प्रकास 21:2 - Dhimal NT

² का पबित्तरो सहरहेङ बुङ तिङघा जेदोङ नावा यरुसेलेम हि। इदोइ परमेस्वरसो स्वर्ग लेता खुतेङ लोखे। इङको सहरहेङ दारवाइनि भाइपा तियार पाका हिघाहि, कालाउ वासेहेङ बोन्हा बोअ्पातेङ साजाइतेङ ताअ्हि कालाउ दारा दोफा बिहु पालि तियार हि।

प्रकास 21:2 Iomraidhean Croise

युहन्‍ना 3:29

दारा दरवाइनि दोफा बिहु पाखे, कालाउ दाराको लोकोन्दि जाअ्तेङ दाराको काथा हिङतेङ खुसि जेङखे, एसापा दोङ काङको ह्रदय आनन्दहोइ एला भरि पुर्न जेङका हि।

2 कोरिन्थि 11:2

परमेस्वर नेलाइको बारेता चिन्ता पाका कोनिङ का बुङ चिन्ता पाका हिघा, का बाचा पाखा कि नेलाइको एमि खिनिङ के ख्रिस्टहेङ प्याङका, जेसाङ बिहु जेङखे कालाउ एमि आबा ताइको धानि चामिन्दिहेङ वाको के हेङ पिका भाइका हि।

हिब्रु 11:10

हाइपालिपानु वा जेलाउबुङको भाअ्सिङ हिका जगता बनिका सहरता हिलि ह्रुमतेङ हिघाहि, जाइहेङ बानाइका कालाउ सिरजाइ पाका परमेस्वर दोङ हि।

हिब्रु 11:16

कालाउ इम्बालाइ आझाइ एनोङ उत्तम सारभि, एनोङ स्वर्गिय सारभिको इच्छा पाखे। ओदोङ भाअ्सिङ का इम्बालाइको परमेस्वर हिघा दोअ्तेङ परमेस्वर गर्ब पाधाङ, हाइपालिपानु वा इम्बालाइको भाअ्सिङ एनोङ सहर बानाइ पिका हि।

हिब्रु 12:22

कालाउ नेलाइते सियोन तिकारता लोका हिसुना, जेता स्वर्गिय यरुसेलेम हि, जेदोङ सिन्हुका परमेस्वरको सहर हि, जेता लाख-लाख स्वर्गदुतगेलाइ जोम्तेङ आनान्दहोइ-उत्साह मानाइखे।

हिब्रु 13:14

हाइपालिपानु इदोइ प्रिथिबिता, केलाइ दोफा हिदोइ बुङ सहर मान्थु, जेदोङ जेलाउको भाअ्सिङ ह्याको। कालाउ लोका सहरको चाहि केलाइ आस पातेङ हिनाखे।

प्रकास 1:1

परमेस्वर येसु ख्रिस्टहेङ इङको म्होन्हाका काथा तिङपाहि, जेदोङ धेमाङ जेनाङ, कालाउकि वा ताइको सेवकगेलाइहेङ इदोइ काथागेलाइ देखाल पालि द्वाको। कालाउ न्हुसो येसु ताइको सेवक युहान्नाहेङ इदोइ काथागेलाइ तिङपालिको भाअ्सिङ ताइको स्वर्गदुत दिङगिल्हि।

प्रकास 1:4

इदोइ पात्तारा का युहान्‍ना एसिया प्रदेसको न्हि लोङ मन्डलिको खान्धुराइगेलाइको भाअ्सिङ लेखेदोङखा। का प्रार्थाना पाखा कि परमेस्वर नासेहेङ वाको आनुग्रह कालाउ सान्ति तिङपाको। वा इसिका परमेस्वर हि, जाइ सुरुको सोमोइसोङ एला थेकापा कालाउ जेलाउलाउको भाअ्सिङ परिबतन माजेनाङ, परमेस्वरको सिङहासनको आगाता ह्यावा न्हि लोङ दोङ आत्मासो,

प्रकास 1:9

का युहान्‍ना, नाङको दोफाङ खान्धुराइ, नेलाइ येसुता हिकागेलाइ झाराङ परमेस्वरको सासनको सहभागि जेङस्वाना, कालाउ केलाइ झाराङ दुख-कस्ट भोगिन्हाखे कालाउ येसुको भाअ्सिङ धैर्य दोफा सहिलि बुङ गोइखे। परमेस्वरको बचन कालाउ येसु ख्रिस्टको साक्सि दोअ्नाङ का पत्मोस दोअ्का टापुता हिघा।

प्रकास 11:2

कालाउ मुन्दिरको बाहारको सालेङ मादोङसु, हाइपालिपानु इङको थामे इङको द्‍याङगेलाइहेङ पिहि जाइ कासेहेङ खाङधुरि मापाखे। कालाउ इम्बालाइ काङको पबित्तरो सहर यरुसेलेमहेङ न्हे कुरि न्हे माइना थेकापा राज्य पावा।

प्रकास 21:10

पबित्तरो आत्माको सरबुङहोइ कासेहेङ स्वर्गदुत हेन्जा झाउका लाखता चुम्पुहि। पबित्तरो सहर जेदोङ नावा यरुसेलेम हि, जेदोङ स्वर्गसो, परमेस्वरसो खुतेङ लेता लोका हिघाहि।

प्रकास 21:9

कालाउ आरोङ न्हि लोङ स्वर्गदुतगेलाइ ताइको न्हि लोङ जाम बात्तिसो पोङघातेङ हिका न्हि लोङ आम्तिम बिपति द्‍याङ जाति ह्रुता हुपिहि, इङको मध्येसो एमि स्वर्गदुत कासेहेङ दोअ्हि, “का दाराहेङ तिङपाङका जाइ धेमाङ थुमा दोफा बिहु पाङ।”

प्रकास 22:17

परमेस्वरको आत्मा कालाउ थुमाको दारवाइनि येसुहेङ दोअ्खे, “नाअ् लोलिङ गोइयाना।” जाइ झाराङ इदोइ हिङखे वा बुङ एसा दोअ्ताको, “लोसु!” जाइ चि आम्लि किका हि वा इता लोलिङ गोयाङ। जिबन पिका चि आम, जाइ झाराङहेङ ए पाइसा माकोसिङ पिखे।

प्रकास 22:19

जेसापा नाअ् इदोइ कितापता लेखेका हिदोइ बुङ आगमबानिको सन्‍देस ओल्ला पानु, परमेस्वर नासेहेङ बुङ इदोइ कितापता लेखेका आसिसगेलाइ माप्याङ। ओदोङ भाअ्सिङ, परमेस्वर नासेहेङ जिबन पिका सिङको फल चाअ्का खाबारा कालाउ पबित्तरो सहरता जियाइका खाबारा माप्याङ।

प्रकास 3:12

जाइ दुस्टको सरबुङहेङ हारिपाखे, इङको द्‍याङगेलाइ परमेस्वरको मुन्दिरको खाम्बा भाइपाङ हिखे, जाइको का सेवा पाङका कालाउ इम्बालाइ बुङ जेलाउलाउको भाअ्सिङ परमेस्वरको मुन्दिरता ह्याङ। का इम्बालाइको जिउता काङको परमेस्वरको मिङ कालाउ काङको परमेस्वरको सहरको मिङ लेख्याङका, जेदोङ चाहि नावा यरुसेलेम हि। इङको सहर काङको परमेस्वरको स्वर्गसो लेता ल्वाङ। कालाउ काङको परमेस्वरसो का इम्बालाइको जिउता काङको नावा मिङ बुङ लेख्याङका।