प्रकास 2:26 - Dhimal NT

²⁶ इम्बालाइ जाइ दुस्टको सरबुङहेङ हारिपावा कालाउ जाइ काङको आग्यागेलाइहेङ आन्त थेकापा केम्खे, का इम्बालाइहेङ सारभिगेलाइ ह्रुता सासन पालि खाबारा प्याङका।

प्रकास 2:26 Iomraidhean Croise

मत्‍ति 10:22

हाइपालिपानु नेलाइ काङको ह्रुता खाङधुरि पास्वाना नेलाइहेङ झाराङ थोअ्तावा। कालाउ जाइ का ह्रुता खाङधुरि पातेङ हि कालाउ जाइ चाहि ताइको जिबन आम्तिम थेकापा दोङ का ह्रुता खाङधुरि पातेङ हिकालाइहेङ चाहि बान्चि पावा।

मत्‍ति 19:28

येसु ओबालाइहेङ दोअ्हि, जातिङ भारि का नेलाइहेङ दोअ्खा, नेलाइ हासु बुङ काङको दोफा लोका हिसुना पानु, नेलाइ नावा सिरजाइका हिसुन्हा। जेलाउ का द्‍याङको चान ताइको महिमाको सिङहासनता योमाङका, कालाउ नेलाइ बुङ तेन्हे कुल ह्रुता हिस्वाना, कालाउ इस्राएल सारभिको तेन्हे कुलहुता न्याय पास्वाना।

मत्‍ति 24:13

जाइ चाहि ताइको जिबन लास्ता थेकापा दोङ का ह्रुता खाङधुरि पातेङ हिकालाइहेङ चाहि बान्चि पावा।

युहन्‍ना 6:29

येसु इम्बालाइहेङ उत्तारा पिहि, “परमेस्वरको काम इदोइ हि, कि नेलाइ का ह्रुता खाङधुरि पासु जाइहेङ वा दोङ दिङगिल्का हि।”

रोमि 2:7

परमेस्वर इम्बालाइहेङ आनान्त जिबन प्याङ जाइ धर्य दोफाङ रेम्का काम पाखे, कालाउकि वा महिमा, इज्‍जत कालाउ आनान्त जिबन निनाको।

रोमि 8:37

कालाउ या गोताङ मारेम्का काथागेलाइ जेङलाउ बुङ, केलाइहेङ प्रेम पाका येसु ख्रिस्ट पाहासो केलाइ इदोइ गोताङ काथागेलाइ ह्रुता बार्का जित निङका हिनाहि।

1 थेस्लोनिकि 3:5

ओदोङ भाअ्सिङ का आझाइ सहिलि मादोअ्नाङ कि नेलाइ हाइ पातेङ हिसुना दोअ्तेङ थाहा निङलि का तिमोथिहेङ नेलाइकोता दिङगिल्घा। हाइपालिपानु हिसो बुङ साइतान नेलाइहेङ परिक्स्याता पाहि, कि कालाउ केलाइको परिस्रोम ब्यर्थ जेनाङबे दोअ्तेङ का थिका हिघाखा।

हिब्रु 3:6

कालाउ येसु ख्रिस्ट चाहि परमेस्वरको साअ्को द्‍याङगेलाइ दोफा चानको रुपता खाङधुरि योग्य हिघाहि, कालाउ जेसापा केलाइ केलाइको आसता साहास ताअ्तेङ हिनाहि पानु, कालाउ केलाइ परमेस्वरको द्‍याङगेलाइ दोङ हिनाहि।

याकुब 2:20

ओइ नाअ् मुर्ख द्‍याङगेलाइ, हाइ नेलाइ आसल काम माकोसिङको खाङधुरि बेक्कार जेङखे दोअ्का काथाको प्रमान भोसुखेना?

१ युहन्‍ना 2:19

ख्रिस्ट बिरोधिगेलाइ केलाइको मन्डलिसो ओल्लेतेङ हानिहि, हाइपालिपानु इम्बालाइ केलाइको मान्थुघाहि। जेसापा इम्बालाइ केलाइ भाइपाङ जातिङको खान्धुराइ जेङका मान्थुघाहि माकुनु इम्बालाइ केलाइ दोफा हिधावा कालाउ इम्बालाइ झाराङ केलाइको माको रोइस दोअ्का काथा देखाल पापालि इम्बालाइ केलाइको मन्डलिसो ओल्लेतेङ हानिका हि।

१ युहन्‍ना 3:23

कालाउ परमेस्वरको आग्या इदोइ दोङ हि, कि केलाइ वाको चान येसु ख्रिस्टता खाङधुरि पालि गोइखे, कालाउ वा केलाइहेङ आग्या पिका बमोजिम केलाइ एमिसो-भेनेङहेङ प्रेम पालि गोइखे।

१ युहन्‍ना 5:5

हासु इदोइ सुमिङको बिरोधता धुम पातेङ बिजोइ निङलि दोखे? उङको दोङ हि, जाइ येसु ख्रिस्ट दोङ परमेस्वरको चान हिका हि दोअ्तेङ खाङधुरि पाखे।

प्रकास 2:11

जाइ काङको या काथा हिङदोङखे, वा इङको काथाहेङ ध्यान पितेङ हिनाको, परमेस्वरको आत्मा मन्डलिगेलाइहेङ हाइ दोअ्खे। जाइ दुस्टको सरबुङहेङ हारिपाखे, वा दन्ड मानिनाङ, जेदोङ चाहि न्हेतेङ सिका हि।

प्रकास 2:17

जाइ काङको या काथा हिङदोङखे, वा इङको काथाहेङ ध्यान पितेङ हिनाको, परमेस्वरको आत्मा मन्डलिगेलाइहेङ हाइ दोअ्खे। उङको द्‍याङगेलाइहेङ जाइ दुस्टको सरबुङहेङ हारिपावा, का आधे मन्न प्याङका जेदोङ म्होका हिघाहि। का झाराङहेङ एनोङ जे:का उन्ठुइ प्याङका, जेदोङता नावा मिङ लेखेयाङ। इङको मिङ हासुहेङ बुङ थाहा माज्याङ इङको मिङ ह्रुका द्‍याङ बाहेक।

प्रकास 2:7

जाइ काङको या काथा हिङदोङखे, वा इङको काथाहेङ ध्यान पितेङ हिनाको, परमेस्वरको आत्मा मन्डलिगेलाइहेङ हाइ दोअ्खे। दुस्टको सरबुङहेङ हारिपाका द्‍याङगेलाइहेङ का इङको सिङसो फल चाअ्का आनुमति प्याङका, जेदोङ सिङ जिबन पिखे, जेदोङ परमेस्वरको स्वर्गको बागाइचाता हि।

प्रकास 20:4

कालाउ न्हुसो, का आधे सिङहासनगेलाइ तिङघा, वाको दोफा योम्तेङ हिका द्‍याङगेलाइ दोफा सासन पालि खाबारा पिहि। का इम्बालाइको आत्माहेङ बुङ तिङघा जाइको पुरिङ पाल्पाहि हाइपालिपानु इम्बालाइ येसु दोङ प्रभु दोअ्तेङ सुइकार पाहि कालाउ इम्बालाइ परमेस्वरको बचनहेङ खाङधुरि पाहि। जेदोङ उङको द्‍याङगेलाइ इङको राक्सेसको माकुनु वाको मुर्तिको पुजा मापाहि, कालाउ इम्बालाइ ताइको कापालता माकुनु खुरता राक्सेसको दागाइका चिन्हा मालागाइहि। इदोइ द्‍याङगेलाइ आरोङ सिन्हुहि कालाउ ए-हाजार बासारको भाअ्सिङ ख्रिस्ट दोफा सासन पाहि।

प्रकास 21:7

जाइ इम्बालाइ दुस्टको सरबुङहेङ हारिपावा, ओबालाइहेङ काङकोसो इदोइ गोताङ आसिसगेलाइ प्याङका। कालाउ का वाको परमेस्वर जेनाङका कालाउ ओबालाइ बुङ काङको चानगेलाइ जेनावा।

प्रकास 22:5

इन्ता आरोङ हेलाउ बुङ माबेलातावा, इङको सहरता हिका गोताङ द्‍याङगेलाइहेङ ताइको दामा तिङपालिको भाअ्सिङ गेसा जोलाइलि आवस्यकता मागोइयाङ। ना ते इम्बालाइहेङ प्राकास पिलि सान्हे गोइखे। हाइपालिपानु परमेस्वर एमि हि जाइ गोताङ द्‍याङगेलाइहेङ फाइसालामका पिखे। कालाउ इन्ता हिका द्‍याङगेलाइ जेलाउलाउ बुङ सासन पावा।

प्रकास 3:12

जाइ दुस्टको सरबुङहेङ हारिपाखे, इङको द्‍याङगेलाइ परमेस्वरको मुन्दिरको खाम्बा भाइपाङ हिखे, जाइको का सेवा पाङका कालाउ इम्बालाइ बुङ जेलाउलाउको भाअ्सिङ परमेस्वरको मुन्दिरता ह्याङ। का इम्बालाइको जिउता काङको परमेस्वरको मिङ कालाउ काङको परमेस्वरको सहरको मिङ लेख्याङका, जेदोङ चाहि नावा यरुसेलेम हि। इङको सहर काङको परमेस्वरको स्वर्गसो लेता ल्वाङ। कालाउ काङको परमेस्वरसो का इम्बालाइको जिउता काङको नावा मिङ बुङ लेख्याङका।

प्रकास 3:21

जाइ दुस्टको सरबुङहेङ हारिपावा वा का दोफा काङको सिङहासनता योमावा, जेसाङ का जितितेङ काङको आबा दोफा वाको सिङहासनता योम्का हिघा।

प्रकास 3:5

जाइ दुस्टको सरबुङहेङ हारिपावा, वासेहेङ जे:का लोखोन धाबा होम्पावा। कालाउ का उङको द्‍याङको मिङ जिबनको कितापसो मामेति प्याङका जेदोङता इम्बालाइको मिङ लेखेका हि जाइ आनान्त जिबन निङका हि। कालाउ का काङको आबा कालाउ वाको सेवा पाका स्वर्गदुतगेलाइको आगाता जाअ्ताङका, कालाउ का घोसाना पाङका कि इम्बालाइ काङको हि।