प्रकास 21:4 - Dhimal NT

⁴ परमेस्वर इम्बालाइको मिसियाँको गोताङ मितिगेलाइ योप्यावा। हासु बुङ एला हेलाउ बुङ मासियाङ, हासुको बुङ दुख, सोक कालाउ पिडा माजेनाङ, हाइपालिपानु पुर्ना सुमिङ एला मान्थुहि।”

प्रकास 21:4 Iomraidhean Croise

मत्‍ति 24:35

आकास कालाउ प्रिथिबि माअ्तेङ हानावा, जेलाउलाउको भाअ्सिङ माह्याङ कालाउ का जेदोङ दोअ्का हिघा इङको जेलाउलाउको भाअ्सिङ ह्यावा।

1 कोरिन्थि 15:26

झाराङ खान्तेङ न्हुसो हारिपालि गोइका सतरु चाहि सिलि दोङ हि।

1 कोरिन्थि 7:31

कालाउ केलाइ दोफा या सुमिङता जेदोङ बुङ हि, इङकोहेङ हेन्जा चासो माप्याइने, हाइपालिपानु इदोइ सुमिङको गोताङ काथा हेन्जा बेर थेकापा माह्याङ।

2 कोरिन्थि 5:17

ओदोङ भाअ्सिङ जेसापा हासुकोङ बुङ ख्रिस्ट दोफा सम्बन्ध हि पानु वाको दोफा नावा स्वभाव हि, खाङसु पुर्ना माअ्तेङ हानिहोइ नावा स्वभाव लोका हि।

2 कोरिन्थि 6:17

“ओदोङ भाअ्सिङ परमप्रभु धर्मसास्तर पाहासो दोअ्खे, उङको खाङधुरि मापाकालाइको माझासो ओल्लेतेङ लोसु, कालाउ इम्बालाइसो नेलाइ खेङन्हासु, आसुद्द काथासो दुरे हिसु, कालाउ का नेलाइहेङ ग्रहन पाङका।

हिब्रु 12:27

“एला आरोङ एखे” दोअ्का बचनहोइ या तिङपाखे, कि सिरजाइन्हाका गोताङ आमेनेगेलाइ हेङगालाइलि लाअ्पावा, कालाउकि हेङगालाइलि मादोका काथागेलाइ स्थिर ह्यावा,

२ पत्‍रुस 3:10

कालाउ ख्रिस्ट निसित दोङ धुरितेङ ल्वाङ। वा चोर लोका भाइपा आचानाक मासोचेका बेला धुरितेङ ल्वाङ। इङको सोमोइ आकासता बार्का गाला जेनावा, कालाउ आकास रामावा। कालाउ आकासता हिका बेला, तालि कालाउ फुरुगेलाइ मेता पुरा रुपता नासातावा। इङको दिना, द्‍याङगेलाइ प्रिथिबिता पाका गोताङ काम इम्बालाइहेङ न्याय पालिको भाअ्सिङ परमेस्वर देखाल पाङ।

१ युहन्‍ना 2:17

सुमिङ कालाउ इङकोता हिका द्‍याङगेलाइहेङ गोइका गोताङ काथा मोतेङ हानावा, कालाउ परमेस्वरको आग्या केम्का द्‍याङ चाहि जेलाउको भाअ्सिङ ह्यावा।

प्रकास 20:14

झाराङ द्‍याङगेलाइको जाइको मिङ जिबनको कितापता लेखेका मान्थु, इङको झाराङहेङ ताल भाइका बारका मेता थाइगिल्हि। कालाउ न्हुसो एला सिका आरोङ माजेनाङ, सिका द्‍याङगेलाइको थामे बुङ आरोङ माह्याङ, हाइपालिपानु गोताङ द्‍याङगेलाइ जाइको मिङ जिबनको कितापता लेखेका मान्थु, इम्बालाइ झाराङहेङ ताल भाइका बारका मेता थाइगिल्पिहि। मेको ताल्ता निङका इदोइ साजाइहेङ न्हेतेङ सिका दोअ्खे।

प्रकास 21:1

कालाउ न्हुसो का नावा आकास कालाउ नावा प्रिथिबि तिङघा, हाइपालिपानु पुर्ना आकास, पुर्ना प्रिथिबि कालाउ समुन्द्र मोअ्लि दोका हिघाहि।

प्रकास 22:3

जेदोङ परमेस्वरसो स्राप पिका हिघाहि इङको सहरता माह्याङ। कालाउ परमेस्वर कालाउ थुमाको सिङहासन इङको सहरता ह्यावा, कालाउ परमेस्वरको सेवकगेलाइ वाको आराधाना पावा।

प्रकास 7:17

हाइपालिपानु सिङहासनको माझाता हिका थुमा, वा इम्बालाइहेङ सामाराइयाङ, जेसाङ लाखुरिया ताइको भेडाहेङ चापाखे-आम्पाखे। वा इम्बालाइहेङ ताजा चि आम्पालि चुम्पुखे जेदोङहोइ द्‍याङगेलाइहेङ जिबन प्यावा। कालाउ परमेस्वर इम्बालाइको मिसियाँको गोताङ मितिगेलाइ योप्यावा।”