प्रकास 20:12 - Dhimal NT

^12-13 कालाउ का सिङहासनको आगाता सिका द्‍याङगेलाइहेङ तिङघा, जाइ, महत्व पुर्न कालाउ महत्वहिन हि। जाइ समुन्द्रता दुबेतेङ सिका द्‍याङ हिघाहि, तोमगेलाइता हिका झाराङ सिका द्‍याङगेलाइ, जाइ सिकालाइको थामेता हिघाहि, इम्बालाइ झाराङ सिङहासनको आगाता जाअ्हि। कालाउ गोताङ किताप खोलेहि, कालाउ जिबनको किताप बुङ खोलेहि। सिका द्‍याङगेलाइ जेदोङ गोताङ काम पाहि इङको कितापता लेखेका हिघाहि कालाउ इङको कामगेलाइ आन्सार इम्बालाइ झाराङहेङ न्याय पिहि।

प्रकास 20:12 Iomraidhean Croise

मत्‍ति 11:22

कालाउ का नेलाइहेङ दोअ्खा, न्यायको दिनाता इम्बालाइको बेथा टुरोस कालाउ सिदोन सहरको खान्तेङ सहिलि दोका जेनाङ।

मत्‍ति 16:27

ताइ आबाको महिमा दोफाङ का द्‍याङको चान ताइ स्वर्गदुतगेलाइ दोफा ल्वाङ। एन्सालाउ द्‍याङको चान गोताङ द्‍याङगेलाइहेङ ताइको काम आन्सारको इनामगेलाइ प्यावा।

लुका 10:20

कालाउ इङको भुत-आत्मागेलाइ नेलाइको आग्याहेङ किखे दोअ्तेङ नेलाइ माहाउसाइलि, भरु नेलाइको मिङ स्वर्गता लेखेका हि दोअ्तेङ नेलाइ लेङचासु।

साल्न्हाका चात्या 24:15

का परमेस्वरता इङकोङ आस पाखा, जाइ या यहुदिगेलाइ बुङ पाखे, कि धर्मि कालाउ आधर्मि न्हेमि दोङ सिकासो आरोङ सिन्चालताङ।

रोमि 2:6

हाइपालिपानु परमेस्वर झाराङ द्‍याङहेङ वाको काम आन्सारको इनाम प्याङ।

1 कोरिन्थि 4:5

ओदोङ भाअ्सिङ प्रभु लोलि खान्तेङ लाम्फा हासुको बुङ न्याय मापा, वा दोङ गोताङ द्‍याङगेलाइको बिचारता हिका काथागेलाइ दोअ्प्यावा कालाउ इम्बालाइको ह्रदयता हिका उदेस्यगेलाइ देखाल पापियावा। कालाउ इङको बेला गोताङ द्‍याङगेलाइ परमेस्वरसो निङलि गोइका बाखिन निनावा।

2 कोरिन्थि 5:10

हाइपालिपानु केलाइ झाराङ ख्रिस्टको न्याय-आसनको आगाता जाअ्लि गोयाङ, एसापा केलाइ जिउता हिलाउ ताइमि पाका रेम्का-मारेम्का काम आन्सारको प्रतिफल निनाङ।

फिलिप्पि 4:3

काङको खाङधुरि योग्य दोफाङको सानाइति, का नासेहेङ बिन्ति पाखा, कि इदोइ न्हेमि बेबाललाइहेङ मिलि पालि साघाइसु, हाइपालिपानु इम्बालाइ का दोफाङ सुसमाचार पालि क्लेमेस दोफा कालाउ काङको आरु दोफाङको सानाइतिगेकाइ दोफा परिस्रोम पाका हि, जाइको मिङ जिबनको कितापता हि।

प्रकास 11:18

जेदोङ द्‍यायाङगेलाइ नासेहेङ खाङधुरि मापाखे, इम्बालाइ हेन्जा चेर ताम्पाका हि, हाइपालिपानु एला नाङको चेर इम्बालाइता ह्रुता लोका सोमोइ लोका हि, कालाउ नाअ् सिका द्‍यायाङगेलाइको न्याय पाका सोमोइ लोलि दोका हि। एला या सोमोइ बुङ हि जेलाउ नाअ् परमेस्वरको बक्तागेलाइहेङ जाइ नाङको सेवा पाखे नाअ् वासेहेङ पुरुस्कार प्याना, कालाउ नाङको झाराङ द्‍याङगेलाइहेङ जाइ नासेहेङ थिखे। कालाउ जेदोङ द्‍याङगेलाइ जाइ हुइका हि कालाउ जाइ बल्लियाका हि। ओदोङ सोमोइ नाअ् झाराङहेङ नासापाना जाइ सुमिङहेङ हान्ति चुमाखे।”

प्रकास 13:8

कालाउ प्रिथिबिता हिका गोताङ द्‍याङगेलाइ राक्सेसको आराधाना पाहि। सुमिङहेङ सिरजाइका खान्तेङ लाम्फासोङ जेदोङ द्‍याङगेलाइको मिङ जिबनको कितापता लेखेका हिघाहि, सिरिप उङको द्‍याङगेलाइ राक्सेसको आराधाना मापाहि। जिबनको किताप थुमाको किताप हि जेदोङ बिलिदानको रुपता सेअ्का हिघाहि।

प्रकास 17:8

नाअ् भरखङ तिङका इङको राक्सेस ए सोमोइ बान्चिका हिघाहि, कालाउ एला बान्चिका मान्थु; या वाङखाराका खारासो बाहार लोलि तोम्का हि कालाउ परमेस्वर इङकोहेङ पुरा नासा पाङ। प्रिथिबिता हिका द्‍याङगेलाइको मिङ जाइको परमेस्वर सुमिङहेङ सिरजाइका खान्तेङ लाम्फा जिबनको कितापता लेखेका मान्थुघाहि, इदोइ झाराङ द्‍याङ, राक्सेसहेङ तिङतेङ भाङभाङका जेनावा। वा लाम्फा सिन्हुका हिघाहि कालाउ एला सिन्हुका मान्थु, कालाउ वा आरोङ ल्वाङ।

प्रकास 19:5

कालाउ इङको सोमोइता, का हासु बुङ नुइ धुइका हिङघा। कालाउ वाको गाला इसिका लागिहि कि जेसाङ परमेस्वरको सिङहासनसो लोका हिघाहि। वा दोअ्हि, “नाअ् दोङ केलाइको परमेस्वरको सेवकगेलाइ हिना कालाउ नाअ् वासेहेङ थि। चाहे नाअ् महत्वय पुर्न हि चाहे महत्व हिन द्‍याङगेलाइ हिसुना। केलाइको परमेस्वरको बाखानाइ पासु!”

प्रकास 2:23

का वाको सिक्स्या पिताइकालाइहेङ सेअ्ताङका। कालाउ गोताङ मन्डलिगेलाइको खान्धुराइगेलाइ बुझियाङ कि का आवाङ हिघा जाइ झाराङको मन बिचारगेलाइ जाचिखे, कालाउ द्‍याङगेलाइ हाइ भोखे दोअ्तेङ गिखे। का नेलाइ झाराङहेङ नेलाइको पाका पाप आन्सार दन्ड प्याङका।

प्रकास 20:11

आरोङ का एनोङ बारका जे:का सिङहासन तिङघा, जेता परमेस्वर योम्तेङ हिघाहि। जेता वा योम्का हिघाहि इङको थामेसो प्रिथिबि, आकास कालाउ गोताङ माअ्हि, कालाउ हासु बुङ इम्बालाइहेङ आरोङ हेलाउ बुङ मातिङहि।

प्रकास 21:27

कालाउ हिदोइ बुङ आसुद्द आमेने इङको सहरता माल्वाङ। मारेङका काम पाकालाइ माकुनु धाताइका द्‍याङगेलाइ, इन्ता मादुल्लाङ थुमाको जिबनको कितापता जाइको मिङ लेखेका हि खिनिङ इङको द्‍याङ इङको सहरता दुल्लि द्वावा।

प्रकास 22:12

आरोङ प्रभु येसु दोअ्हि, “का धेमाङ लोदोङखा। गोताङ द्‍याङगेलाइ जेदोङ पाहि इङको को आन्सार वासेहेङ इनाम माकुनु दन्ड पिलिको भाअ्सिङ, का ल्वाङका।

प्रकास 3:5

जाइ दुस्टको सरबुङहेङ हारिपावा, वासेहेङ जे:का लोखोन धाबा होम्पावा। कालाउ का उङको द्‍याङको मिङ जिबनको कितापसो मामेति प्याङका जेदोङता इम्बालाइको मिङ लेखेका हि जाइ आनान्त जिबन निङका हि। कालाउ का काङको आबा कालाउ वाको सेवा पाका स्वर्गदुतगेलाइको आगाता जाअ्ताङका, कालाउ का घोसाना पाङका कि इम्बालाइ काङको हि।