प्रकास 20:9 - Dhimal NT

⁹ वा बाहार ओल्लेतेङ प्रिथिबिको गोताङ थामेता हानिहि। इम्बालाइ परमेस्वर दोङ प्रेम पाका सहरहेङ खोराइयावा जेता परमेस्वरको द्‍याङगेलाइ हिघाखे। कालाउ मे स्वर्गसो परमेस्वर पाहासो लोहि कालाउ गोताङ सिपालाइहेङ ओपाहि।

प्रकास 20:9 Iomraidhean Croise

लुका 17:29

इङको दिना जेलाउ लोत सोदोम सहर लाअ्हि द्‍याङगेलाइ इदोइ गोताङ पादोङघाखे। जेलाउ आकाससो मे कालाउ गन्धक हुल्हि कालाउ गोताङ सहरको द्‍याङगेलाइ नासा हि।

लुका 19:43

हाइपालिपानु नाअ् ह्रुता इन्सिका दिना ल्वाङ, जेलाउ नाङको सतुरुगेलाइ नाङको कोरपाहाङ बेरेम धामावा कालाउ खोराइयावा कालाउ नासेहेङ गोराइयावा गोताङ थामे पाहासो थुनितेङ ताअ्तावा।

लुका 21:20

जेलाउ नेलाइ यरुसेलेम सहरहेङ द्‍यापाहाङ सिपालाइहोइ गोराइका निङस्वाना। कालाउ नेलाइ थाहा गिअ्स्वाना कि यरुसेलेम सहरको बिनासको बेला चेम्ताङ लोका हि।

लुका 9:54

जेलाउ येसुको चात्यागेलाइ याकुब कालाउ युहान्‍ना इसिका तिङहि, इम्बालाइ दोअ्हि, हे प्रभु हाइ केलाइ स्वर्गसो मे चुमातेङ द्‍याङगेलाइहेङ बुसिरि बानाइलि आग्या पाङ?

2 थेस्लोनिकि 1:8

परमेस्वरहेङ इन्कार पाकालाइहेङ कालाउ केलाइको प्रभु येसुको सुसमाचार माकिकालाइहेङ वा दोङ दन्ड प्यावा।

हिब्रु 13:13

ओदोङ भाअ्सिङ केलाइ बुङ सहर बाहार वाकोता हानाइने कालाउ वा दोङ सहिका बेइज्यत केलाइ बुङ सहियाइने।

प्रकास 11:5

जेसापा हासु बुङ इङको न्हेनोङ साक्सिगेलाइहेङ हान्ति पालि भोखे पानु, कालाउ वाको नुइसो मे ओल्लेयावा कालाउ इम्बालाइको सतुरुगेलाइहेङ नासा पावा। कालाउ इदोइ तरिकाहोइ जाइ हासु बुङ इम्बालाइहेङ हान्ति पालि कोसिस पावा, कालाउ इम्बालाइहेङ बुङ सेअ्तावा।

प्रकास 13:13

न्हेतेङ राक्सेस हेन्जा आचाम्माका चिन्हा तिङपाहि। एता थेकापा कि, जेलाउ द्‍याङगेलाइ तिङघाहि वा आकाससो प्रिथिबि ह्रुता मे हुल्पाहि।