा दाउदको चान?

मत्‍ति 22:45

राजा दाउद ख्रिस्टहेङ प्रभु दोअ्खे पानु, एन्सा पानु हेसा वा राजा दाउदको चान जेङहि?”

लुका 1:78

हाइपालिपानु केलाइको परमेस्वर क्रिपालु कालाउ मायारु हि। ओदोङ भाअ्सिङ जेसाङ बेला केलाइहेङ सान्हे पिलि चिल्कातावा, एन्साङ पातेङ ख्रिस्ट बुङ केलाइको माझाता स्वर्गसो ल्वाङ।

लुका 20:44

जेलाउ राजा दाउद ताइमि दोङ वासेहेङ प्रभु, ख्रिस्ट दोअ्खे, कुनु वा हेसापा राजा दाउदको चान जेङहि?

रोमि 15:12

कालाउ आरोङ यासाइया परमेस्वरको बक्ता धर्मसास्तरता एसापा लेखेका हि, “यिसैको हारागुटियासो एमि ल्वाङ, वा गैर-यहुदिगेलाइ ह्रुता सासन पावा, कालाउ वाको ह्रुता गैर-यहुदिगेलाइ ताइको आस ताअ्तावा।”

रोमि 9:5

आब्राहाम, इसाहाक कालाउ याकुब इम्बालाइको पुर्खागेलाइ दोङ हि, कालाउ ख्रिस्ट बुङ जिउ आन्सार इम्बालाइकोङ हारागुटिया पाहासो हि। परमेस्वर जाइ झाराङ ह्रुता सासन पाखे, वाको बाखानाइ जेलाउलाउको भाअ्सिङ ज्याको। आमेन।

२ पत्‍रुस 1:19

ओदोङ भाअ्सिङ केलाइ परमेस्वरको बक्तागेलाइ पाहासो लेखेका धर्मसास्तरता आझाइ भरोसा ताअ्नाखे। जेसापा नेलाइ या सन्देसता ध्यान पिसुना पानु नेलाइ रेम्का काम पासुखेना, हाइपालिपानु इदोइ ह्रिमा माजेङपा भरि कितिकितिकाता जोल्तेङ हिका गेसा भाइपा का दोङ हिघा कालाउ ह्रिमाको झेङका होइ सुमिङता थाअ्साइका चुमाका भाइपाङ ख्रिस्टको थाअ्साइका नेलाइको ह्रदयगेलाइता जोलावा।

प्रकास 1:1

परमेस्वर येसु ख्रिस्टहेङ इङको म्होन्हाका काथा तिङपाहि, जेदोङ धेमाङ जेनाङ, कालाउकि वा ताइको सेवकगेलाइहेङ इदोइ काथागेलाइ देखाल पालि द्वाको। कालाउ न्हुसो येसु ताइको सेवक युहान्नाहेङ इदोइ काथागेलाइ तिङपालिको भाअ्सिङ ताइको स्वर्गदुत दिङगिल्हि।

प्रकास 1:11

इङको गालाहोइ एसा दोअ्हि, “नाअ् जेदोङ तिङखेना इङको एनोङ कितापता लेखे, कालाउ इङकोहेङ न्हि लोङ दोङ मन्डलिगेलाइहेङ दिङगिल्सु, जेदोङ चाहि एफिसस सहर, स्मुरना सहर, परगाम सहर, थिआटिरा सहर, सार्दिस सहर, फिलाडेलफिया सहर कालाउ लाउडिकिया सहर हि।”

प्रकास 1:4

इदोइ पात्तारा का युहान्‍ना एसिया प्रदेसको न्हि लोङ मन्डलिको खान्धुराइगेलाइको भाअ्सिङ लेखेदोङखा। का प्रार्थाना पाखा कि परमेस्वर नासेहेङ वाको आनुग्रह कालाउ सान्ति तिङपाको। वा इसिका परमेस्वर हि, जाइ सुरुको सोमोइसोङ एला थेकापा कालाउ जेलाउलाउको भाअ्सिङ परिबतन माजेनाङ, परमेस्वरको सिङहासनको आगाता ह्यावा न्हि लोङ दोङ आत्मासो,

प्रकास 2:11

जाइ काङको या काथा हिङदोङखे, वा इङको काथाहेङ ध्यान पितेङ हिनाको, परमेस्वरको आत्मा मन्डलिगेलाइहेङ हाइ दोअ्खे। जाइ दुस्टको सरबुङहेङ हारिपाखे, वा दन्ड मानिनाङ, जेदोङ चाहि न्हेतेङ सिका हि।

प्रकास 2:17

जाइ काङको या काथा हिङदोङखे, वा इङको काथाहेङ ध्यान पितेङ हिनाको, परमेस्वरको आत्मा मन्डलिगेलाइहेङ हाइ दोअ्खे। उङको द्‍याङगेलाइहेङ जाइ दुस्टको सरबुङहेङ हारिपावा, का आधे मन्न प्याङका जेदोङ म्होका हिघाहि। का झाराङहेङ एनोङ जे:का उन्ठुइ प्याङका, जेदोङता नावा मिङ लेखेयाङ। इङको मिङ हासुहेङ बुङ थाहा माज्याङ इङको मिङ ह्रुका द्‍याङ बाहेक।

प्रकास 2:7

जाइ काङको या काथा हिङदोङखे, वा इङको काथाहेङ ध्यान पितेङ हिनाको, परमेस्वरको आत्मा मन्डलिगेलाइहेङ हाइ दोअ्खे। दुस्टको सरबुङहेङ हारिपाका द्‍याङगेलाइहेङ का इङको सिङसो फल चाअ्का आनुमति प्याङका, जेदोङ सिङ जिबन पिखे, जेदोङ परमेस्वरको स्वर्गको बागाइचाता हि।

प्रकास 22:1

आरोङ स्वर्गदुत कासेहेङ जिबन पिका चि हिका एनोङ झोरा तिङपाहि। इङको चि झाला-झालाका सिसा भाइका चिल्कातेङ हिघाहि। इङको परमेस्वर कालाउ थुमाको सिङहासनसो झोतेङ हिघाहि।

प्रकास 22:11

जाइ द्‍याङगेलाइ दुस्ट काम पाखे, वा दुस्ट काम पातेङ ह्याको। जेदोङ द्‍याङगेलाइ आसलिल काम पाखे, वा आसलिल काम पातेङ ह्याको। कालाउ जाइ द्‍याङगेलाइ रेम्का पाखे, वा रेम्का काम पातेङ हिलि गोइखे, जाइ झाराङ द्‍याङगेलाइ पबित्तरो हि वा लागातार पबित्तरो ह्याको।”

प्रकास 22:20

इदोइ कितापता लेखेका काथागेलाइको साक्सि येसु दोङ हि। वा दोअ्हि, “निस्चय, का धेमाङ लोदोङखा।” का, युहान्‍ना वासेहेङ जोबाफ पिघा, “आमेन! प्रभु येसु लौउ।”

प्रकास 22:6

इङको न्हुसो, स्वर्गदुत कासेहेङ दोअ्हि, “इदोइ गोताङ काथा जेदोङ नासेहेङ दोअ्का हि या सत्ये हि कालाउ भोरोसा पालि योग्य हि। हाइपालिपानु परमप्रभु परमेस्वर जाइ ताइको आत्मा गोताङ बक्तागेलाइहेङ पिहि, वा दोङ जाइ ताइको स्वर्गदुतहेङ आदेस पिहि कि वा इता लोतेङ कालाउ ताइको सेवाकगेलाइको इङको काथा तिङपाको जेदोङ धेमाङ पुरा जेनाङ।”

प्रकास 3:13

जाइ काङको या काथा हिङदोङखे, वा इङको काथाहेङ ध्यान पितेङ हिनाको, परमेस्वरको आत्मा मन्डलिगेलाइहेङ हाइ दोअ्खे।

प्रकास 3:22

जाइ काङको या काथा हिङदोङखे, वा इङको काथाहेङ ध्यान पितेङ हिनाको, परमेस्वरको आत्मा मन्डलिगेलाइहेङ हाइ दोअ्खे।

प्रकास 3:6

जाइ काङको या काथा हिङदोङखे, वा इङको काथाहेङ ध्यान पितेङ हिनाको, परमेस्वरको आत्मा मन्डलिगेलाइहेङ हाइ दोअ्खे।

प्रकास 5:5

कालाउ आगुवा मध्ये एमि कासेहेङ दोअ्हि, “माखार! खाङसु, जाइहेङ यहुदाको कुलको खुवाँ दोअ्खे, राजा दाउदको माहान हारागुटिया, वा साइतानहेङ जितिका हि। कालाउ वा कितापको न्हि लोङ मोहोर थुरलि कालाउ खोलिलि योग्यको हि।”