प्रकास 21:8 - Dhimal NT

⁸ कालाउ जाइ का ह्रुता खाङधुरि मापाखे, इम्बालाइ गन्धक दोफाङ ओअ्का मेको तालता हानिलि गोइयावा जेदोङ इङको वाको न्हेतेङ सिका दोङ हि। जेदोङ द्‍याङगेलाइ भेनेङ द्‍याङको आगाता कासेहेङ मासुइकारखे, दुस्ट काम पाखे, मारा पाखे, आनाइतिक कासिबिरि पाखे, जादु-तुना पाखे, मुर्तिगेलाइको पुजा पाखे कालाउ धाताइखे, इम्बालाइ झाराङ दोफा बुङ इन्सिकाङ जेनाङ।”

प्रकास 21:8 Iomraidhean Croise

मत्‍ति 10:28

द्‍याङगेलाइसो माअ्थिसु, ओबालाइ नाङको जिउहेङ खिनिङ सेअ्तावा कालाउ प्रानहेङ सेअ्लि मादावा। नेलाइ वासेहेङ खिनिङ थिलि गोइस्वाना जेदोङ परमेस्वर नाङको जिउ कालाउ प्रानहेङ नरकता चुम्पुखे।

मत्‍ति 25:25

ओदोङ भाअ्सिङ का ते थिघा नाङको पिका आधा पावा सोनाको थुरि भोनोइता म्होतेङ ताअ्घा, नाङको पिका इङको थुरि इदोइ दोङ।

मत्‍ति 8:26

येसु इम्बालाइहेङ दोअ्हि, “नेलाइ हाइ पालि एसापा थिसुखेना?” हाइ नेलाइता इङको झोको बुङ खाङधुरि मान्थु। कालाउ येसु भेरमा कालाउ उल्लाउ-उल्लाउका बानेहेङ दोअ्हि भेरमा सिकापा गाङ, कालाउ गाङहि कालाउ भेरमा चाकामान्दा जेङहि।

मर्कुस 9:44

नरकता जिउहेङ चाका पेअ्सा हेलाउ बुङ मासिखे कालाउ दालदालाइतेङ हिका मे बुङ हेलाउ बुङ मासिखे।

युहन्‍ना 8:44

नेलाइ ताइको आबा साइतानसो हिसुना, कालाउ नेलाइ ताइको आबाको इच्छा पुरा पालि खाङसुखेना। इङकोते लाम्फासोङ ज्यान मारा हिघाहि, कालाउ वा हेलाउ बुङ सत्येबादि मान्थुघाहि। हाइपालिपानु वाकोता सत्ये मान्थुघाहि। ताइको स्वभाव आन्सार धाताइखे, हाइपालिपानु इङको धातुवा दोङ हि, हाइपालिपानु वाते धातुवाको आबा दोङ हि।

2 थेस्लोनिकि 2:9

इङको दुस्ट द्‍याङ साइतानको सरबुङ दोफा ल्वाङ, कालाउ वा गोताङ खाल्को धाताइका चिन्हा, चामात्कार कालाउ भारभुसाइका कामगेलाइ पावा, कालाउ इदोइ गोताङ कामगेलाइ परमेस्वर पातेङ हि दोअ्तेङ द्‍याङगेलाइ सोचियावा।

1तिमोथि 4:2

इसिका धाताइता सिक्स्यागेलाइ कपटि पाका द्‍याङगेलाइसो लोखे। इम्बालाइको बिबेकहोइ थाहा मागिखे कि इम्बालाइ ठिक पाखे कि गलत पाखे, एन्साङ पातेङ जेलाउ हिदोइ बुङ द्‍याङको जिउ धाङका फालामहोइ ओअ्का हि पानु, धालेहोइ हाइ दोङ थाहा मागिखे।

तितस 1:16

इङको धाताइका सिक्स्यकगेलाइ परमेस्वरहेङ नाल्का हिघा दोअ्तेङ दाबि पाखे, कालाउ इम्बालाइको कामहोइ इदोइ तिङपाखे कि इम्बालाइ परमेस्वरहेङ मानाल्खे। हाइपालिपानु इम्बालाइ सिकाका, आतेरि कालाउ हिदोइ बुङ रेम्का काम पालि सक्स्यम मान्थु।

हिब्रु 12:24

नेलाइ परमेस्वर कालाउ द्‍याङगेलाइको मध्यस्ताता नावा कारारता धेउपिका येसु कालाउ सिरकाइका हितिता लोका हिसुन्हा, जाइ हाबिलको हिति खान्तेङ आझाइ आसल बचन धुइखे दोअ्खे।

हिब्रु 13:4

झाराङको माझाता बिहु चाहि आदारनिय ह्याको, कालाउ एमिसो-भेनेङ दोफा जेलाउ बुङ खाङधुरि योग्य जेङतेङ हिसु, हाइपालिपानु दुराचारि कालाउ कासिबिरिगेलाइको न्याय परमेस्वर पावा।

१ युहन्‍ना 2:22

धातुवा हासु? वा दोङ, जाइ येसु दोङ ख्रिस्ट हि दोअ्का काथा मन्दा माताखे। आबा परमेस्वर कालाउ चानहेङ जाइ मन्दा माताखे, ख्रिस्ट बिरोधि इङको दोङ हि।

१ युहन्‍ना 3:15

आरु खान्धुराइगेलाइहेङ मन्दा माताका झाराङ मारा पाकालाइ भाइकाङ दोङ हि, कालाउ हिदोइ बुङ मारागेलाइ दोफा आनान्त जिबन माहिखे दोअ्का नेलाइहेङ थाहा हि।

१ युहन्‍ना 5:10

जाइ परमेस्वरको चान येसु ह्रुता खाङधुरि पाखे, वाको हृदयता इङको काथाको साक्सि हिखे। परमेस्वरता खाङधुरि मापाका परमेस्वरहेङ धातुवा बानाइका हिखे, हाइपालिपानु परमेस्वर ताइको चानको बिसोइता पिका साक्सिता वा खाङधुरि पाका मान्थुखे।

प्रकास 19:20

कालाउ इङको लाङति राक्सेस कालाउ वाको दोफा भेनेङ राक्सेस जाइ धाताइका आगमबानि पाघाखे इङको न्हेमि रिम निन्चाहि। इदोइ धाताइका आगमबक्ता राक्सेसको भाअ्सिङ आचाम्माको चिन्हा तिङपाघाहि कालाउ झाराङ द्‍याङगेलाइहेङ धोका पिहि जाइ राक्सेसको चिन्हा ताइको कापाल ह्रुता ताअ्का हिघाहि कालाउ जाइ वाको मुर्तिहेङ पुजा पाका हिघाहि। इदोइ न्हेमिहेङ सिन्हु पाङ गन्धकहोइ ओतेङ हिका ताल भाइका बारका मेता थाइगिल्याङ।

प्रकास 2:11

जाइ काङको या काथा हिङदोङखे, वा इङको काथाहेङ ध्यान पितेङ हिनाको, परमेस्वरको आत्मा मन्डलिगेलाइहेङ हाइ दोअ्खे। जाइ दुस्टको सरबुङहेङ हारिपाखे, वा दन्ड मानिनाङ, जेदोङ चाहि न्हेतेङ सिका हि।

प्रकास 2:2

कासेहेङ नेलाइको काम थाहा हि कि, हेसा नाअ् कथिन परिस्रोम पाखेना कालाउ हारेस माचाखेना। कालाउ कासेहेङ थाहा हि कि नेलाइ दुस्ट द्‍याङगेलाइहेङ सुइकार मापा सुखेना। नाअ् उङको द्‍याङगेलाइहेङ जाचिन्हा, जाइ छाल्न्हाका चात्या दोङ दोअ्तेङ धाताइका दाबि पाहि, कालाउ बास्तबता माको, कालाउ नाअ् फेला पान्हा कि इम्बालाइ धाताइका हिघाहि।

प्रकास 21:27

कालाउ हिदोइ बुङ आसुद्द आमेने इङको सहरता माल्वाङ। मारेङका काम पाकालाइ माकुनु धाताइका द्‍याङगेलाइ, इन्ता मादुल्लाङ थुमाको जिबनको कितापता जाइको मिङ लेखेका हि खिनिङ इङको द्‍याङ इङको सहरता दुल्लि द्वावा।

प्रकास 22:15

कालाउ जाइको कामगेलाइ चाहि लेदेर लुका हि, जाइ जादु-तुना पाखे, कासिबिरि पाखे, मारा पाखे, मुर्ति पुजा पाखे, कालाउ जाइ धाताइखे, एबालाइ झाराङ हेलाउ बुङ इङको सहरता दुल्लि मानिनाङ।

प्रकास 9:17

इङको ओह्याँको कालाउ इम्बालाइको सवारगेलाइ जाइहेङ का ताइको दर्सनता तिङका हिघाखा, इम्बालाइहेङ इसिका तिङघाखे: वाको तुम्ताता रक्स्या पालि कवच हिघाहि, वाको रङग मेको भाइका इ:का, नेल्पा कालाउ गन्धकको भाइका याउका हिघाहि। इङको ओह्याँको पुरिङगेलाइ खुवाँको पुरिङगेलाइ भाइकाङ तिङघाखे। कालाउ इम्बालाइको नुइसो मे, धुवा कालाउ गन्धक बाहार ओल्लितेङ हिघाहि।