प्रकास 20:4 - Dhimal NT

⁴ कालाउ न्हुसो, का आधे सिङहासनगेलाइ तिङघा, वाको दोफा योम्तेङ हिका द्‍याङगेलाइ दोफा सासन पालि खाबारा पिहि। का इम्बालाइको आत्माहेङ बुङ तिङघा जाइको पुरिङ पाल्पाहि हाइपालिपानु इम्बालाइ येसु दोङ प्रभु दोअ्तेङ सुइकार पाहि कालाउ इम्बालाइ परमेस्वरको बचनहेङ खाङधुरि पाहि। जेदोङ उङको द्‍याङगेलाइ इङको राक्सेसको माकुनु वाको मुर्तिको पुजा मापाहि, कालाउ इम्बालाइ ताइको कापालता माकुनु खुरता राक्सेसको दागाइका चिन्हा मालागाइहि। इदोइ द्‍याङगेलाइ आरोङ सिन्हुहि कालाउ ए-हाजार बासारको भाअ्सिङ ख्रिस्ट दोफा सासन पाहि।

प्रकास 20:4 Iomraidhean Croise

मत्‍ति 19:28

येसु ओबालाइहेङ दोअ्हि, जातिङ भारि का नेलाइहेङ दोअ्खा, नेलाइ हासु बुङ काङको दोफा लोका हिसुना पानु, नेलाइ नावा सिरजाइका हिसुन्हा। जेलाउ का द्‍याङको चान ताइको महिमाको सिङहासनता योमाङका, कालाउ नेलाइ बुङ तेन्हे कुल ह्रुता हिस्वाना, कालाउ इस्राएल सारभिको तेन्हे कुलहुता न्याय पास्वाना।

मत्‍ति 24:10

इङको बेला हेन्जाङ खान्धुराइगेलाइ का ह्रुता खाङधुरि पालि लाअ्तावा। इम्बालाइता-ताइमिता धोका पावा कालाउ मन्दा माताकावा।

मर्कुस 6:16

जेलाउ काथा हिङतेङ राजा हेरोद दोअ्हि, “या युहान्‍ना बप्तिस्ता पिकादोङ हिलि गोयाङ! का स्वयमदोङ वाको पुरिङ पाल्लि आदेस पिघा, कालाउ वा सिकालाइसो सिन्हुका हि!”

मर्कुस 6:27

राजा हेरोद एन्सालाउ दोङ झ्यालखानाको एमि सिपाइहेङ आग्या पितेङ दिङगिल्हि कालाउ युहान्नाको पुरिङ पोतेङ वाको दोफा चुमालि हुकुम पाहि।

मर्कुस 9:11

कालाउ चात्यागेलाइ येसुहेङ हिअ्हि, हाइ व्यवस्था धिरपाका द्‍याङगेलाइको काथा सहि दोङ हि, कि या जरुरि हि कि वा ख्रिस्ट खान्तेङ लाम्फा एलिया लोलि गोयाङ? जेसापा जातिङकोनु, वा एला थेकापा हाइ पालि लोका मान्थु?

लुका 1:17

युहान्‍ना एमि इसिका द्‍याङ जेनावा जाइ परमेस्वरको बक्ता एलिया भाइका आत्मा कालाउ सरबुङता ह्यावा। वा दोङ प्रभु लोलिको भाअ्सिङ दामा तियार पावा। वा दोङ आबा कालाउ चान-चामिन्दिगेलाइको माझाता मेलमिलाप चुमावा, कालाउ आनाग्या कारिगेलाइहेङ परमेस्वरको ग्यानहेङ सुइकार पापावा। एसापा दोङ वा द्‍याङगेलाइहेङ प्रभुको भाअ्सिङ तियार पावा।

लुका 14:14

कालाउ न्हुसो नाअ् धन्यको जेनाना, हाइपालिपानु खिल्का तिरिलि इम्बालाइ दोफा हाइ दोङ मान्थुवावा। जेलाउ धर्मि द्‍याङ स्यावा कालाउ सिकासो सिन्हुतावा, एन्सालाउ परमेस्वर वासेहेङ इनाम प्यावा।

लुका 22:30

कालाउकि काङको सासनता नेलाइ काङको दोफा योम्तेङ चास्वाना कालाउ आमस्वाना, कालाउ इस्राएल सारभिको तेन्हे कुलको न्याय पातेङ सिङहासनगेलाइता योमस्वाना।

युहन्‍ना 14:19

कोम्हा सोमोइ न्हुसो सुमिङको द्‍याङगेलाइ कासेहेङ आरोङ मातिनाङ, कालाउ नेलाइ कासेहेङ तिङस्वाना। हाइपालिपानु का आरोङ सिन्हुताङका कालाउ नेलाइ बुङ सिन्हुतेङ हिस्वाना।

रोमि 11:15

हाइपालिपानु जेलाउ इस्राएललिगेलाइ परमेस्वरहेङ लाअ्हि कालाउ सुमिङको द्‍याङगेलाइको भाअ्सिङ या मिलाप जेङहि, जेलाउ इम्बालाइ येसुहेङ ख्रिस्ट दोअ्तेङ खाङधुरि पाहि, इदोइ चाहि सिका द्‍याङ आरोङ सिन्हुका भाइका जेनावा।

रोमि 8:17

कालाउ केलाइ परमेस्वरको सान्तान नुते उत्ताराधिकारि बुङ हिनाहि, परमेस्वरको उत्ताराधिकार कालाउ ख्रिस्ट दोफा साझा-उत्ताराधिकारि। कालाउ जेसापा केलाइ ख्रिस्ट भाइपाङ दुख पिडागेलाइ भोगिन्हाखे पानुते केलाइ बुङ ख्रिस्ट दोफाङ महिमित जेनाङ।

2 तिमोथि 2:12

जेसापा केलाइ वाको भाअ्सिङ दुख सहिन्हाखे पानु, केलाइ बुङ वाको दोफाङ राजा भाइपाङ सासन पाङ, कालाउ केलाइ वासेहेङ इन्कार मापानु, वा बुङ केलाइहेङ इन्कार मापावा।

प्रकास 1:2

युहान्‍ना ताइमिङ तिङका गोताङ काथा लेखेहि, इङको परमेस्वरसो लोका सन्‍देस हि कालाउ गोताङ काथा जेदोङ येसु ख्रिस्ट दोअ्का हि।

प्रकास 1:9

का युहान्‍ना, नाङको दोफाङ खान्धुराइ, नेलाइ येसुता हिकागेलाइ झाराङ परमेस्वरको सासनको सहभागि जेङस्वाना, कालाउ केलाइ झाराङ दुख-कस्ट भोगिन्हाखे कालाउ येसुको भाअ्सिङ धैर्य दोफा सहिलि बुङ गोइखे। परमेस्वरको बचन कालाउ येसु ख्रिस्टको साक्सि दोअ्नाङ का पत्मोस दोअ्का टापुता हिघा।

प्रकास 11:11

सुम दिना आधा दिनाता न्हुसो, परमेस्वर पाहासो जिबन पिका हुसि इम्बालाइता लोहि, कालाउ इम्बालाइ सिन्हुतेङ ल्होहि। कालाउ झाराङ द्‍याङगेलाइ इङको न्हेमि साक्सिगेलाइहेङ आरोङ सिन्हुका तिङहि, कालाउ इम्बालाइ थिहि।

प्रकास 11:15

जेलाउ न्हितेङ स्वर्गदुत ताइको सानाइ म्होहि, का स्वर्गता बा-बारका गालाहोइ एसा ह्रिकाइतेङ हिका हिङघा, “सुमिङको सासन पाका एला हासु बुङ मान्थु। खिनिङ केलाइको प्रभु परमेस्वर कालाउ वाको चुनिका ख्रिस्ट। कालाउ परमेस्वर जेलाउलाउ बुङ सासन पावा।”

प्रकास 11:3

इङको बेला, का काङको न्हेमि वाबाल दिङगिल्याङका जाइ काङको सत्ये सन्‍देस घोसाना पावा। कालाउ इम्बालाइ दा:का रङको धुसा होनावा कालाउ इङको ए-हाजार न्हे साइ सुम कुरि दिना थेकापा इङको द्‍याङ काङको सन्‍देस घोसाना पावा।”

प्रकास 11:7

न्हेनोङ साक्सिगेलाइ परमेस्वरको सन्‍देस प्राचार पालि दोपालि दोतेङ, कालाउ राक्सेस जाइ वाङखाराका खारासो बाहार ओल्लेतेङ लावा, वा इङको इदोइ न्हेनोङ साक्सिगेलाइ दोफा धुम पावा। राक्सेस वासेहेङ हारिपावा कालाउ इम्बालाइहेङ सेअ्तावा।

प्रकास 12:11

केलाइको खान्धुराइ ओनेगेलाइ साइतानहेङ जितिका हि। इम्बालाइ थुमाको हितिको सरबुङहोइ साइतानहेङ हारिपाहि। इङको थुमा ओबालाइको पापसो लाअ्पालिको भाअ्सिङ सेअ्का हिघाहि। इम्बालाइ साइतानहेङ हारिपावा हाइपालिपानु ओबालाइ जेलाउ बुङ इदोइ सुइकार पातेङ हि कि थुमा ओलालाइको प्रभु हि। इम्बालाइहेङ साताइन्हातेङ सेन्हाहि, कालाउ बुङ ओबालाइ ताइको सुइकारसो पासा मासाराइहि।

प्रकास 14:11

ओबालाइहेङ साताइका मेको धुवा जेलाउलाउको बुङ भाअ्सिङ आकास ह्रुता हानेखे। नितिम न्हिसिन ओबालाइहेङ साताइन्हाका मारोकियाङ, हाइपालिपानु ओबालाइ राक्सेस कालाउ इङको को मुर्तिहेङ पुजिका हिघाहि कालाउ ओबालाइ वाको मिङको छाप ताइको ह्रुता लागाइहि।”

प्रकास 15:2

कालाउ का समुन्द्र भाइका तिङका आमेने तिङघा, जेदोङ काँसा भाइपा चिल्कातेङ हिघाहि कालाउ मे दोफा बुङ मिसालाइका हिघाहि। का उङको द्‍याङगेलाइहेङ बुङ तिङघा जाइहेङ राक्सेस जितिलि मादोहि। इम्बालाइ इङको राक्सेस कालाउ इङको मुर्तिहेङ मापुजिहि, कालाउ वाको सङख्याको छाप मालागाइहि, जेदोङ राक्सेसको मिङको चिन्हा हि। कालाउ इन्ता समुन्द्र भाइका तिङपाका भाइपा काम्भेता जाअ्का हिघाहि, कालाउ झाराङ परमेस्वरको पिका उर्निहेङ इम्बालाइ झाराङ चाअ्का हिघाहि।

प्रकास 17:8

नाअ् भरखङ तिङका इङको राक्सेस ए सोमोइ बान्चिका हिघाहि, कालाउ एला बान्चिका मान्थु; या वाङखाराका खारासो बाहार लोलि तोम्का हि कालाउ परमेस्वर इङकोहेङ पुरा नासा पाङ। प्रिथिबिता हिका द्‍याङगेलाइको मिङ जाइको परमेस्वर सुमिङहेङ सिरजाइका खान्तेङ लाम्फा जिबनको कितापता लेखेका मान्थुघाहि, इदोइ झाराङ द्‍याङ, राक्सेसहेङ तिङतेङ भाङभाङका जेनावा। वा लाम्फा सिन्हुका हिघाहि कालाउ एला सिन्हुका मान्थु, कालाउ वा आरोङ ल्वाङ।

प्रकास 2:26

इम्बालाइ जाइ दुस्टको सरबुङहेङ हारिपावा कालाउ जाइ काङको आग्यागेलाइहेङ आन्त थेकापा केम्खे, का इम्बालाइहेङ सारभिगेलाइ ह्रुता सासन पालि खाबारा प्याङका।

प्रकास 22:5

इन्ता आरोङ हेलाउ बुङ माबेलातावा, इङको सहरता हिका गोताङ द्‍याङगेलाइहेङ ताइको दामा तिङपालिको भाअ्सिङ गेसा जोलाइलि आवस्यकता मागोइयाङ। ना ते इम्बालाइहेङ प्राकास पिलि सान्हे गोइखे। हाइपालिपानु परमेस्वर एमि हि जाइ गोताङ द्‍याङगेलाइहेङ फाइसालामका पिखे। कालाउ इन्ता हिका द्‍याङगेलाइ जेलाउलाउ बुङ सासन पावा।

प्रकास 3:21

जाइ दुस्टको सरबुङहेङ हारिपावा वा का दोफा काङको सिङहासनता योमावा, जेसाङ का जितितेङ काङको आबा दोफा वाको सिङहासनता योम्का हिघा।

प्रकास 4:4

इङको सिङहासनको कोरपाहाङ ए कुरि द्‍या आरु सिङहासनगेलाइ हिघाहि। कालाउ पुरिङता सोनाको मुकुटगेलाइ कालाउ जे:का धाबागेलाइ लागाइतेङ ए कुरि द्‍यामि आगुवागेलाइ इङको सिङहासनगेलाइता योमतेङ हिका का तिङघा।

प्रकास 6:9

जेलाउ थुमा नातेङ मोहर खाइहि, कालाउ का स्वर्गको बेदि लिता इङको द्‍याङगेलाइको आत्मागेलाइ तिङघा जाइ सेअ्न्हाका हिघाहि, हाइपालिपानु इम्बालाइ परमेस्वरको बचन कालाउ इम्बालाइको निङका सत्ये सन्‍देस दोफा खाङधुरि योग्य हिघाहि।

प्रकास 7:3

“केलाइ केलाइको परमेस्वरको बान्धाइतिगेलाइको कापालता मोहोर मालागाइपा धाउ माहामारि वासेहेङ हान्ति मापाको, इङको सोमोइसो प्रिथिबि, समुन्द्र माकुनु सिङगेलाइहेङ हाइ दोङ मानासापा।”