प्रकास 2:9 - Dhimal NT

⁹ कासेहेङ थाहा हि कि, नासेहेङ साताइका हि कालाउ नाअ् गरिब हिना। कालाउ आत्मिक काथाता ना बास्ताबिक धनि हिना। का इम्बालाइको बारेता गिखा जाइ दाबि पाखे कि इम्बालाइ परमेस्वरको चुनिका यहुदिगेलाइ हि। इम्बालाइ नेलाइको बारेता निन्दाको काथागेलाइ दोअ्खे, कालाउ इम्बालाइ बास्ताबता एनोङ समुहको सदस्यगेलाइ दोङ हि, जेदोङ साइतानको हि।

प्रकास 2:9 Iomraidhean Croise

मत्‍ति 4:10

जेलाउ येसु साइतानहेङ दोअ्हि, “साइतान, इतासो हाने! हाइपालिपानु धर्मसास्तरता इसिका लेखेका हि।” नाअ् दोङ परमप्रभु ताइको परमेस्वरहेङ खिनिङ तुघुरतेङ आराधाना पालि कालाउ वाको खिनिङ सेवा पालि।

लुका 12:21

ओदोङ भाअ्सिङ धन-सम्पति थुबाराइका द्‍याङ कालाउ परमेस्वरको नजरता धनि मान्थुका द्‍याङको आबास्था इसिकाङ जेनाङ।

लुका 22:65

ओबालाइ वासेहेङ हेन्जा मन्दा माताका आरु हेन्जाङ काथागेलाइहोइ दोअ्हि।

लुका 4:18

प्रभुको आत्मा काङको ह्रुता हि, हाइपालिपानु गरिबगेलाइहेङ प्राचार पालिको भाअ्सिङ कासेहेङ आबिसेक पाका हि। कैदिगेलाइहेङ लाअ्पालिको भाअ्सिङ, कालाउ कान्हाँगेलाइहेङ तिङपालि दोपालि, हेन्जाङ आत्याचारता परिकालाइहेङ लाअ्पालिको भाअ्सिङ,

लुका 6:20

वा ताइको चात्यागेलाइहेङ खाङहि कालाउ दोअ्हि, धन्य ताइमिहेङ आत्मिकि रुपता गरिब सम्झिकालाइ हाइपालिपानु परमेस्वरको सासन नेलाइको दोङ हि।

युहन्‍ना 16:33

का नेलाइहेङ इदोइ काथा इदोइ कारनसो दोअ्का हिघा, कि नेलाइ सान्ति निङलि दोअ्सु, हाइपालिपानु नेलाइ काङको चात्या हिसुना। सुमिङता नेलाइहेङ दुख कस्टते जेनावा, कालाउ साहास पासु हाइपालिपानु का दोङ इदोइ सुमिङको सासक साइतानहेङ हारिपाका हिघा।

साल्न्हाका चात्या 14:22

कालाउ गोताङ नगरता जेङका चात्यागेलाइको आत्माहेङ बल्लियाका बानाइकाताङ ओबालाइहेङ खाङधुरिता हितेङ हिलि आर्ति पिहि, कालाउ हेन्जा कस्ट सहितेङ केलाइ परमेस्वरको सासनता दुल्लि गोयाङ दोअ्तेङ ओबालाइहेङ दोअ्हि।

साल्न्हाका चात्या 26:11

कालाउ गोताङ यहुदिगेलाइको चाउघारा साअ्गेलाइता का इम्बालाइहेङ हेन्जा पोल्ति दन्ड पितेङ येसुको बिसोइता मारेम्का काथा धुइका बानाइघाखा। का इम्बालाइको बिरोधता ओथे हेन्जा रिसाहा हिघाखा, कि का आरु सहरगेलाइता बुङ हानितेङ इम्बालाइहेङ साताइघा।

रोमि 12:12

नेलाइको निङका आसता आनान्द पासु, कस्टगेलाइता धर्य पासु कालाउ लागातार प्रार्थाना पातेङ हिसु।

रोमि 2:17

कालाउ जेसापा नाअ् यहुदि हिघा दोअ्तेङ मोसाको व्यवस्थाता भर परिखेना कालाउ नेलाइ परमेस्वरको बिसेस द्‍याङगेलाइ हिसुना दोअ्तेङ घमन्ड पासुखेना,

रोमि 5:3

इदोइ झोको खिनिङ माको, कालाउ केलाइ ताइको सङकटता बुङ हाउसाइनाखे, इदोइ गितेङ कि सङकटहोइ सहनसिलता उब्जाइपाखे,

रोमि 8:35

केलाइहेङ हासु बुङ ख्रिस्टको प्रेमसो खेङलि माद्वाङ। ना ते सङकस्टहोइ, ना ते दुखहोइ, ना ते साताइकाहोइ, ना ते लालाइकाहोइ, ना ते दरिद्द्रताहोइ, ना ते खाताराहोइ, ना ते तरवारहोइ। इदोइ हिदोइ बुङ काथाहोइ केलाइहेङ ख्रिस्टको प्रेमसो खेङलि माद्वावा।

रोमि 9:6

कालाउ परमेस्वर ताइको बचन पुरा पालि आसफल जेङका मान्थु। हाइपालिपानु इस्राएलको हारागुटियासो जोलोम जेङका झाराङ बास्ताबता परमेस्वरको द्‍याङ माको।

2 कोरिन्थि 6:10

केलाइ हेन्जा दुख हिलाउ बुङ दिनाङ लेङचाका हिनाहि, कालाउ केलाइ गरिब हिलाउ बुङ हेन्जाङहेङ आत्मिक धनि बानाइयाङ, हाइ दोङ मान्थुका भाइपा हिलाउ बुङ गोताङ आनेमाने हि।

2 कोरिन्थि 8:2

जेलाउ इम्बालाइ हेन्जा कस्ट पाहासो जाचता परिहि, इम्बालाइ इस्तुङ आनान्द जेङहि कालाउ इम्बालाइ ओसारापाङ गरिब हिलाउ बुङ इम्बालाइ उद्दार-मनहोइ आरु खान्धुराइगेलाइहेङ साघाइलि दान पिहि।

2 कोरिन्थि 8:9

हाइपालिपानु केलाइको प्रभु येसु ख्रिस्टको आनुग्रह नेलाइहेङ थाहा हि, वा धनि हिघाहि, कालाउ बुङ नेलाइको भाअ्सिङ वा गरिब जेङपिहि। कालाउकि वाको गरिबसो नेलाइ धनि जेङलि दोसु।

1 थेस्लोनिकि 3:4

हाइपालिपानु जेलाउ केलाइ नेलाइ दोफा हिलाउ, केलाइ नेलाइहेङ दोअ्का हिघान्हाहि, कि केलाइ साताइन्हाका भोगिलि गोइखे, कालाउ नेलाइ गिसुखेना कि, जेसाङ केलाइ दोअ्का हिघान्हाहि एन्साङ जेङहि।

1तिमोथि 1:13

का खान्धुराइ जेङलि खान्तेङ लाम्फा ख्रिस्टहेङ निन्दा पाघाखा कालाउ खान्धुराइगेलाइहेङ साताइघाखा कालाउ हान्ति पाघाखा। कालाउ का इङको गोताङ कामगेलाइ मागितेङ कालाउ खाङधुरि मापासिङ पानाङ ख्रिस्ट कासेहेङ दाया हि।

1तिमोथि 6:18

कालाउ इम्बालाइहेङ आसल काम पासु दोअ्सु, कालाउ हेन्जा रेम्का कामगेलाइ पाको, कालाउ आवस्यक परिकालाइहेङ खुल्ला मनहोइ साघाइलि तियार जेङसु दोसु।

प्रकास 1:9

का युहान्‍ना, नाङको दोफाङ खान्धुराइ, नेलाइ येसुता हिकागेलाइ झाराङ परमेस्वरको सासनको सहभागि जेङस्वाना, कालाउ केलाइ झाराङ दुख-कस्ट भोगिन्हाखे कालाउ येसुको भाअ्सिङ धैर्य दोफा सहिलि बुङ गोइखे। परमेस्वरको बचन कालाउ येसु ख्रिस्टको साक्सि दोअ्नाङ का पत्मोस दोअ्का टापुता हिघा।

प्रकास 2:13

कासेहेङ थाहा हि, नेलाइको सहर साइतानको कब्जाता हि, कालाउ इङको को बाबजुद बुङ नेलाइ काङको ह्रुता नाङको खाङधुरिहेङ रिम्तेङ ताअ्का हिसुना। कालाउ नेलाइ काङको सिक्स्याहेङ लाअ्का मान्थु सुन्हा। इङको बेला बुङ नेलाइ का ह्रुता खाङधुरि पालि मालासुन्हा जेलाउ हेन्जा लाम्फा एन्टिपास सेअ्न्हाहि। वा काङको सन्‍देस प्राचार पालि खाङधुरि योग्य हिघाहि, कालाउ बुङ वा नेलाइको सहरता सेअ्नाहि जेदोङ साइतानको कब्जाता हि।

प्रकास 2:2

कासेहेङ नेलाइको काम थाहा हि कि, हेसा नाअ् कथिन परिस्रोम पाखेना कालाउ हारेस माचाखेना। कालाउ कासेहेङ थाहा हि कि नेलाइ दुस्ट द्‍याङगेलाइहेङ सुइकार मापा सुखेना। नाअ् उङको द्‍याङगेलाइहेङ जाचिन्हा, जाइ छाल्न्हाका चात्या दोङ दोअ्तेङ धाताइका दाबि पाहि, कालाउ बास्तबता माको, कालाउ नाअ् फेला पान्हा कि इम्बालाइ धाताइका हिघाहि।

प्रकास 2:24

कालाउ थिआटिरा सहरता नाअ् बाकि हिकागेलाइ वाको धाताइका सिक्स्याहेङ केम्का मान्थु सुन्हा। नेलाइ इङको सिक्स्यागेलाइ सुइकार पाका मान्थु सुन्हा जाइ वासेहेङ पिताइकालाइ दोअ्खे, “हेन्जा महत्य पुर्न आमेनेगेलाइ जेदोङ साइतान पिखे।” का नासेहेङ दोअ्खा कि का आरु हिदोइ बुङ महत्य पुर्न आदेस नेलाइ ह्रुता मालादाइ याङका, इदोइ बाहेक कि नाअ् काङकोता बल्लियाका खाङधुरि पातेङ हि जेलाउ थेकापा का माल्वाङका।

प्रकास 3:9

उङको द्‍याङगेलाइ जाइ साइतानको एनोङ समुहको सदस्यगेलाइ दोङ हि इम्बालाइ दाबि पाखे कि ओबालाइ यहुदिगेलाइ हि, कालाउ इम्बालाइ जातिङको यहुदि माको कालाउ इम्बालाइ धाताइखे। का इम्बालाइहेङ चुमाङका कालाउ नेलाइको खोकोइता सेउपालि लागाइयाङका कालाउ का नेलाइहेङ मायारु पाखा दोअ्का इम्बालाइ थाहा निनाको।

प्रकास 7:14

कालाउ का वासेहेङ दोअ्घा, “कासेहेङ थाहा मान्थु भरु नेउ, नासेहेङ दोङ थाहा हि।” वा कासेहेङ दोअ्हि, “इदोइ द्‍याङगेलाइ हि जाइ दुख भोगिका हि। इम्बालाइ ताइको धाबा थुमाको हितिता झाअ्हि कालाउ जे:का जेङहि, याको मतलब हि कि इम्बालाइको पाप लाअ्पाका हि।