प्रकास 20:2 - Dhimal NT

² वा बारका आजिङगरहेङ रिम्हि कालाउ झिन्झिरिहोइ ए-हाजार बासारको भाअ्सिङ जिङतेङ राहि, इङको बारका आजिङगर ओदोङ हि जाइ हेन्जा सोमोइ लाम्फा पुह्याँको रुपता देखाल जेङहि। वाको मिङ साइतान हि।

प्रकास 20:2 Iomraidhean Croise

मत्‍ति 19:29

“हिदोइ बुङ द्‍याङ जाइ काङको मिङको भाअ्सिङ साअ्, दादा-ओने कालाउ बाइ-बेजान ओने, कालाउ आबा-आमाइ कालाउ चान-चामिन्दि कालाउ मिलिङ लाअ्का हि, वा साइ गुना निनावा, कालाउ आनान्त जिबनको खाबारा निनावा।

मत्‍ति 8:29

इम्बालाइ येसुकोता हानितेङ बारका गालाहोइ ह्रिकाइतेङ दोअ्हि, “सरबुङसाइका परमेस्वरको चान, नाङको कालाउ केलाइ दोफा हाइ सरोकार हि रो?” केलाइको बेला माजेङसिङ केलाइहेङ दन्ड पिलि नाअ् इता लोन्हा?

मर्कुस 4:15

आधिमि द्‍याङगेलाइ दामा भाइका हि, जेता चालाइ बिन्हाका हि। जेलाउ इम्बालाइ बचन हिङखे, कालाउ एन्सालाउ दोङ साइतान लोखे, हिङका बचन चुम्पुतेङ हानिखे।

मर्कुस 5:7

येसु वासेहेङ दोअ्हि, भुत-आत्मा इदोइ द्‍याङसो बाहार ओल्लेतेङ लौउ! कालाउ उङको द्‍याङ बार्का गालाहोइ ह्रिकाइतेङ दोअ्हि, “हे येसु सरबुङसाइका परमेस्वरको चान, नाङको कालाउ केलाइ दोफा हाइ सरोकार हि रो?” परमेस्वरको मिङता केरा चाअ् कि नाअ् केलाइहेङ दुख मापिप्याना।

युहन्‍ना 12:31

एला इदोइ सुमिङको द्‍याङगेलाइहेङ परमेस्वरको न्याय पाका सोमोइ लोका हि। कालाउ येसु साइतानको सरबुङहेङ नासा पाका सोमोइ बुङ लोका हि, जाइ इदोइ सुमिङको सासक हि।

युहन्‍ना 16:11

कालाउ पबित्तरो आत्मा इम्बालाइहेङ न्याय तिङपा प्याङ, हाइपालिपानु परमेस्वर लाम्फा दोङ इदोइ सुमिङको सासक माकुनु साइतानहेङ दुसिका थोहोराइका हि।

रोमि 16:20

सान्तिको परमेस्वर मार्फाङ दोङ साइतानहेङ नासा पाङ कालाउ वासेहेङ नेलाइको आधिनता चुमावा, केलाइको प्रभु येसु ख्रिस्टको आनुग्रह नेलाइ दोफा हितेङ ह्याको।

हिब्रु 2:14

हाइपालिपानु परमेस्वर जाइहेङ चान-चामिन्दिगेलाइ दोअ्हि, इम्बालाइ द्‍याङगेलाइ हि, येसु ख्रिस्ट गोताङ खाल्कोहोइ केलाइ भाइकाङ द्‍याङ जेङतेङ लोहि। कालाउकि वाको सिका पाहासो, सिका ह्रुता खाबारा हिका साइतानहेङ नासा पालि द्वाको।

1पतरुस 5:8

नेलाइ ताइमिहेङ काबुता ताअ्सु कालाउ जागितेङ हिसु, हाइपालिपानु नेलाइको सतुरु साइतान द्‍याङगेलाइहेङ नासा पालिको भाअ्सिङ द्‍यापाहाङ घुराइगिल्तेङ हि। वा गुन्जिरका खुवाँ भाइका हासुहेङ बुङ दुसुतेङ चाङका दोअ्तेङ दाउता घुराइगिल्तेङ हिगिल्तेङ हि।

२ पत्‍रुस 2:4

स्वर्गदुतगेलाइ पाप पालाउ परमेस्वर ओबालाइहेङ दन्ड पिलिसो मारोकिहि, कालाउ इङको दुतगेलाइहेङ नरकता थाइगिल्पिहि, जेता न्यायको दिना थेकापा ह्रुम्लिको भाअ्सिङ इम्बालाइहेङ दाकिलकिलकाता झिन्झिरिहोइ धेउतेङ ताअ्खे, कालाउ न्यायको दिनाता इम्बालाइ निङलि गोइका दन्ड निनावा।

यहुदा 1:6

नेलाइ उङको स्वर्गदुतगेलाइको बारेता बुङ सोचिलि गोइखे जाइ परमेस्वर इम्बालाइहेङ पिका खाबाराता सन्तुस्ति मान्थुघाखे, कालाउ स्वर्गता हिका थामेहेङ इम्बालाइ लाअ्हि। परमेस्वर इङको दुतगेलाइहेङ आनान्तको झिन्झिरिहोइ धेउतेङ कितिकितिकाता ताअ्का हि, जेता वा इम्बालाइहेङ इङको माहान दिनाको भाअसिङ ताअ्का हि, जेलाउ वा इम्बालाइहेङ आनान्त दन्ड प्याङ।

प्रकास 12:13

जेलाउ इङको बारका आजिङगर ताइमिहेङ प्रिथिबि ह्रुता थाइगिल्का थाहा गिहि, कालाउ वा उङको बेबालहेङ पिताइहि जाइ उङको चानको जोलोम पिहि।

प्रकास 12:15

कालाउ न्हुसो, बारका आजिङगर ताइको नुइसो झोराको भाइपा चि बेबाल भारि ओल्लेपाहि कालाउकि इङको चिको बानेहोइ उङको बेबालहेङ झोपातेङ चुम्पुवाको।

प्रकास 12:17

याको कारान इङको बारका आजिङगर बेबाल दोफा हेन्जा चेर ताम्पाहि। ओदोङ भाअ्सिङ, वा उङको बेबालको सान्तानको बिरोधता धुम पालि घोसाना पाहि। इङको या द्‍याङ हि जाइ परमेस्वरको आग्या केम्खे। कालाउ जेलाउ बुङ थुमा दोङ प्रभु हि दोअ्तेङ इङको इस्थिर हिखे।

प्रकास 12:3

कालाउ आकासता आरोङ चिन्हा तिङपाहि: कालाउ इन्ता एनोङ इ:का रङको बारका आजिङगर जेदोङ साइतान दोङ हि। वाको दोफा न्हि लोङ पुरिङ कालाउ तेलोङ दाङगेलाइ हिघाहि। कालाउ गोताङ पुरिङता एनोङ-एनोङ मुकुट हिघाहि।

प्रकास 12:4

इङको को मेथोङहोइ आकासको ए तिहाइ भाग फुरुगेलाइ कोअ्तेङ प्रिथिबि ह्रुता थाइगिल्पिहि। इङको बारका आजिङगर बेबालको आगाता जाअ्हि, कालाउकि जेसाङ वाको जामाल जोलोमनासाङ उङकोहेङ चाअ्लि द्वाको।

प्रकास 13:2

जेदोङ राक्सेस का तिङघा वा नाइभिरि भाइका हिघाहि, कालाउ वाको खोकोइगेलाइ लोकाराको भाइका हिघाहि, कालाउ वाको नुइ खुवाँको नुइ भाइका हिघाहि। बारका आजिङगर ताइको सरबुङ इङको राक्सेसहेङ पिहि कालाउ वासेहेङ प्रिथिबि ह्रुता सासन पालि खाबारा पिहि।

प्रकास 13:4

झाराङ द्‍याङगेलाइ इङको बारका आजिङगरको आराधाना पाहि हाइपालिपानु वा राक्सेसहेङ खाबारा पिका हिघाहि। द्‍याङगेलाइ राक्सेसको बुङ आराधाना पाहि। इम्बालाइ दोअ्हि, “राक्सेसको भाइकाङ बल्लियाका हासु बुङ मान्थु। कालाउ हासु बुङ वाको दोफा धुम पालि माद्वावा।”

प्रकास 20:10

कालाउ न्हुसो साइतानहेङ रिमाङ, जाइ प्रिथिबिता हिका द्‍याङगेलाइहेङ धोका पिका हिघाहि। साइतानहेङ गन्धकको मेता थाइगिल्प्याङ, इङको मे जेदोङ ताल भाइका बारका ह्याङ। राक्सेस कालाउ धातुवा आगमबक्तागेलाइहेङ लाम्फाङ दोङ थाइगिल्पिका हिघाहि। कालाउ इन्ता नितिम न्हिसिन जेलाउलाउ बुङ इम्बालाइ मेता कस्ट भोगियावा।

प्रकास 20:7

ए-हाजार बासार थुकातेङ न्हुसो, साइतानहेङ थुनासो लाअ्प्याङ।

प्रकास 9:11

एमि राजा हि, जाइ वाको नियन्तरोनता ताअ्खे। वा इङको दुत हि जाइ वाङखाराका खारा खोलेका हिघाहि। कालाउ हिब्रु भासाता वाको मिङ आबाडोन हि, कालाउ ग्रिक भासाता आपोल्लियोन हि। इदोइ मिङको मतलप “जाइहेङ वा नासा पाखे।”