प्रकास 20:1 - Dhimal NT

¹ कालाउ न्हुसो, का एनोङ स्वर्गदुतहेङ स्वर्गसो लेता खुतेङ लोका का तिङघा। वाको दोफा चिल वाङवाङका खाराको ताल्चा हिघाहि कालाउ वा एनोङ बारका ताल्चा खुरता चुम्का हिघाहि।

प्रकास 20:1 Iomraidhean Croise

लुका 8:31

इङको भुत-आत्मागेलाइ इम्बालाइहेङ हेलाउ बुङ वाङखाराका खाराता माथुकापाको दोअ्तेङ बिन्ति पाहि।

२ पत्‍रुस 2:4

स्वर्गदुतगेलाइ पाप पालाउ परमेस्वर ओबालाइहेङ दन्ड पिलिसो मारोकिहि, कालाउ इङको दुतगेलाइहेङ नरकता थाइगिल्पिहि, जेता न्यायको दिना थेकापा ह्रुम्लिको भाअ्सिङ इम्बालाइहेङ दाकिलकिलकाता झिन्झिरिहोइ धेउतेङ ताअ्खे, कालाउ न्यायको दिनाता इम्बालाइ निङलि गोइका दन्ड निनावा।

यहुदा 1:6

नेलाइ उङको स्वर्गदुतगेलाइको बारेता बुङ सोचिलि गोइखे जाइ परमेस्वर इम्बालाइहेङ पिका खाबाराता सन्तुस्ति मान्थुघाखे, कालाउ स्वर्गता हिका थामेहेङ इम्बालाइ लाअ्हि। परमेस्वर इङको दुतगेलाइहेङ आनान्तको झिन्झिरिहोइ धेउतेङ कितिकितिकाता ताअ्का हि, जेता वा इम्बालाइहेङ इङको माहान दिनाको भाअसिङ ताअ्का हि, जेलाउ वा इम्बालाइहेङ आनान्त दन्ड प्याङ।

प्रकास 1:18

का जिबनको मुल हिघा, का एखे सिघा। कालाउ एला का सिन्हुका हिघा कालाउ का जेलाउलाउको भाअ्सिङ सिन्हुतेङ ह्याङका, कालाउ का दोफा सिका ह्रुता खाबारा हि, कालाउ पाताल ह्रुता बुङ जेता सिका द्‍याङगेलाइ हिखे।

प्रकास 10:1

कालाउ न्हुसो का एमि बल्लियाका स्वर्गदुतहेङ स्वर्गसो लेता खुतेङ लोका का तिङघा। बादेल वाको कोरपाहाङ हिघाहि कालाउ धेङगुर वाको पुरिङको कोरपाहाङ हिघाहि। वाको ह्राइ सान्हे भाइपा चिल्कातेङ हिघाहि कालाउ वाको खोकोइ मेको खाम्बागेलाइ भाइका हिघाहि।

प्रकास 18:1

कालाउ न्हुसो, का भेनेङ स्वर्गदुतहेङ स्वर्गसो लेता खुअ्तेङ लोका तिङघा। वाको दोफा बारका खाबारा हिघाहि कालाउ वाको बारका जोल्का को कारन सारा प्रिथिबि फाइसालामहि।

प्रकास 20:3

स्वर्गदुत वासेहेङ चिल वाङवाङका खाराता थाइगिल्पिहि, कालाउ चिल वाङवाङका खाराको नुइ गि:पिहि कालाउ इङको ह्रुता आलाकात्तरा तेपापिहि कालाउकि, इङको ए-हाजार बासार थेकापा साइतान सुमिङको द्‍याङगेलाइहेङ धोका माप्याको। कालाउ न्हुसो, या जरुरि हि कि वासेहेङ आतुइसा सोमोइको भाअ्सिङ लाअ्पिलि गोयाङ।