प्रकास 21:21 - Dhimal NT

²¹ इङको तेन्हे फिनुगेलाइ बुङ गोताङ एनोङ-एनोङ मोतिहोइ बानाइका हिघाहि। सहरको मिङ चलिका गल्लिगेलाइ निखुर सोनाहोइ बानाइका हिघाहि जेदोङ सिसा भाइपाङ चिल्काका हिघाहि।

प्रकास 21:21 Iomraidhean Croise

प्रकास 21:18

इङको सहर निखुर सोनाहोइ बानाइका हिघाहि जेदोङ काँचको भाइका चिल्कातेङ हिघाहि, कालाउ इङको बेरेम मेनाङ जाङका उन्ठुइ जास्परसो बानाइका हिघाहि।

प्रकास 17:4

उङको बेबाल गाङगाउरा कालाउ इ:का रङगको धाबा लोखोन बोअ्का हिघाहि। वा ताइको जिउहेङ सोनाको गाहानागेलाइ, उन्ठुइगेलाइ, कालाउ जाङका मोतिगेलाइहोइ साजाइतेङ हिघाहि। वाको दाम्पाहा खुरता वा सोनाको लोटा चाअ्का हिघाहि, जेदोङ गोराहोइ पोङघाका हिघाहि। इदोइ गोरा सिकाका वाको काम कालाउ सिद्रिका कुसुमि ब्यभारहोइ तिङपाखे।

प्रकास 22:2

इङको झोरा परमेस्वर थुमाको सिङहासनको लितासो बाहार झोघाहि, कालाउ सहरको फाराका सडकको माझासो पातेङ झोघाहि। झोराको न्हेपाहाङ जिबन पिका सिङगेलाइ लागाइका हिघाहि, जेदोङ ए-बासारता तेन्हे खेप फल सेपाखे, कालाउकि गोताङ माइना किपाङ एखे। सुमिङता हिका द्‍याङगेलाइ इङको सिङगेलाइको ल्हाफागेलाइ ताइको मिसागेलाइ एल्पालिको भाअ्सिङ लागाइघाखे।

प्रकास 18:16

कालाउ इम्बालाइ दोअ्तावा, “बारका सहर बेबाल हेथे थिलि गोइका हि! जाइ एमि कोइन्हाका बेजान ताइमिहेङ कोइन्हाका सोना, रत्न कालाउ मोतिगेलाइसो सानसाइतेङ हिघाहि। वा रेस्मि धाबा, सिन्दुर रङको धाबा, कालाउ गाङगाउरा रङको बोना बोअ्घाहि।

प्रकास 4:6

सिङहासनको आगाता एनोङ हाइ दोङ हिघाहि जेदोङ समुन्द्र भाइकाङ तिङघाहि, जेदोङ सिसा भाइपा जाहाका हिघाहि। कालाउ गोताङ सिङहासनको द्‍यापाहाङ द्‍यालोङ हुसि हिका प्रानिगेलाइ हिघाहि, जाइको जिउगेलाइता मिसियाँहोइ पुराङ ढाकिका हिघाहि।

प्रकास 21:15

जेदोङ स्वर्गदुत काङको काथा पाघाहि, वाको दोफा इङको सहरको, इङको फिनुगेलाइ कालाउ इङको को बेरेमहेङ दोङलिको भाअ्सिङ एनोङ सोनाको लागासि पिहि।