प्रकास 2:5 - Dhimal NT5 फोम पासु लाम्फा नेलाइ हेसा कासेहेङ प्रेम पाघासुखेना, कालाउ एला नेलाइ कासेहेङ इन्सिका प्रेम मापा सुखेना। नेलाइ पाप पालि लाअ्सु कालाउ परमेस्वर भारि घुरिसु कालाउ लाम्फा भाइपाङ कासेहेङ प्रेम पासु। जेसापा नेलाइ पाप पालि मालाअ्सुन्हा कालाउ परमेस्वर भारि मन मापिस्वाना पानु, का नेलाइकोता ल्वाङका कालाउ का नेलाइको चेरादानि जेता हि इन्तासो हातिपातेङ नेलाइहेङ दन्ड प्याङका। Faic an caibideil |
प्रकास 2:5
34 Iomraidhean Croise
युहान्ना एमि इसिका द्याङ जेनावा जाइ परमेस्वरको बक्ता एलिया भाइका आत्मा कालाउ सरबुङता ह्यावा। वा दोङ प्रभु लोलिको भाअ्सिङ दामा तियार पावा। वा दोङ आबा कालाउ चान-चामिन्दिगेलाइको माझाता मेलमिलाप चुमावा, कालाउ आनाग्या कारिगेलाइहेङ परमेस्वरको ग्यानहेङ सुइकार पापावा। एसापा दोङ वा द्याङगेलाइहेङ प्रभुको भाअ्सिङ तियार पावा।
एला का काङको दाम्पाहा खुरता न्हि लोङ फुरुगेलाइको माने हाइ वाला कालाउ न्हि लोङ सोनाको चेरादानिगेलाइको माने हाइ हि दोअ्ताङका जेदोङ लाम्फा थाहा मान्थुघाहि। याको माने या हि: न्हि लोङ फुरुगेलाइ इङको स्वर्गदुतगेलाइहेङ तिम्पाखे जाइ न्हि लोङ मन्डलिगेलाइहेङ सामाराइखे कालाउ न्हि लोङ चेरादानिको न्हि लोङ मन्डलिगेलाइहेङ तिम्पाखे।”
कासेहेङ नेलाइको काम थाहा हि कि, नाअ् एमिसो भेनेङहेङ प्रेम पाखेना, नाअ् काङकोता ओसारापाङ भोरोसा ताअ्खेना। कालाउ कासेहेङ थाहा हि कि, नाअ् एमिसो भेनेङहेङ हेसा साघाइका हिना, कालाउ नाङको धैर्यको स्यमता। कालाउ का गिखा कि, नेलाइ एला बुङ लाम्फाङ खान्तेङ आसल कामगेलाइ पासुखेना, जेलाउ नाअ् का ह्रुता लाम्फा खाङधुरि पाका हिघाखेना।
कासेहेङ नेलाइको काम थाहा हि कि, हेसा नाअ् कथिन परिस्रोम पाखेना कालाउ हारेस माचाखेना। कालाउ कासेहेङ थाहा हि कि नेलाइ दुस्ट द्याङगेलाइहेङ सुइकार मापा सुखेना। नाअ् उङको द्याङगेलाइहेङ जाचिन्हा, जाइ छाल्न्हाका चात्या दोङ दोअ्तेङ धाताइका दाबि पाहि, कालाउ बास्तबता माको, कालाउ नाअ् फेला पान्हा कि इम्बालाइ धाताइका हिघाहि।
Sanasan