प्रकास 20:3 - Dhimal NT

³ स्वर्गदुत वासेहेङ चिल वाङवाङका खाराता थाइगिल्पिहि, कालाउ चिल वाङवाङका खाराको नुइ गि:पिहि कालाउ इङको ह्रुता आलाकात्तरा तेपापिहि कालाउकि, इङको ए-हाजार बासार थेकापा साइतान सुमिङको द्‍याङगेलाइहेङ धोका माप्याको। कालाउ न्हुसो, या जरुरि हि कि वासेहेङ आतुइसा सोमोइको भाअ्सिङ लाअ्पिलि गोयाङ।

प्रकास 20:3 Iomraidhean Croise

मत्‍ति 24:24

हाइपालिपानु धाताइका ख्रिस्टगेलाइ कालाउ धाताइका बक्तागेलाइ ल्वावा, बारका चिन्हागेलाइ कालाउ भारभुसाइका कामगेलाइ परमेस्वरको साल्का द्‍याङगेलाइहेङ धोका पिलिको भाअ्सिङ पावा।

मत्‍ति 27:66

जेलाउ इम्बालाइ इन्ता हानिहि, कालाउ इङको तोमको फिनुता बार्का उन्ठुइहोइ थुम्तेङ ताअ्हि कालाउकि हासु बुङ इङकोहेङ ताइको थामेसो मासारियाको। कालाउ सिपालाइ तोम ह्रुम्लि लागाइहि।

मर्कुस 4:15

आधिमि द्‍याङगेलाइ दामा भाइका हि, जेता चालाइ बिन्हाका हि। जेलाउ इम्बालाइ बचन हिङखे, कालाउ एन्सालाउ दोङ साइतान लोखे, हिङका बचन चुम्पुतेङ हानिखे।

लुका 8:31

इङको भुत-आत्मागेलाइ इम्बालाइहेङ हेलाउ बुङ वाङखाराका खाराता माथुकापाको दोअ्तेङ बिन्ति पाहि।

2 कोरिन्थि 11:3

कालाउ जेसाङ साइतान पुय्याँको रुपता ताइको चातुराइको काथासो लाङ बेबाल हब्बाहेङ धाताइहि, एन्साङ दोङ ख्रिस्ट दोफा नेलाइको धाताइका मान्थुका कालाउ ख्रिस्टको सेवासो नेलाइको बिचारगेलाइ आवाइ तुगिल्स्वाना कि दोअ्तेङ का थितेङ हिघा।

२ पत्‍रुस 3:8

कालाउ काङको आनाउ सानाइतिगेलाइ, बास्ताबता या एनोङ काथा मानिल्सु, परमेस्वरको भाअ्सिङ एनि हाजार बासार भाइकाङ कालाउ हाजार बासार ए दिना भाइकाङ हिखे। वासेहेङ एनि कालाउ ए हाजार बासार गोताङ एनोङ दोङ सामान हिखे।

प्रकास 13:14

न्हेतेङ राक्सेस इदोइ गोताङ लाङति राक्सेसको पिका सरबुङसो पाहि। इदोङ आचाम्माका चिन्हाको कारान हेन्जा द्‍याङगेलाइहेङ आसर जेङहि कालाउ इम्बाइलाइ धोका निङहि। न्हेतेङ राक्सेस द्‍याङगेलाइहेङ आग्या पिहि कि वा लाङति राक्सेसको मुर्ति बानाइहि कालाउ वाको आराधाना पाको। हेन्जा लाम्फा, इदोइ राक्सेसहेङ वाङखाराका पेचारा तरवारहोइ जेङका हिघाहि इन्सिका जेङलाउ बुङ आरोङ सिन्हुहि।

प्रकास 17:2

प्रिथिबिको राजागेलाइ वाको दोफा कासिबिरि पाहि, इङको बेबाल गोताङ द्‍याङ जातिहेङ ताइको गोराहोइ म्हापाका हिघाहि, जेदोङ दोअ्का को आर्था हि कि वा गोताङ द्‍याङगेलाइ जातिहेङ ओसारापा हेन्जा मारेम्का ब्यभार पालि धिरपाहि हाइपालिपानु वा झाराङहेङ मुर्ति पुजिलि धिरपाहि।”

प्रकास 17:8

नाअ् भरखङ तिङका इङको राक्सेस ए सोमोइ बान्चिका हिघाहि, कालाउ एला बान्चिका मान्थु; या वाङखाराका खारासो बाहार लोलि तोम्का हि कालाउ परमेस्वर इङकोहेङ पुरा नासा पाङ। प्रिथिबिता हिका द्‍याङगेलाइको मिङ जाइको परमेस्वर सुमिङहेङ सिरजाइका खान्तेङ लाम्फा जिबनको कितापता लेखेका मान्थुघाहि, इदोइ झाराङ द्‍याङ, राक्सेसहेङ तिङतेङ भाङभाङका जेनावा। वा लाम्फा सिन्हुका हिघाहि कालाउ एला सिन्हुका मान्थु, कालाउ वा आरोङ ल्वाङ।

प्रकास 20:1

कालाउ न्हुसो, का एनोङ स्वर्गदुतहेङ स्वर्गसो लेता खुतेङ लोका का तिङघा। वाको दोफा चिल वाङवाङका खाराको ताल्चा हिघाहि कालाउ वा एनोङ बारका ताल्चा खुरता चुम्का हिघाहि।