प्रकास 21:7 - Dhimal NT

⁷ जाइ इम्बालाइ दुस्टको सरबुङहेङ हारिपावा, ओबालाइहेङ काङकोसो इदोइ गोताङ आसिसगेलाइ प्याङका। कालाउ का वाको परमेस्वर जेनाङका कालाउ ओबालाइ बुङ काङको चानगेलाइ जेनावा।

प्रकास 21:7 Iomraidhean Croise

मत्‍ति 19:29

“हिदोइ बुङ द्‍याङ जाइ काङको मिङको भाअ्सिङ साअ्, दादा-ओने कालाउ बाइ-बेजान ओने, कालाउ आबा-आमाइ कालाउ चान-चामिन्दि कालाउ मिलिङ लाअ्का हि, वा साइ गुना निनावा, कालाउ आनान्त जिबनको खाबारा निनावा।

मत्‍ति 25:21

“गिह्रि वासेहेङ दोअ्हि, नाअ् रेम्का पाना नाअ् आसल चाकारिया नासेहेङ खाङधुरि पालि द्वाङ। आतुइसा ताकाता बुङ नाअ् खाङधुरि योग्य हिना। ओदोङ भाअ्सिङ नासेहेङ आरु हेन्जा जिम्माबारि पिलि द्वाङका लौउ का दोफा लेङचा।”

मत्‍ति 25:34

कालाउ का राजा ताइको दाम्पाहा योम्कालाइहेङ दोअ्ताङका, लोसु काङको आबा परमेस्वर नेलाइहेङ आसिरबाद पिका हि। लोसु कालाउ परमेस्वर नेलाइको भाअ्सिङ प्रतिग्या पाका सासनता आधिकारि हिसुना। सुमिङ सिरजाइकाको लाम्फासोङ इदोइ नेलाइको भाअ्सिङ तियार पाका हिघाहि।

मर्कुस 10:17

येसु ताइको चात्यागेलाइ दोफा दामाता हानिकाताङ पालाउ एमि द्‍याङ धाअ्तेङसाङ लोतेङ वाको खोकोइता तिरु थोअ्तेङ हिअ्हि, “ओइ एल्का प्रभु, परमेस्वरसो आनान्त जिबन निङलिको भाअ्सिङ का हाइ काम पालि गोयाङ?”

रोमि 8:14

हाइपालिपानु झाराङ जाइ परमेस्वरको आत्माहोइ थोङका हिखे, इम्बालाइ दोङ साचिकोङ परमेस्वरको सानतानगेलाइ दोङ हि।

रोमि 8:19

हाइपालिपानु गोताङ सिरजाइ, बार्का आसहोइ परमेस्वरको सान्तानको देखाल जेङका खाङलि ह्रुम्तेङ हि।

2 कोरिन्थि 6:16

मुर्तिगेलाइहेङ परमेस्वरको मुन्दिरको हिदोइ बुङ थामे मान्थु, कालाउ केलाइ सिन्हुका परमेस्वरको मुन्दिरगेलाइ दोङ हिनाहि जेसाङ परमेस्वर धर्मसास्तरता दोअ्का हि, “का उङको द्‍याङगेलाइकोता बासा ह्याङका, कालाउ इम्बालाइको माझाता हिगिल्लाङका, कालाउ का इम्बालाइको परमेस्वर जेनाङका, कालाउ इम्बालाइ काङको द्‍याङगेलाइ जेनावा।”

2 कोरिन्थि 6:18

का नेलाइको आबा जेनाङका, कालाउ नेलाइ काङको चान-चामिन्दि जेङस्वाना, सरबुङसाइका परमप्रभु दोअ्खे।”

हिब्रु 8:10

परमप्रभु दोअ्खे, इसिका सोमोइ ल्वाङ, का इस्राएलको द्‍याङगेलाइ दोफा इदोइ कारार जिनाङका, का इम्बालाइहेङ काङको व्यवस्थाको बारेता सोचिका बानाइ याङका, कालाउ इम्बालाइ इङकोहेङ ताइको ह्रदयता ताअ्तावा, कालाउ का इम्बालाइको आराधाना पाका परमेस्वर जेनाङका, कालाउ इम्बालाइ काङको द्‍याङगेलाइ जेनावा।

1पतरुस 3:9

खाराबिको बदला खाराबि मापालि माकुनु आपामानको बदला आपामान मापालि, भरु इङको को सातोता आसिस पिका जेङसु, नेलाइ इम्बालाइको भाअ्सिङ आसिस ह्रेलि गोइखे हाइपालिपानु नेलाइ परमेस्वर पाहासो आसिस पिलिको भाअ्सिङ काइन्हाका हिसुना, कालाउकि नेलाइ परमेस्वरसो आसिस निङलि दोसु।

प्रकास 2:11

जाइ काङको या काथा हिङदोङखे, वा इङको काथाहेङ ध्यान पितेङ हिनाको, परमेस्वरको आत्मा मन्डलिगेलाइहेङ हाइ दोअ्खे। जाइ दुस्टको सरबुङहेङ हारिपाखे, वा दन्ड मानिनाङ, जेदोङ चाहि न्हेतेङ सिका हि।

प्रकास 2:17

जाइ काङको या काथा हिङदोङखे, वा इङको काथाहेङ ध्यान पितेङ हिनाको, परमेस्वरको आत्मा मन्डलिगेलाइहेङ हाइ दोअ्खे। उङको द्‍याङगेलाइहेङ जाइ दुस्टको सरबुङहेङ हारिपावा, का आधे मन्न प्याङका जेदोङ म्होका हिघाहि। का झाराङहेङ एनोङ जे:का उन्ठुइ प्याङका, जेदोङता नावा मिङ लेखेयाङ। इङको मिङ हासुहेङ बुङ थाहा माज्याङ इङको मिङ ह्रुका द्‍याङ बाहेक।

प्रकास 2:7

जाइ काङको या काथा हिङदोङखे, वा इङको काथाहेङ ध्यान पितेङ हिनाको, परमेस्वरको आत्मा मन्डलिगेलाइहेङ हाइ दोअ्खे। दुस्टको सरबुङहेङ हारिपाका द्‍याङगेलाइहेङ का इङको सिङसो फल चाअ्का आनुमति प्याङका, जेदोङ सिङ जिबन पिखे, जेदोङ परमेस्वरको स्वर्गको बागाइचाता हि।

प्रकास 21:3

आरोङ का परमेस्वरको सिङहासनसो बारका गालाहोइ हासु बुङ धुइका हिङघा। वा दोअ्हि, “एलासो परमेस्वर मानिमुइगेलाइ दोफा ह्याङ, कालाउ वा ताइको द्‍याङगेलाइता ह्याङ। वा ताइमिङ दोअ्ताङ ओबालाइ वाको द्‍याङगेलाइ हि कालाउ वा बुङ ओबालाइ दोफा ह्यावा, कालाउ ओबालाइ बुङ दोअ्तावा इङको वाको परमेस्वरको हि।