प्रकास 21:9 - Dhimal NT

⁹ कालाउ आरोङ न्हि लोङ स्वर्गदुतगेलाइ ताइको न्हि लोङ जाम बात्तिसो पोङघातेङ हिका न्हि लोङ आम्तिम बिपति द्‍याङ जाति ह्रुता हुपिहि, इङको मध्येसो एमि स्वर्गदुत कासेहेङ दोअ्हि, “का दाराहेङ तिङपाङका जाइ धेमाङ थुमा दोफा बिहु पाङ।”

प्रकास 21:9 Iomraidhean Croise

प्रकास 1:1

परमेस्वर येसु ख्रिस्टहेङ इङको म्होन्हाका काथा तिङपाहि, जेदोङ धेमाङ जेनाङ, कालाउकि वा ताइको सेवकगेलाइहेङ इदोइ काथागेलाइ देखाल पालि द्वाको। कालाउ न्हुसो येसु ताइको सेवक युहान्नाहेङ इदोइ काथागेलाइ तिङपालिको भाअ्सिङ ताइको स्वर्गदुत दिङगिल्हि।

प्रकास 17:1

इङको न्हि लोङ जाम बात्ति ह्रुहि न्हि लोङ स्वर्गदुतगेलाइ मध्ये एमि काङकोता लोतेङ दोअ्हि, “काङकोता लौउ, का नासेहेङ तिङपाङका कि हेसा परमेस्वर उङको बारका बेस्या हि याको माने बेबिलोन सहरहेङ साजाइ प्याङ, जाइ इन्ता योम्तेङ हि जेता हेन्जा झोरागेलाइ हि।

प्रकास 19:7

केलाइ झाराङ खुसि जेनाइने कालाउ आनान्द मानाइने कालाउ वासेहेङ बाखानाइ प्याइने। एला इदोइ सोमोइ हि जाइ येसु जाइ थुमा हि, जेलाउलाउको भाअ्सिङ ताइको द्‍याङगेलाइ दोफा मिलियावा, इङको दारा भाइपा जाइ ताइको दारइवाइनि दोफा बिहु पाखे। हाइपालिपानु वा द्‍याङगेलाइहेङ ताइमिहेङ वाको दोफा मिलिलि तियार पाखे।

प्रकास 21:17

कालाउ न्हुसो, इङको स्वर्गदुत सहरको उचाइ बुङ दोङहि। वा जेसापा द्‍याङगेलाइ आमेनेगेलाइ दोङखे इन्साङ वा बुङ दोङहि। बेरेमको उचाइ सुम कुरि तु मिटर हिघाहि।

प्रकास 21:2

का पबित्तरो सहरहेङ बुङ तिङघा जेदोङ नावा यरुसेलेम हि। इदोइ परमेस्वरसो स्वर्ग लेता खुतेङ लोखे। इङको सहरहेङ दारवाइनि भाइपा तियार पाका हिघाहि, कालाउ वासेहेङ बोन्हा बोअ्पातेङ साजाइतेङ ताअ्हि कालाउ दारा दोफा बिहु पालि तियार हि।

प्रकास 22:1

आरोङ स्वर्गदुत कासेहेङ जिबन पिका चि हिका एनोङ झोरा तिङपाहि। इङको चि झाला-झालाका सिसा भाइका चिल्कातेङ हिघाहि। इङको परमेस्वर कालाउ थुमाको सिङहासनसो झोतेङ हिघाहि।

प्रकास 22:17

परमेस्वरको आत्मा कालाउ थुमाको दारवाइनि येसुहेङ दोअ्खे, “नाअ् लोलिङ गोइयाना।” जाइ झाराङ इदोइ हिङखे वा बुङ एसा दोअ्ताको, “लोसु!” जाइ चि आम्लि किका हि वा इता लोलिङ गोयाङ। जिबन पिका चि आम, जाइ झाराङहेङ ए पाइसा माकोसिङ पिखे।

प्रकास 22:6

इङको न्हुसो, स्वर्गदुत कासेहेङ दोअ्हि, “इदोइ गोताङ काथा जेदोङ नासेहेङ दोअ्का हि या सत्ये हि कालाउ भोरोसा पालि योग्य हि। हाइपालिपानु परमप्रभु परमेस्वर जाइ ताइको आत्मा गोताङ बक्तागेलाइहेङ पिहि, वा दोङ जाइ ताइको स्वर्गदुतहेङ आदेस पिहि कि वा इता लोतेङ कालाउ ताइको सेवाकगेलाइको इङको काथा तिङपाको जेदोङ धेमाङ पुरा जेनाङ।”